Genesis 2:8 - Chahta Holisso Holitopa 1886

⁸ Mihma Chihowah Chitokaka hʋt hʋshi akochaka imma yo̱ Eten a̱ osapushi ya̱ ahokchi tok; micha yʋmmak o̱ hatak a̱ ikbi tuk ʋt bohli tok.

Genesis 2:8 Iomraidhean Croise

Genesis 13:10

Mihma Lot ʋt akachakali mʋt, Chatan yakni patali moma kʋt kanima moma kia oka laua achukma kʋt a̱sha; Chihowah yʋt Sotom, micha Komollah ya̱ okpʋnit ik tahlo ki̱sha ma, Chihowah im osapushi ak o̱ chohmi cha, Soa ish chukowa Echip yakni ak o̱ chiyuhmi tok a̱ pi̱hi̱sa tok.

Genesis 3:23

Yohmi hatuk osh Chihowah Chitokaka yʋt yakni yʋmmak o̱ ai ishi tuk a̱ atoksʋla chi̱ ho̱ osapushi Eten a̱ a kochi tok.

Genesis 3:24

Yʋmohmi hosh hatak ash kocha pit chʋffichi tok: mihmʋt osapushi Eten hʋshi akochaka ont ʋhli ka̱ Chelubim ʋhleha, micha iti aiokcha̱ya aiona ya̱ atoni yosh bʋshpo falaia lihimbi, kanima moma pit bihliblit fullota aiena ho̱ hilechi tok.

Genesis 4:16

Mihma Ken ʋt Chihowah itikba yash a kohchʋt ia cha, Eten i̱ hʋshi akochaka Not yakni ak o̱ ont ʋtta tok.

2 Mi̱ko 19:12

Oklushi puta a̱ki ʋhleha hʋt imaiyʋt chukilissʋchi tok, Kosan, micha Halan, micha Lesef, micha Eten im ʋlla ʋhleha, yʋmmʋt Hlelassa ya̱ a̱sha tok in chitokaka puta kʋt hlakoffichi tok oh cho?