Genesis 2:7 - Chahta Holisso Holitopa 1886

⁷ Mihma Chihowah Chitokaka yʋt yakni ya̱ lukfi ak o̱ ai ishi cha, hatak ikbi mʋt, ilhfiopak okcha̱ya ya̱ ibishakni chiluk ak o̱ fiopʋt fohki tok; mihma hatak ash osh shilombish okcha̱ya toba tok.

Genesis 2:7 Iomraidhean Croise

Genesis 1:27

Yohmi cha Chitokaka yʋt ilap akinli holba ho̱ hatak a̱ ikbi tok; Chitokaka holba ho̱ ikbi tok; nakni, micha tek itatuklo ho̱ ikbi tok.

Genesis 2:6

Yohmi tuk kia yakni ya̱ a kifillit ʋba ia cha, yakni paknaka moma ka̱ shummichi tok.

Genesis 3:19

Chi nashuka yʋt laiyaksha hosh pʋska i̱hi̱shpa tuk osh falamʋt lukfi ish toba hi oke; yʋmmak o̱ a chishi tuk oka: lukfi chia hokʋt, falamʋt lukfi ish toba hi oke, im achi tok.

Genesis 3:23

Yohmi hatuk osh Chihowah Chitokaka yʋt yakni yʋmmak o̱ ai ishi tuk a̱ atoksʋla chi̱ ho̱ osapushi Eten a̱ a kochi tok.

Genesis 7:22

Ilhfiopak okcha̱ya ʋt ibishakni ya̱ foyuka hatuk moma yakni shila aiasha tuk ʋt momʋt illi tok.

Atʋloa 100:3

Chihowa hak osh Chitokaka yoka̱ hʋsh ithanashke; yʋmmak osh hʋp ikbi tok o̱, immi hʋpia hoke; ilap im oklah, micha ilap ak osh ʋpesa̱ha̱chi chukfʋlhpoa aiena ka̱ hʋpia hoke.

Atʋloa 103:14

Yʋmmak osh lukfi pia ha̱ ʋkostininchih mʋt, kʋniohmi hosh e tuba tok a̱ ithana hokʋt.

Numbas 16:22

Mihma nashuka ishit hlipkaiyachi cha Chitokaka ma! Nipi moma imi shilombish in Chitokaka ma! hatak achʋfa hosh yoshoba na okla moma ka̱ ish i̱ nukkilla chi̱ cho? achi tok.

Numbas 27:16

Chihowah yʋt nipi puta moma imi shilombish in Chitokaka yʋt okla moma pehliechi hatak atokoli na,

Chan 20:22

Micha ilʋppa makachit in taha mʋt, o̱ fiopa mʋt, Shilombish Holitopa ya̱ oh ishí.

Apostel isht Anumpa 17:25

Micha nana hosh ik im iksho hatuk o̱, hatak ibbak ʋt im isht anta chatuk keyu; yʋmmak osh moma ka okcha̱ya, micha im ilhfiopak, micha nana moma aiena ka ihi̱ma hatuk oka.

Loman 9:20

Yohmi ak inli kia, amba hatak chia ma! kʋta chia hokak osh Chihowa ya̱ i̱ sanalit ish anumpuli cho? Nana toba tok ʋt ikbi tok ash o̱, Nanta katihmi ho̱ yakohmichit chishno yʋt is sakbi tok o̱? im acha hinla ho̱?

1 Kolinhlian 15:45

Yʋmohmi kak o̱ hatak ʋmmona Alʋm ʋt shilombish okcha̱ya yosh toba tok; Alʋm ishtaiyopi kʋto Shilombish okchalinchi yo̱ toba tok, achi hosh holihi̱so hoke.

1 Kolinhlian 15:47

Hatak ʋmmona kʋt yakni yo̱ a toba hatuk osh, yakni imma kak oke. Hatak atukla kʋto ʋba minti Chitokaka ak oke.

2 Kolinhlian 4:7

Yohmi kia nan isht ai a̱hli chinto fehna kʋt pishno ak o̱ keyu, amba Chihowa ak o̱ immi ha chi̱ ka, nan ila̱yak holitopa ilʋppak ash o̱ nan ai ʋlhto okfulush toba ho̱ isht il ieshi hoke.

2 Kolinhlian 5:1

Ʋlhtipo yakni pakna a pim aboha ilʋppak okʋt ont a yuhla kia, ibbak isht atoba tok keyu, ʋba a holitopa ya̱ a bilia chuka, Chihowa hʋt ikbi tok a̱, pin talaia kʋt il ithaiyana hoka.

1 Timohli 2:13

Yohmi ka Alʋm ak osh If a̱ ti̱kba toba hatok oka.

Heblu 12:9

Mihmʋt anonti pi̱ki ʋt haknip a̱sha pishno chohmi hosh pi kostininchi chatuk; mihma yʋmma e holitobli tuk ʋt shilombish puta I̱ki yokak heno i̱ nutakʋt il ai asha cha, pi okcha̱ya he ak osh pim i̱ shahla hinla keyu ho̱?