Genesis 2:5 - Chahta Holisso Holitopa 1886

⁵ Chihowah Chitokaka yʋt yakni, micha ʋba moma ikbi tok nitak a̱, haiaka itʋpushi moma kʋt yakni ya̱ ik ai iksho ma, haiaka haiyu̱kpulo moma kʋt ik ai offo ki̱sha tok: Chihowah Chitokaka yʋt yakni paknaka ik on umbacho hatuk o̱, mihma yakni toksʋla hi ʋt hatak nana kia iksho tok.

Genesis 2:5 Iomraidhean Croise

Genesis 2:6

Yohmi tuk kia yakni ya̱ a kifillit ʋba ia cha, yakni paknaka moma ka̱ shummichi tok.

Genesis 3:23

Yohmi hatuk osh Chihowah Chitokaka yʋt yakni yʋmmak o̱ ai ishi tuk a̱ atoksʋla chi̱ ho̱ osapushi Eten a̱ a kochi tok.

Genesis 4:12

Yakni ya̱ ish a toksʋli hokma, himak pilla ka̱ im i̱ hlampko hosh chi̱ waya he keyu hoke: i̱ yakni kohcha yosh yakni paknaka ya̱ fullokahanchit a̱ya hatak chia ha chi̱ hoke, im achi tok.

Genesis 4:2

Atuk osh anonti nakfish Abel a̱ eshi tok. Atuk o̱ Abel ak osh chukfʋlhpoa apesʋchi yokma, Ken ak osh osapa toksʋli atok.

Atʋloa 104:14

Nan ʋlhpoa ya̱ hʋsshuk im uffochechi cha, hʋttak ʋt yakni ya̱ illimpa a kohchi hosh isht im ai achukma ka̱, nan uffo a̱ im uffochechi hoke.

Atʋloa 135:7

Yakni ont atahaka ya̱ oktohbi ʋba iachi hosh, umba ha̱ hʋsshukmʋlli im ikbi hoke; mahli ha̱ nan im aiasha puttah a kucchi hoke.

Mahlu 5:45

Yakohmi hosh hʋch I̱ki ʋba binili ka im ʋlla hʋchia hi oke: yʋmmak okʋt i̱ hʋshi atuk ma nan ik ʋlhpeso, micha na‐hochukma aiena ka i̱ kohchihinchikmʋt, kocha umba ka nan‐aia̱hli hochukma, mikmʋt nan ik a̱hlo aiena ka auet i̱ pihinla chatuk oka.

Heblu 6:7

Yohmi ka yakni ak osh uhumba aiyuka ka ai ihi̱shke hosh yakni a toksʋli yʋmmak atuk ʋt ai isha he ʋlhpiesa ho̱ offohonchi cha, nan isht ai yukpa Chihowa a mihinti ka ishi hoke: