Genesis 2:4 - Chahta Holisso Holitopa 1886

⁴ Ilʋppa puta kak osh Chihowah Chitokaka yʋt yakni, micha ʋba moma aiena ikbi tok, nitak a̱ ʋba moma, micha yakni aiena kʋt toba tok a̱ isht annoa hoke;

Genesis 2:4 Iomraidhean Croise

Genesis 1:1

Ʋmmona ka̱ Chitokaka yʋt ʋba, micha yakni aiena ka̱ ikbi tok.

Genesis 1:28

Micha Chitokaka yʋt yukpali tok, micha Chitokaka yʋt, Wayʋt hʋsh apaknashke, micha yakni ya̱ hʋsh alotowa cha, hʋsh imaiyachashke: micha nʋni okhʋta aiasha, micha hushi ʋba itʋnowa, micha nan okcha̱ya puta yakni paknaka itʋnowa moma ka̱ hʋsh i̱ shahli hashke.

Genesis 1:3

Mihma Chitokaka yʋt, Tohwikelashke, achi tok: mihma tohwikeli tok.

Genesis 1:31

Mihma Chitokaka yʋt nana moma ikbi tuk ʋt pisa ma, yakeh! achukma fehna tok. Mihma opia kʋt micha onnahinli kʋt nitak ishit hannali tok.

Genesis 1:4

Mihma Chitokaka yʋt towikeli hʋt achukma ho̱ pisa tok: mihmʋt Chitokaka yʋt tohwikeli ash okhlilika ai iti̱ filʋmmichi tok.

Genesis 10:1

Ilʋppak osh Noah ushi ʋhleha, Shem, Ham, micha Chafelh aiena ka̱ isht annoa holisso hoke: yohmi ka̱ yʋmmak okʋt oka falama ʋt a̱ya ha yak o̱ ushi ʋt im aiasha tok.

Genesis 11:10

Ilʋppa puta kak osh Shem isht ai unchololi hoke: Shem ʋt afʋmmi tahlepa achʋfa hosh oka falama ʋt a̱ya ha ya̱ afʋmmi tuklo ma, Afaksat a̱ tobachi tok.

Genesis 2:3

Micha Chitokaka yʋt nitak ont isht untuklo kak o̱, Chitokaka nana isht ikba chi̱ hosh ikbi tuk toksʋli puta kʋt yʋmmak o̱ issʋt a foha hatuk okʋt, holitoblichit hullochi tok.

Genesis 25:12

Yohmi ka̱ ilʋppa puta kak osh Echip ohoyo, Salah in tishu ohoyo Haka ʋt Eblaham a̱ im eshi tok, Ishmael Eblaham ushi a̱ im ishtatiaka yoke.

Genesis 25:19

Mihma ilʋppak osh Eblaham ushi Aisak a̱ in chuka achʋfa anoli holisso hoke: Eblaham ʋt ushi Aisak a̱ tobachi tok:

Genesis 36:1

Yohmi ka̱ ilʋppak osh Esau, yʋmmʋt Etom in chuka achʋfa ya̱ anoli holisso yoke.

Genesis 36:9

Micha ilʋppa puta kak osh Etomait ʋhleha ha̱ i̱ki Esau ya̱ in chuka achʋfa yosh Sei nʋnih ha̱ aiasha tok a̱ holisso anoli hoke,

Genesis 5:1

Ilʋppak osh Alam isht‐atiaka isht annoa holisso hoke. Chitokaka yʋt hatak a̱ ikbi tuk nitak fehna ka̱ Chitokaka hak o̱ holba ho̱ ikbi tok.

1 Mi̱ko 18:39

Mihma okla moma kʋt pisa mʋt, nashuka ishit hlipkʋchi tok: micha, Chihowa yʋmmak osh Chitokaka yoke, Chihowa yʋmmak osh Chitokaka yoke, okla ahanchi tok.

Atʋloa 18:31

Chihowa hak illa ka̱, kʋta hosh Chitokaka yato̱ba̱? micha pi̱ Chitokaka yak illa ka̱, kʋta hosh tʋli chito yato̱ba̱?

Atʋloa 86:10

Chinto cha na̱ fehna yʋmi̱hi̱chi chia hosh, chishno ak bano hosh Chitokaka chia hoka̱.

Eksotʋs 15:3

Chihowah yʋt hatak tʋnʋp oke, hohchifo kʋt Chihowah yoke.

Eksotʋs 6:16

Mikma ilʋppa puta kak osh im ai iti shali ʋlhpi̱sa hosh Lefai ushi ʋhleha hohchifo ha tok: Keshon, micha Kohalh, micha Melali ak atok. Mihma Lefai ʋt okcha̱yʋt ahanta afʋmmi moma kʋt afʋmmi tahlepa achʋfa cha, pokoli tuchina akucha untuklo tok.

Nan Otʋni 1:4

Chan ʋt Asia yakni chʋch a hiohli untuklo ka pit aiokpʋchi; yʋmmʋt okcha̱yʋt ahanta kʋt, yʋmmak osh okcha̱yʋt ahanta tok osh, anonti himak a pilla ka okcha̱yʋt ahanta he mak o̱ nan isht i̱ kana, isht it i̱ nanaiya aiena kʋt a minti, yʋmma im ai o̱ binili holitompa itikba ya̱ a hieli Na shilombish untuklo aiena ka a minti;

Nan Otʋni 1:8

Chitokaka nan oklu̱ha imaiya yʋt himak a̱ okcha̱yʋt ahanta kʋt, yʋmmak osh okcha̱yʋt ahanta tok osh, himak a pilla ka okcha̱yʋt ahanta he mak osh, Ʋno ak osh Alfa, Omeka, ai isht ia ʋmmona, micha ont ai ʋhli aiena sia mak oke, achishke.

Nan Otʋni 11:17

Chitokaka Chihowa nana moma imaiya ma! okcha̱yʋt ahanta tok osh, okcha̱yʋt ahanta, anonti himak a pilla ma okcha̱yʋt ahanta he chia, yohmi kʋt chishno nan isht chim ai a̱hli chinto ma il ai i̱shit, mi̱kot ish ahanta hoka, yak oke e chim ai ahnishke, ahanchi tok.

Nan Otʋni 16:5

Yohmi ma oka puta ka im enchil osh okcha̱yʋt ish ahanta kʋt, okcha̱yʋt ish ahanta tok osh, anonti okcha̱yʋt ish ahanta hi osh nana ka yakohmichit ish apesa hoka, Chitokaka ma! nan ai ʋlhpiesa chia hoke.