Genesis 2:3 - Chahta Holisso Holitopa 1886

³ Micha Chitokaka yʋt nitak ont isht untuklo kak o̱, Chitokaka nana isht ikba chi̱ hosh ikbi tuk toksʋli puta kʋt yʋmmak o̱ issʋt a foha hatuk okʋt, holitoblichit hullochi tok.

Genesis 2:3 Iomraidhean Croise

Genesis 1:31

Mihma Chitokaka yʋt nana moma ikbi tuk ʋt pisa ma, yakeh! achukma fehna tok. Mihma opia kʋt micha onnahinli kʋt nitak ishit hannali tok.

Genesis 2:2

Mihma nitak ont isht untuklo ma Chitokaka yʋt natoksʋli ikbi tuk ʋt atahli tuk atok: micha nitak ont isht untuklo ma natoksʋli moma isht ahanta tuk ʋt foha tok.

Genesis 2:4

Ilʋppa puta kak osh Chihowah Chitokaka yʋt yakni, micha ʋba moma aiena ikbi tok, nitak a̱ ʋba moma, micha yakni aiena kʋt toba tok a̱ isht annoa hoke;

Eksotʋs 23:12

Nitak hannali ho̱ chi̱ pilesa ha̱ ish yʋmihchashke; atuk osh nitak isht untuklo ka̱ ish fohashke; yʋmohmi ho̱ chi̱ wak, micha chim issuba nashoba, micha chi̱ yuka ohoyo ushi, micha okla inla aiena kʋt fohashke.

Eksotʋs 34:21

Nitak hannali ho̱ ish toksʋlashke, amba nitak isht untuklo kano ish fohashke; yakni patʋffi nitak, micha nawaya nitak a̱ ish fohashke.

Lefitikʋs 23:3

Nitak hannali ho̱ natoksʋli ʋt ʋlhtaha hi oke: amba nitak isht untuklo kʋto nitak hullo afoha aiitʋnaha holitopa yoke: yʋmmak oka natoksʋli nana kia hʋsh yʋmihcha he keyu hoke; hʋsh aiasha moma ka̱ Chihowah i̱ nitak hollo ya hi oke.

Mark i̱ Holisso 2:27

Mihmʋt nitak‐hullo ʋt hatak ak o̱ im ʋlhpisa a tok: hatak ak osh nitak‐hullo ak o̱ im ʋlhpisa tok keyushke.

ʋBanumpa Luk Ʋt Holissochi Tok 23:56

Mihmʋt falamʋt ilhkoli cha, na‐balama, micha nan‐ahama aiena ka atahlit ma̱ya tok: mihmʋt anumpa ʋlhpisa yoka nitak hullo yokʋno foha tok.