Genesis 2:2 - Chahta Holisso Holitopa 1886

² Mihma nitak ont isht untuklo ma Chitokaka yʋt natoksʋli ikbi tuk ʋt atahli tuk atok: micha nitak ont isht untuklo ma natoksʋli moma isht ahanta tuk ʋt foha tok.

Genesis 2:2 Iomraidhean Croise

Genesis 1:31

Mihma Chitokaka yʋt nana moma ikbi tuk ʋt pisa ma, yakeh! achukma fehna tok. Mihma opia kʋt micha onnahinli kʋt nitak ishit hannali tok.

Genesis 2:3

Micha Chitokaka yʋt nitak ont isht untuklo kak o̱, Chitokaka nana isht ikba chi̱ hosh ikbi tuk toksʋli puta kʋt yʋmmak o̱ issʋt a foha hatuk okʋt, holitoblichit hullochi tok.

Eksotʋs 23:12

Nitak hannali ho̱ chi̱ pilesa ha̱ ish yʋmihchashke; atuk osh nitak isht untuklo ka̱ ish fohashke; yʋmohmi ho̱ chi̱ wak, micha chim issuba nashoba, micha chi̱ yuka ohoyo ushi, micha okla inla aiena kʋt fohashke.

Eksotʋs 31:15

Nitak hannali ho̱ natoksʋli ya̱ yʋmihcha hinla hoke, Amba isht untuklo hokʋto nitak hullo afoha, Chihowah i̱ holitopa hoke; kʋna hosh nitak hullo ya̱ natoksʋli nana kia yʋmihchikmʋt illi pulla hi oke.

Eksotʋs 31:17

Nan isht atakowa yosh ʋno, micha Islael im ʋlla ʋhleha pim itin takla ya̱ itoyula na bilia hi oke; nitak hannali ho̱ Chihowah yʋt ʋba shutik, micha yakni aiena ka̱ ikbi mʋt, nitak isht untuklo ka̱ foha cha, im achukma tok oka, ish im achashke, im achi tok.

Chan 5:17

Yohmi kia Chisʋs ʋt, A̱ki ʋt toksahanli na himak a kak o̱, ʋno ʋt toksʋli li hoke.

Tutelonomi 5:14

Amba nitak isht untuklo hokʋto Chitokaka chin Chihowah i̱ nitak hullo yoke: yʋmmak okʋno chishno, micha chiso, micha chiso tek, micha hatak chin tishu, micha ohoyo chin tishu, micha chi̱ wak toksʋli, micha chim issnba nashoba, micha chi̱ nan ʋlhpoa nana kia, micha hatak ik ithano yosh chi̱ holihta okhissa chi̱ hikia kia na pilesa nana kia yʋmihcha he keyu; yʋmohmi ho̱ hatak chin tishu, micha ohoyo chin tishu aiena kʋt chishno ak inli chohmit fohashke.

Heblu 4:10

Yohmi ka kʋna hosh Chihowa im afoha yoka ont chukowa hokʋto, ilap inli toksʋli kash issa kʋt, Chihowa hʋt ilap toksʋli tuk ʋt issa ak inli tok ash inli ho̱ chiyuhmi hoke.

Heblu 4:4

Ilap ʋt yakohmichit nitak isht untuklo ka ai atokowa kanima ka isht anumpuli tok: yohmi kʋt Chihowa hokʋt ilap a toksʋli puta hoka ataiyahli kak osh nitak isht untuklo hokʋno foha tok.