Genesis 2:1 - Chahta Holisso Holitopa 1886

¹ Yakohmi hosh ʋba moma, micha yakni, mikmʋt nana ai i̱ puta kʋt momʋt ʋlhtaiyaha tok.

Genesis 2:1 Iomraidhean Croise

Genesis 1:1

Ʋmmona ka̱ Chitokaka yʋt ʋba, micha yakni aiena ka̱ ikbi tok.

Genesis 1:10

Mihma Chitokaka yʋt ashila yash Yakni hochifo tok; mihmʋt oka itiba fohkʋt itʋnaha yash, Okhʋta hochifo tok: mihma yʋmmʋt achukma ho̱ Chitokaka yʋt pisa tok.

Genesis 2:4

Ilʋppa puta kak osh Chihowah Chitokaka yʋt yakni, micha ʋba moma aiena ikbi tok, nitak a̱ ʋba moma, micha yakni aiena kʋt toba tok a̱ isht annoa hoke;

2 Mi̱ko 19:15

Mihmʋt Hesekiah ʋt Chihowa itikba ya̱ anumpa ilbʋsha anumpulit, Islael in Chitokaka Chihowa chelubim ititakla ahanta chia ma! chishno, chishno ak bano hosh yakni apehlichika puta moma in Chitokaka chia hoke: chishno ak osh ʋba, micha yakni aiena ka ish ikbi tok.

Atʋloa 104:2

Yohmi kʋt tohwikeli ha̱ anchi ak o̱ chomihchit ish anchi hoke; ʋba shutik a̱ isht ʋlhtipo nantʋnna yak o̱ chomihchit ish wʋtʋmmi hoke.

Atʋloa 146:6

Yʋmmak osh ʋba micha yakni, okhʋtah micha nana hosh yʋmma̱ aiyasha momah aiena ka̱ ikbi tok osh, aia̱hlika ieshi na billia yak oke.

Atʋloa 33:6

Chihowa im ʋnnumpa ho̱ ʋba yʋt tubah ma̱, itih fiopa ho̱ nanah puttah momah ai asha kʋt tuba tok.

Atʋloa 33:9

Yʋmmak osh mihah ma̱, tuba tok oka̱: yʋmmak osh im ʋpesah ma̱, ʋlhtahʋt tʋllaya tok oke.

Eksotʋs 20:11

Nitak hannali ho̱ Chihowah yʋt ʋba, micha yakni, okhʋta, micha nana yʋmma aiasha moma ka̱ ikbi cha, nitak isht untuklo ka̱ foha tok oke; yʋmohmi ha tuk osh Chihowah yʋt nitak hullo nitak a̱ holitoblichi cha, hullochi tok oke.

Eksotʋs 31:17

Nan isht atakowa yosh ʋno, micha Islael im ʋlla ʋhleha pim itin takla ya̱ itoyula na bilia hi oke; nitak hannali ho̱ Chihowah yʋt ʋba shutik, micha yakni aiena ka̱ ikbi mʋt, nitak isht untuklo ka̱ foha cha, im achukma tok oka, ish im achashke, im achi tok.

ʋBanumpa Luk Ʋt Holissochi Tok 2:13

Yohmi ma i̱ mih‐makinli ho̱ enchil okla chinto yʋt enchil ash o̱ ant okla apeha cha, Chihowa ya̱ aiokpʋchit,

Apostel isht Anumpa 4:24

Mihma yʋmma okla haklo mʋt, im anukfila ai achʋfʋt, Chihowa ya̱ okla pit im anumpuli mʋt, Chitokaka ma! chishno akosh Chihowa chia hosh, ʋba shutik, micha yakni, mikmʋt okhʋta, micha nana moma yakohmi aiasha ka ikbi tok chia hʋt;

Apostel isht Anumpa 7:42

Yohmi ma ʋba fochik puta ka, okla aiokpʋcha chi̱ mak o̱, Chihowa yʋt issʋt i̱ filʋmmi tok. Hopaii ʋhleha i̱ holisso ha̱ a holihi̱so kʋt, Islael in chuka achʋfa ʋhleha hʋchia ma! afʋmmi pokoli ushta ka yakni haiaka, nan ʋlhpoba nipi puta, micha nan isht ai okpʋchi puta aiena ka, isht hʋs sʋm ahanla cho?

Tutelonomi 17:3

Micha iʋt na holbʋt toba inla, hʋshi, keyukmʋt hʋsh ninak a̱ya, keyukmʋt ʋba nana puta, yʋmmak oka miha li tuk keyu ho̱ im antia tuk, micha aiokpʋchi tuk osh haiakakma;

Tutelonomi 4:19

Micha keyukmʋt, hʋchi nishkin a̱ shutik pilla aka chakalichi cha, hʋshi micha hʋshi ninak a̱ya, micha fochik puta, ʋba nana moma fehna ka̱ hʋsh pisakmʋt, yʋmmak oka chin Chitokaka Chihowah yʋt oklushi puta ʋba moma nuta ka̱ im ita kashʋbli tok a̱, yoshoba cha aiokpʋchit hʋsh im antia na.

Heblu 4:3

Yohmi ka, Si anukhobela hosh anumpa kʋllo il onochit anumpohonli li hoka, yʋmmak okʋt ʋm afoha yoka chukowa he keyu, ilap ʋt achi tok: yohmi ak inli kia pishno il i̱ yimmi hatuk okʋto yakni toba ʋmmona pilla kash nan toksʋli puta kash ot ont ʋlhtaiyaha tok im afoha yoka e chukowa hoke.