Genesis 19:9 - Chahta Holisso Holitopa 1886

⁹ Mihma, Misha hikiá, okla achi tok. Micha anonti, Hatak achʋfa ilʋppʋt cheki itintakla pi takla anta chi̱ hosh ʋla tuk ʋt nanapesa ya chi̱ hotuma? Himak a̱ chishno ak o̱ yʋmma e yʋmihcha hetuk i̱ shahlichi hosh e chi yʋmihcha chi̱ hoke, okla achi tok. Mihmʋt hatak Lot ash okla i̱ kʋllo fehna tok; micha okhissa ya̱ tiʋbla chi̱ hosh bili̱ka ai ʋla tok.

Genesis 19:9 Iomraidhean Croise

Eksotʋs 2:14

Mihma, Kʋta hosh pi̱ shahli, micha na pim apesa chikbi tuk oh cho? Echip hatak ishbi tuk ʋt chohmichit sʋba chi̱ ho̱ ish ahni cho? achi tok. Mihma Moses ʋt nukshopa cha, Nana ilʋppʋt otʋni tuk pullʋshke, achi tok.

Genesis 13:12

Eblam ʋt Kenan yakni ak o̱ ai ahanta tok; mikma Lot ʋt yakni patali tʋmaha holihta taloha kak o̱ ai ʋtta cha, Sotom pilla hak o̱ im ʋlhtipo ya̱ hilechi tok.

Mahlu 7:6

Nana kʋt holitompa hokʋno ofi puta ma pit hʋch ik imokmʋt, anonti hʋch i̱ na holitopa puta hatuk ma shukha itikba ya̱ hʋch ik ashacho kashke; yʋmmak keyukma yʋmmak ash o̱ iyi isht a hʋhlichi cha, anonti filemʋt hʋchishno ash o̱ hʋchi okpʋna hinla hoke.

1 Samuel 25:17

Yʋmohmi hoka himak a̱ ish anukfilli cha, nana ish kaniohma chi̱ kʋt ish ithaiyanashke: nana ik achukmo ho̱ pi̱ shahli, micha in chuka achʋfa aiena ka im anukfilʋt isht i̱ sanali hoka: Belial ushi ak o̱ ohmi ka kʋna hosh im anumpula he keyu hoka, achi tok.

1 Samuel 17:44

Micha Filistin ʋt Lewi ya̱, A̱ mintí, mikma chi nipi ya̱ hushi puta ʋba itʋnowa, micha nampoa puta yakni haiaka aiasha ka ipeta lashke, im achi tok.

Genesis 11:6

Micha Chihowah ʋt, Yakeh! okla hʋt achʋfa, micha moma kʋt im anumpa hʋt achʋfʋshke: atuk osh ilʋppa yʋmihchit isht iʋshke: yohmi ka̱ himak a̱ yʋmihcha chi̱ im anukfila tuk a̱ nana hosh im ai ataklʋmma hi ʋt ikshoshke.

1 Samuel 2:16

Atuk o̱ hatak nana hosh, Chekosi nia ya̱ ik hukmo ki ná, yohmikmʋno laua kaniohmi ho̱ chi chu̱kʋsh ʋt ahnikmʋt, ish ishashke im achikma: yʋmohmikma afalamichit, Aha̱ himonasi ya̱ issʋmashke: keyukma afoa hosh ishi la chi̱ hoke, im achi beka tok.