Genesis 19:5 - Chahta Holisso Holitopa 1886

⁵ Micha Lot a̱ i̱ howa mʋt, Himak ninak a̱ hatak ʋt chim ʋla tuk mʋto? kohchit isht ish pim ʋla na, il ithʋnashke, okla im achi tok.

Genesis 19:5 Iomraidhean Croise

Genesis 19:6

Mihma Lot ʋt okhissa ya̱ kohchʋt im ona cha, okhissa isht ʋlhkʋma yash okhi̱shtʋt kohcha mʋt,

1 Mi̱ko 14:24

Mihma yakni yash Sotomait ak kia a̱sha tok: mihma nanashʋchi yuwalʋchi oklushi puta Chihowa ʋt Islael im ʋlla ʋhleha itikba ya̱ tihlelit kocha wehli tok o̱, yʋmohmi tok ʋt moma ka yʋmohmi tok.

1 Mi̱ko 22:46

Micha Sotomait ʋhleha atampa, yʋmmʋt i̱ki Asa i̱ nitak a̱ a̱sha moma tuk a̱, yakni yash a kohchi tok.

Lefitikʋs 18:22

Hatak bi̱ka ya̱ ohoyo chohmichit chik iba tʋshko kashke; nan isht yuwala yoke.

Lefitikʋs 20:13

Micha hatak ʋt hatak bi̱ka iba tʋshkit ohoyo iba tʋshki ka̱ chohmikmʋt, ita tu̱klot nan isht yuwala ya̱ yʋmihchi hokʋt, illi pulla hi oke; im issish ʋt ilap akinli hosh onʋtola hi oke.

1 Kolinhlian 6:9

Ik ʋlhpeso ʋhleha hokʋt Chihowa im apehlichika yʋt ai immi ha he ʋlhpesa keyu ka hʋch ik ithano cho? hʋch ik ile haksecho kashke; itin luma̱ka ʋhleha, naholbʋt toba aiokpʋchi ʋhleha, micha nakni haui ʋhleha, micha nakni haui ʋhleha, micha nakni bi̱ka iti hauichi ʋhleha,

Tutelonomi 23:17

Islael ushetik ʋhleha ha̱ hauit iksho kashke, micha Islael ushi ʋhleha Sotomait ʋt iksho kashke.

1 Timohli 1:10

Haui puta, kʋna hosh ilap inli kʋt nakni bi̱ka isht ile litehli ʋhleha, hatak bi̱ka hu̱kopa ʋhleha, holabi ʋhleha, anumpa kʋllo il onochit ik a̱hlo ʋhleha, mikmʋt ilap inli isht ilaiyukpa Chihowa im anumpa holitopa, isht ʋm atokowa tok, nan ai a̱hli yʋmma i̱ sanali kia yʋmohmi ʋhleha aiena kak atok, ilʋppa il ithaiyanʋshke.

2 Timohli 3:13

Amba hatak ik ʋlhpeso, micha na yoshubli aiena kʋto nan ai ʋlhpesa keyu yohmi kʋt i̱ shahlit ma̱ha̱ya hi oke: yohmi kʋt ilap ʋt yoshuhumba hatuk osh inla ya̱ yoshuhumbla hi oke.

2 Pita 2:2

Mikma la̱wa kʋt yʋmmʋt nan isht ai okpuloka he ai yʋmohmi puta ka hobacha he; yʋmmʋt yʋmohmi kak o̱ hina ai a̱hli yʋt nan isht ik ahobot isht anumpa hi oke.

2 Pita 2:7

Mihmʋt hatak achukma Lot okʋt, hatak haksi nan a kaniohmi liteha ya̱ isht nukha̱klot ik im achukmot ahanta tuk a̱, a hlakofichi tok.

Chute 1:7

Yohmi ka Sotom, Komolah, micha tʋmaha hochito auet i̱ bili̱ka aiena kash osh yʋmmak ash o̱ chiyuhmit, haui ai yʋmohmi fehna, micha haknip inla ho̱ asitia aiena tok ʋt nana ka isht ilbʋsha he otaiyani mak osh isht i̱ nukkilli luak bilia yo̱ isht ilbʋsha hoke.

Nan Apesa 19:22

Atuk osh chu̱kʋsh yukpalit chihi̱ya ma, yakeh! tʋmaha holihta hatak ʋhleha Belial ushi ʋhleha yosh chuka ya̱ a folubli cha, okhissa ya̱ boli mʋt, chuka pehlichi hatak sipokni ya̱ im anumpulit, Hatak ʋt ʋlʋt, chin chuka ant chukowa tuk a̱ isht ish kohcha na il ithanashke, achi tok.