Genesis 19:4 - Chahta Holisso Holitopa 1886

⁴ Yohmi kia okla ik tʋshko ki̱sha ho̱, tʋmaha holihta hatak ʋhleha, Sotom hatak ʋhleha fehna kʋt sipokni, micha himita aiena okla moma kanima moma ka̱ minti hosh aboha yash apakfoyubli tok.

Genesis 19:4 Iomraidhean Croise

Genesis 13:13

Yohmi kia Sotom hatak ʋhleha hʋt haksi fehna cha, Chihowah itikba ya̱ nanashʋchi atampa fehna tok.

Genesis 18:20

Mihmʋt Chihowah yʋt Sotom, micha Komollah ya̱ ishit pa̱ha̱ya kʋt chito, micha i̱ nanashʋchi ʋt weki fehna hatuk o̱.

Eksotʋs 16:2

Mihma Islael im ʋlla ʋhleha okla moma kʋt yakni haiaka ya̱ Moses, micha Alon a̱ i̱ sanalit nanumachi tok.

Eksotʋs 23:2

Okla la̱wa ya̱ iakaiyʋt nana ik achukmo ish yʋmihcha he keyu; micha laua kʋt nan aiʋlhpesa yʋmihchi ya̱ shanaiyacha chi̱ ka̱ iakaiyʋt ish anumpula he keyu hoke.

Loman 3:15

Iyi yʋt issish a̱ hlatahampla chi̱ kʋt pʋlhki hoke.

Nan Apesa 19:22

Atuk osh chu̱kʋsh yukpalit chihi̱ya ma, yakeh! tʋmaha holihta hatak ʋhleha Belial ushi ʋhleha yosh chuka ya̱ a folubli cha, okhissa ya̱ boli mʋt, chuka pehlichi hatak sipokni ya̱ im anumpulit, Hatak ʋt ʋlʋt, chin chuka ant chukowa tuk a̱ isht ish kohcha na il ithanashke, achi tok.