Genesis 19:3 - Chahta Holisso Holitopa 1886

³ Mihma im achunanchi fehna tok: mihma im a fullota cha, im aboha ya̱ chukowa tok; mihma impʋchi im ikbi cha, pʋska ik shatʋmmo i̱ nunachi ma, impʋt okla tok.

Genesis 19:3 Iomraidhean Croise

Genesis 19:2

Mihmʋt, Yakeh, a̱ shahli ma! himak a̱ fullotʋt hʋchin tishu im aboha ya̱ hʋsh chukowa cha, hʋsh a̱shwa na onnashke; micha hʋch iyi ya̱ hʋsh achefashke; atuk mʋt onnahinli fehna hʋsh wakaya cha, hʋchi̱ hina ya̱ hʋsh a̱yashke, achi tok. Mihma, Ahá, amba aiitʋnowa ak o̱ il a̱shwa na onna chi̱ hoke, achit okla tok.

Genesis 21:8

Mihma ʋlla yash osh hofantit iʋt, pishit issa tok: atuk o̱ pishi ka̱ issʋchi nitak makinli ma Eblaham ʋt impʋchi chito ikbi tok.

Genesis 24:31

Atuk osh, Ant chukowá, Chihowah i̱ holitopa chia ma! nanta katiohmi ho̱ kocha ish hikia cho? aboha ya̱ atahli li, micha kamel a̱ aiasha im atahli li hoka, achi tok.

Genesis 26:30

Mihma Aisak ʋt impʋchi im ikbi na, impʋt nan ishkot okla aiasha tok.

2 Mi̱ko 4:8

Atuk osh nitak kaniohmi ma, Elisha ʋt a̱yʋt Shunem, yʋmma ohoyo chito yosh ʋtta ho̱ ona tok; mihma pʋska ʋpa chi̱ ka im achunanchi tok. Atuk o̱ yakohmi beka tok, a̱yakmʋt, pʋska ʋpa chi̱ hosh folotʋt chukowa beka tok.

Eksotʋs 12:15

Nitak untuklo ho̱ pʋska ik shatʋmmo ya̱ hʋsh pa hi oke; nitak ʋmmona mak inli ho̱ shatʋmmi ya̱ hʋchim aboha puta ka̱ hʋsh kohchashke; kʋna hosh nitak ʋmmona ʋttʋt ia hosh nitak ont isht untuklo ont ʋhli takla ka̱ pʋska shatʋmmi ya̱ ʋpakmʋt, shilombish yʋmmʋt Islael a̱ akohchʋt fiopa tʋpa hi oke.

Eksotʋs 12:39

Mihma tansh yamʋska Echip ai ishit kohcha ka̱ ik shatʋmmo hatuk oka, pʋska luboa ik shatʋmmo nunachi tok; Echip a̱ kocha pit tihleli, mihma a̱sha he keyu hatuk okʋt, micha ilhpak kia ik ila tahlo tuk atok.

ʋBanumpa Luk Ʋt Holissochi Tok 11:8

Yohmi tuk kia i̱ kana hatuk ak osh tani cha, ipeta he tuk keyu kia, amba yʋmmak ash osh im ahchibʋchi fehna kak o̱ tani cha, laua kʋt kaniohmi ho̱ bʋnnakma, ima hinla hoke, hʋchim achi lishke.

ʋBanumpa Luk Ʋt Holissochi Tok 14:23

Mihma i̱ shahli ash ot tishu hash, Kohchʋt iʋt, haiaka hina bʋshkʋchi, mikmʋt kʋti holihta anu̱kaka aiena puta ka a̱yʋt, ilʋppa ʋla chi̱ ka, ish atu̱shpalechi na an chuka ʋt alota mak inlashke,

ʋBanumpa Luk Ʋt Holissochi Tok 5:29

Mihmʋt Lefai ash osh ilap in chuka akinli ho̱ yʋmmak ash o̱ impa chinto fehna im ai ikbi tok: mihma pʋblikan ʋhleha, micha inlaka aiena kʋt laua hosh iba takla binohma̱ya tok.

Chan 12:2

Mihma yʋmmak o̱ opiaka impa yo̱ okla ai im atahli tok; mihma Mahla ak osh nan ai isht im anta ma, amba Lasalʋs ʋto ibai impa hosh ma̱ya kak o̱ iba takla a̱sha tok.

1 Kolinhlian 5:8

Yomohmi hoka impa holitopa isht kiloh ai ashá; yohmi kʋt nan isht shatʋmmi tikba yash o̱ keyu, mikmʋt isht iti̱ nukkilli, micha nan ik ai ʋlhpeso aiena ka isht shatʋmmi yak o̱ keyu, amba nan ilahobi keyu hosh ai a̱hli i̱ pʋska ik shatʋmmo yak ashke.

2 Kolinhlian 5:14

Klaist nan isht pi̱ hullo yak osh a pi anukfoyukʋt pi ai yimilihinchi hatuk oka; yohmi ka achʋfa kʋt moma ka im illi hatok, yohmi hokma, moma kak osh illi yoke, ahnit yakohmichit isht pim anukfila hoka.

Heblu 13:2

Hatak ik ithano ya̱ i̱ kanʋt apelʋcha he tuk ʋt ik hʋchimi hakso kashke; yʋmma ai yʋmohmi kak osh kaniohmi kʋt ik ithano kia, enchil a̱ aboha ya̱ ik chukowá im ahni cha apelʋchi tok oka.

Nan Apesa 6:19

Mihma Kiteon ʋt ont chukowʋt, issi kosoma ushi, micha bota tohbi efa achʋfa ho̱ pʋska ik shatʋmmo atahli tok: nipi ano kishi fohki mʋt, okchi ya̱ shuti ʋni mʋt, baiyi akishtʋla ya̱ isht im ona cha, isht aiokpʋchi tok.

1 Samuel 28:24

Mihma ohoyo hʋt wak ushi nia yosh aboha ya̱ im anta tok; micha tu̱shpʋt ʋbi tok, micha bota tohbi ishi cha, yamʋsli mʋt, pʋska ik shatʋmmo yo̱ pʋska tok.