Genesis 19:1 - Chahta Holisso Holitopa 1886

¹ Atuk o̱ opia ma, enchel tuklo kash osh Sotom a̱ ona tok; mihma Lot ʋt Sotom holihta okhissa ya̱ bininli tok; mihmʋt Lot ʋt pisa mʋt, wakayʋt afamʋt ia tok: micha nashuka ya̱ isht akachunolit aka hlipia tok.

Genesis 19:1 Iomraidhean Croise

Genesis 11:27

Yohmi ka̱ ilʋppa puta kak osh Telah isht aiunchololi hoke: Telah ʋt Eblam, Naho, micha Halan aiena ka̱ tobachi tok: atuk o̱ Halan ʋt Lot a̱ tobachi tok.

Genesis 13:12

Eblam ʋt Kenan yakni ak o̱ ai ahanta tok; mikma Lot ʋt yakni patali tʋmaha holihta taloha kak o̱ ai ʋtta cha, Sotom pilla hak o̱ im ʋlhtipo ya̱ hilechi tok.

Genesis 18:16

Mihma hatak ash osh yʋmma chieya tuk ʋt wakaya mʋt, Sotom pilla ho̱ pit hopo̱koyo tok: mihma Eblaham ʋt hina fohkit pila chi̱ hosh awant ia tok.

Genesis 18:22

Mihma hatak ash osh yʋmma hielit nashuka ya̱ filimmi mʋt, Sotom pilla ha̱ itiachi tok: amba Eblaham ʋt Chihowah itikba ya̱ hikia moma tok.

Genesis 19:10

Yohmi tuk kia hatak ash osh ilap ibbak a̱ pit weli cha, Lot a̱ halʋllit aboha ya̱ fohki cha, okhissa yash okhishta tok.

Genesis 19:2

Mihmʋt, Yakeh, a̱ shahli ma! himak a̱ fullotʋt hʋchin tishu im aboha ya̱ hʋsh chukowa cha, hʋsh a̱shwa na onnashke; micha hʋch iyi ya̱ hʋsh achefashke; atuk mʋt onnahinli fehna hʋsh wakaya cha, hʋchi̱ hina ya̱ hʋsh a̱yashke, achi tok. Mihma, Ahá, amba aiitʋnowa ak o̱ il a̱shwa na onna chi̱ hoke, achit okla tok.

Genesis 23:12

Mihma Eblaham ʋt yakni yash okla itikba ya̱ akachunolit aka hlipia tok.

Genesis 48:12

Mihma Chosef ʋt i̱ki im iyi̱kalaha ititakla ya̱ a kohchit kanʋllichi tok; mihmʋt akachunolit aka hlipia tok.

Atʋloa 69:12

Huliht okhisa chieya kʋt ishit si ʋnumpo̱ho̱lih ma̱, oka humi ishko ʋhleha ha̱ im ʋlhtʋloak tuba lishke.

ʋBanumpa Luk Ʋt Holissochi Tok 17:28

Lat ahanta nitak a̱ a kaniohmi tok mʋt, okla impʋt, okla nan ishkot, okla na chumpʋt, okla na kanchit, okla na hokchit, chuka okla ikbi aienʋt aiasha tok.

Heblu 13:2

Hatak ik ithano ya̱ i̱ kanʋt apelʋcha he tuk ʋt ik hʋchimi hakso kashke; yʋmma ai yʋmohmi kak osh kaniohmi kʋt ik ithano kia, enchil a̱ aboha ya̱ ik chukowá im ahni cha apelʋchi tok oka.

Luth 4:1

Yohmi ma Boas ʋt iʋt holihta okhissa yʋmmak o̱ ont binili tok: mihma yakeh! i̱ kanomi Boas ʋt anoli tuk ash osh ant ia tok; yʋmmak ash o̱, Yakeh! chishno yá; fullotʋt ilʋppa ant binilí, im achi ma, fullotʋt binili tok.