Genesis 18:4 - Chahta Holisso Holitopa 1886

⁴ Oka kanomosi ka̱ isht ʋla na, hʋch iyi ya̱ hʋsh achifa cha, iti nuta ya̱ chieyʋt hʋsh fohashke, hʋchim asilhha lishke:

Genesis 18:4 Iomraidhean Croise

Genesis 18:3

A̱ shahli ma, himak a̱ holhponayo hanta ha̱ chi tikba ai ahayuchi likma, chin tishu ha̱ i̱ filʋmmit chik aiyo kashke, chim asilhha lishke:

Genesis 19:2

Mihmʋt, Yakeh, a̱ shahli ma! himak a̱ fullotʋt hʋchin tishu im aboha ya̱ hʋsh chukowa cha, hʋsh a̱shwa na onnashke; micha hʋch iyi ya̱ hʋsh achefashke; atuk mʋt onnahinli fehna hʋsh wakaya cha, hʋchi̱ hina ya̱ hʋsh a̱yashke, achi tok. Mihma, Ahá, amba aiitʋnowa ak o̱ il a̱shwa na onna chi̱ hoke, achit okla tok.

Genesis 24:32

Mihma hatak ash osh chuka ya̱ ont chukowa tok: mihma i̱ kamel ash ikfoka isht asheha ya̱ shoeli cha, onush ʋpi, micha nanʋlhpoa ʋpa aiena ka̱ ipeta mʋt, iyi, micha hatak apehʋt a̱ya tuk iyi aiena ka̱ isht achifa chi̱ ka̱ oka ya̱ ima tok.

Genesis 43:24

Mihmʋt hatak ash osh hatak ʋhleha hash o̱ Chosef in chuka isht ona cha, oka ima na iyi ya̱ okla achifa tok; mihma im issuba haksobish falaia ya̱ nanʋpa ipeta tok.

ʋBanumpa Luk Ʋt Holissochi Tok 7:44

Mihmʋt ohoyo a hikia ka pit filema mʋt, Ohoyo ilʋppa ish pisa cho? chim aboha ant chukowa li ma, chishno ʋto saiyi isht achifa he oka kapʋssa kia chik samo ke tuk: amba ilʋppak okʋto nishkin okchi yo̱ saiyi ya̱ isht achifa mʋt, ilap noshkobo pa̱shi ak o̱ isht kasholihinchishke.

1 Timohli 5:10

Yʋmmʋt hatak achʋfa tekchi atok, nan isht ʋtta achukma ka isht annoa achukma, ʋlla achukmalit hofantihinchi, hatak ik ithano nowʋt a̱ya ka nan im atahanli, ʋbanumpuli holitopa iyi kia im achihi̱fa, ilbʋsha ya̱ apelahanchi, nan isht ʋtta achukma puta ka achunanchi biekʋt isht ahanta cha tuk mak osh iba holissashke.

Nan Apesa 19:21

Yohmi mʋt ilap in chuka ishit chukowa cha, issuba haksobish falaia ipeta tok: mihma iyi ya̱ achifa cha, impʋt, micha nan ishko tok.

1 Samuel 25:41

Mihma wakaya mʋt, nashuka ya̱ aka pit isht akachunoli cha, Yakeh! chin tishu ohoyo hʋt peh tishu hosh a̱ shahli in tishu ʋhleha ha̱ iyi ya̱ achifa yashke, achi tok.