Genesis 18:3 - Chahta Holisso Holitopa 1886

³ A̱ shahli ma, himak a̱ holhponayo hanta ha̱ chi tikba ai ahayuchi likma, chin tishu ha̱ i̱ filʋmmit chik aiyo kashke, chim asilhha lishke:

Genesis 18:3 Iomraidhean Croise

Genesis 18:2

Atuk osh akachakali cha, hopo̱koyo ma, yakeh, hatak tuchina kʋt bili̱ka hieli tok: atuk o̱ pisa mʋt, ʋlhtipo okhissa yash hikiʋt malelit ont afama cha, aka pit hlipia mʋt,

Genesis 18:4

Oka kanomosi ka̱ isht ʋla na, hʋch iyi ya̱ hʋsh achifa cha, iti nuta ya̱ chieyʋt hʋsh fohashke, hʋchim asilhha lishke:

Genesis 24:31

Atuk osh, Ant chukowá, Chihowah i̱ holitopa chia ma! nanta katiohmi ho̱ kocha ish hikia cho? aboha ya̱ atahli li, micha kamel a̱ aiasha im atahli li hoka, achi tok.

Genesis 32:5

Micha wak, micha issuba haksobish falaia, micha nanʋlhpoa chipinta, micha hatak tishu ʋhleha, micha ohoyo tishu ʋhleha aiena ka̱ pehliechi lishke: atuk osh a̱ shahli ha̱ pit im anolit, holhponayo hanta ya̱ chi tikba ai ahayuchi la chi̱ hosh pit chi̱ pila lishke, achishke, hʋsh im achashke, achi tok.

Genesis 39:4

Mihma Chosef ʋt itikba ya̱ holhponayo hanta ya̱ ai ahayuchi cha, in toksʋli tok; mihma in chuka achʋfa ya̱ apesʋchi ikbi mʋt, nana im a̱sha tuk ʋt moma ibbak fohki tok.

Nan Apesa 6:18

Ish ia ná, chim asilhha lishke, ont falamʋt nan isht aiokpʋchi ya̱ isht ʋtʋt, chi tikba talali li hayashke, achi tok. Mihma, Binili li̱ anonti ish lashke, achi tok.

Nan Apesa 6:19

Mihma Kiteon ʋt ont chukowʋt, issi kosoma ushi, micha bota tohbi efa achʋfa ho̱ pʋska ik shatʋmmo atahli tok: nipi ano kishi fohki mʋt, okchi ya̱ shuti ʋni mʋt, baiyi akishtʋla ya̱ isht im ona cha, isht aiokpʋchi tok.

Nan Apesa 6:20

Mihma Chitokaka im enchel ʋt, Nipi micha pʋska ik shatʋmmo ya̱ ishi cha, tʋli ilʋppa onochi cha, okchi ya̱ hlatʋblí, im achi tok. Mihma yʋmohmi tok.