Genesis 18:2 - Chahta Holisso Holitopa 1886

² Atuk osh akachakali cha, hopo̱koyo ma, yakeh, hatak tuchina kʋt bili̱ka hieli tok: atuk o̱ pisa mʋt, ʋlhtipo okhissa yash hikiʋt malelit ont afama cha, aka pit hlipia mʋt,

Genesis 18:2 Iomraidhean Croise

Genesis 17:3

Mihma Eblam ʋt hlipiʋt itoyula tok; yohmi ma Chitokaka yʋt im anumpulit,

Genesis 18:16

Mihma hatak ash osh yʋmma chieya tuk ʋt wakaya mʋt, Sotom pilla ho̱ pit hopo̱koyo tok: mihma Eblaham ʋt hina fohkit pila chi̱ hosh awant ia tok.

Genesis 18:22

Mihma hatak ash osh yʋmma hielit nashuka ya̱ filimmi mʋt, Sotom pilla ha̱ itiachi tok: amba Eblaham ʋt Chihowah itikba ya̱ hikia moma tok.

Genesis 18:3

A̱ shahli ma, himak a̱ holhponayo hanta ha̱ chi tikba ai ahayuchi likma, chin tishu ha̱ i̱ filʋmmit chik aiyo kashke, chim asilhha lishke:

Genesis 19:1

Atuk o̱ opia ma, enchel tuklo kash osh Sotom a̱ ona tok; mihma Lot ʋt Sotom holihta okhissa ya̱ bininli tok; mihmʋt Lot ʋt pisa mʋt, wakayʋt afamʋt ia tok: micha nashuka ya̱ isht akachunolit aka hlipia tok.

Genesis 23:12

Mihma Eblaham ʋt yakni yash okla itikba ya̱ akachunolit aka hlipia tok.

Genesis 23:7

Mihma Eblaham ʋt wakayʋt hikia cha, yakni yash okla ha̱, Helh im ʋlla ʋhleha kash im akachunolit aka hlipia tok.

Genesis 24:63

Atuk osh opiʋt taha ma, Aisak ʋt osapa ya̱ nan anukfillit hikiki̱a chi̱ hosh kohchʋt ia tok: atuk osh akachakali cha pisa ma, yakeh, kamel ash osh minti na pisa tok.

Genesis 32:24

Micha ilap bano hosh anta tok; atuk o̱ hatak osh ont iti̱hi̱shi na onnʋt minti tok.

Genesis 42:6

Mihma Chosef ʋt yakni ya̱ pehlichi atok; micha yʋmmak osh yakni yʋmma okla moma ka̱ i̱ kanchi tok: atuk o̱ Chosef itibapishi ʋhleha hʋt ona mʋt, itikba ya̱ im akachunolit aka hlipkʋchi tok.

Genesis 43:26

Atuk o̱ Chosef ʋt chuka ʋla ma, nahʋlbina i̱shit ʋla tuk ʋt aboha okla isht im ʋla cha, im akachunolit aka pit hlipkʋchi tok.

Genesis 43:28

Mihma afalaminchit, Chin tishu pi̱ki ʋt im achukma̱kʋshke, okcha̱ya momʋshke; achi tok: mihmʋt akachunoli cha, aka pit hlipkʋchi tok.

Genesis 44:14

Mihma Chutah, micha itibapishi ʋhleha aiena kʋt Chosef in chuka ya̱ ona tok; (yʋmma anta moma hatuk oka,) micha itikba ya̱ okla hlipkʋchi tok.

Genesis 48:12

Mihma Chosef ʋt i̱ki im iyi̱kalaha ititakla ya̱ a kohchit kanʋllichi tok; mihmʋt akachunolit aka hlipia tok.

2 Mi̱ko 2:15

Atuk o̱ hopaii ushi ʋhleha Cheliko ya̱ ai asha kash osh ichapaka ya̱ yʋmmak ash pit pisa mʋt, Elichah imi shilombish ʋt Elisha ya̱ onʋtonlʋshke, achi tok. Mihmʋt okla mintit ant afama cha, aka pit im akachunoli tok.

Loman 12:13

Ʋbanumpuli a bʋnna ka hʋsh i̱ hopehinlashke: hatak ik ithano ya̱ hʋsh i̱ kana fehnashke.

Heblu 13:2

Hatak ik ithano ya̱ i̱ kanʋt apelʋcha he tuk ʋt ik hʋchimi hakso kashke; yʋmma ai yʋmohmi kak osh kaniohmi kʋt ik ithano kia, enchil a̱ aboha ya̱ ik chukowá im ahni cha apelʋchi tok oka.

Choshua 5:13

Atuk o̱ yakohmi tok, Choshua ʋt Cheliko lapali ka hikiʋt, ʋba chakalit hopo̱koyo mʋt, i chapaka ya̱ hatak ʋt bʋshpo falaia shu̱fit ieshi hosh hikia na pit pisa tok: mihma Choshua ʋt im ona cha, Pishno ak o̱ pibai achʋfa chia hokmá, keyukmʋt pin tʋnʋp ak o̱ ibaiachʋfa chia hokmá, nanta cho? im achi tok.

1 Pita 4:9

Ik im ʋlhpesot anumpuli iksho hosh it i̱ kanʋt hʋsh it apelʋchashke.

Nan Apesa 13:3

Mihma ohoyo hash Chihowa im enchil ʋt i̱ haiaka cha, Yakeh! ʋlla ik im iksho chia yatuk osh chik eshoshke: yohmi kia ʋlla ish shali cha, ʋlla nakni yo ish esha chi̱ hoke,

Luth 2:10

Yʋmohmi ma akachunolit aka hlipiʋt, Nanta katiohmi ho̱ chi̱ holhponayo hanta a chi ahayuchi li̱, ithanʋt is sa pisa cho? ohoyo ik ithano sia hoka, im achi tok.