Genesis 18:1 - Chahta Holisso Holitopa 1886

¹ Atuk o̱ Chihowah yʋt baiyi ʋt Mamli a hieli ka̱ ai i̱ haiaka tok: mihmʋt nitak lʋshpʋt taha ho̱ ʋlhtipo okhissa ya̱ bininli tok.

Genesis 18:1 Iomraidhean Croise

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 13:18

Yohmi ma Eblam ʋt im ʋlhtipo ya̱ kanʋllichit Mamli i̱ baiyi Heblon yakni talaia hieli ka̱ ont ai ʋtta tok: micha yʋmma Chihowah ya̱ alta im ikbi tok.

Genesis 14:13

Atuk o̱ hlako̱ffi tuk achʋfa kʋt Heblu hatak Eblam a̱ ont im anoli tok: Eshkol itibapishi, micha Ane itibapishi, Amolait hatak Mamli i̱ baiyi hieli ka̱ bili̱ka ya̱ ʋtta yatuk oka: micha yʋmmʋt Eblam a̱ anumpa itibai achʋfʋt itapela hatok.

Genesis 15:1

Ilʋppa puta kʋt yʋmohmi ha ya̱, Eblam ʋt na pisa ho̱ Chihowah im anumpa hʋt im a̱ya cha, Chi nukshopa ná, Eblam ma, chin telihpa, micha nan isht chim ʋlhtoba chito atampa fehna sia hoke, im achi tok.

Genesis 17:22

Mihmʋt im anumpuli kʋt issa cha, Chitokaka yʋt Eblaham a i̱ filʋmmit ia tok.

Genesis 18:22

Mihma hatak ash osh yʋmma hielit nashuka ya̱ filimmi mʋt, Sotom pilla ha̱ itiachi tok: amba Eblaham ʋt Chihowah itikba ya̱ hikia moma tok.

Genesis 20:1

Mihma Eblaham ʋt yʋmma ʋttʋt apoyua cha toshowʋt oka mahli pilla yakni yo̱ ia mʋt, Katesh micha Shu itin takla ak o̱ ʋttʋt, cheki itin takla Kela ak o̱ ai ʋtta tok.

Genesis 26:2

Mihma Chihowah yʋt i̱ haiaka cha, Echip a̱ chik aiyo kashke: yakni chim anoli la chi̱ kak o̱ ish ahantashke.

Genesis 35:27

Mihma Chekob ʋt i̱ki Aisak ʋt aiʋtta Mamle, tʋmaha holihta Abah (yʋmmʋt Heblon oke,) yʋmmak o̱ Eblaham, micha Aisak ʋt ai a̱shwa ya̱tuk o̱ ona tok.

Genesis 48:3

Mihma Chekob ʋt Chosef a̱, Chitokaka, Nan isht im aia̱hli ataha iksho hʋt Kenan yakni Lus a̱ ʋm a haiaka cha, sai yukpali tok,

Eksotʋs 4:1

Mihma Moses ʋt afalʋmminchit, Yohmi kia yaki, a̱ yimma he keyu, micha ʋm anumpa ha̱ hakla he keyu hoke; Chihowah yʋt chi̱ haiaka tuk keyu, acha chi̱ hoke, achi tok.

Apostel isht Anumpa 7:2

Mihma yʋmmak ashot, Hatak itibapishi li ʋhleha, micha an tikba puta ma! hʋsh haiyaklashke. Pin tikba Eblaham ʋt Chalan a̱, ont ik ʋtto ki̱sha hosh, Mesopotemia ak o̱ anta moma ma, Chihowa holitopa yʋt ant i̱ haiaka tok.

Heblu 11:9

Na yimma pulla kak osh yakni im issa tok ash ont ahanta kʋt, yakni ʋt immi keyu ho̱ chiyuhmi hosh Aisaak, micha Chekob ita tuklo, yʋmmʋt nan im issa tok mihi ash iesha he im ai ʋlhpesa ak inli ka ai itapehʋt ʋlhtipo anu̱kaka yo̱ aha̱shwa tok:

Heblu 13:2

Hatak ik ithano ya̱ i̱ kanʋt apelʋcha he tuk ʋt ik hʋchimi hakso kashke; yʋmma ai yʋmohmi kak osh kaniohmi kʋt ik ithano kia, enchil a̱ aboha ya̱ ik chukowá im ahni cha apelʋchi tok oka.

Choshua 5:13

Atuk o̱ yakohmi tok, Choshua ʋt Cheliko lapali ka hikiʋt, ʋba chakalit hopo̱koyo mʋt, i chapaka ya̱ hatak ʋt bʋshpo falaia shu̱fit ieshi hosh hikia na pit pisa tok: mihma Choshua ʋt im ona cha, Pishno ak o̱ pibai achʋfa chia hokmá, keyukmʋt pin tʋnʋp ak o̱ ibaiachʋfa chia hokmá, nanta cho? im achi tok.