Genesis 17:3 - Chahta Holisso Holitopa 1886

³ Mihma Eblam ʋt hlipiʋt itoyula tok; yohmi ma Chitokaka yʋt im anumpulit,

Genesis 17:3 Iomraidhean Croise

Genesis 17:17

Yohmi ma Eblaham ʋt hlipia cha, yukpa mʋt, chu̱kʋsh anu̱ka̱ka, Afʋmmi tahlepa achʋfa kʋt ʋlla im asha chi̱ cho? mikma Salah ʋt afʋmmi pokoli chakkali kʋt ʋlla esha chi̱ cho? achi tok.

Genesis 18:2

Atuk osh akachakali cha, hopo̱koyo ma, yakeh, hatak tuchina kʋt bili̱ka hieli tok: atuk o̱ pisa mʋt, ʋlhtipo okhissa yash hikiʋt malelit ont afama cha, aka pit hlipia mʋt,

1 Mi̱ko 18:39

Mihma okla moma kʋt pisa mʋt, nashuka ishit hlipkʋchi tok: micha, Chihowa yʋmmak osh Chitokaka yoke, Chihowa yʋmmak osh Chitokaka yoke, okla ahanchi tok.

Eksotʋs 3:6

Micha achakalinchit, Chi̱ki in Chitokaka, Eblaham in Chitokaka, Aisak in Chitokaka, micha Chekob in Chitokaka sia hoke, achi tok. Mihma Moses ʋt nashuka ya̱ luhmi tok; Chitokaka ya̱ pisa kʋt nukshopa tuk okʋt.

Numbas 14:5

Yohmi ma Moses micha Alon ita tuklo kʋt Islael im ʋlla ʋhleha okla moma itʋnahʋt aiasha tuk a̱ itikba ya̱, nashuka aka ishit hlipkaiyʋchi tok.

Numbas 16:22

Mihma nashuka ishit hlipkaiyachi cha Chitokaka ma! Nipi moma imi shilombish in Chitokaka ma! hatak achʋfa hosh yoshoba na okla moma ka̱ ish i̱ nukkilla chi̱ cho? achi tok.

Numbas 16:45

Okla moma ilʋppa wakayʋt ish i̱ filʋmmashke mikma yakosi iti takla chohmi ho̱ ʋbit lushummi lashke, achi tok. Mihma nashuka ya̱ aka ishit hlipkaiyachi tok,

Mahlu 17:6

Mihma nan ithʋna ʋhleha hash osh haklo mʋt, hlipʋt kaha cha, okla nukshopa fehna tok.

Choshua 5:14

Mihma yʋmmak ash osh, Keyú, amba Chihowa in tʋshka ʋhleha hak o̱ i̱ kʋpitʋni sia hosh a̱yʋt himak a̱ ʋla li hoke, im achi tok. Mihma Choshua ʋt aka pit hlipia cha, ai okpʋchi tok; mihmʋt, A̱ shahli hʋt in tishu ha̱ nanta ho̱ im achi cho? im achi tok.

Nan Otʋni 1:17

Yohmi ma yʋmmak ash o̱ pisa li mʋt, illi yo̱ chohmit iyi ituma ya̱ ont sa tula tok. Yohmi ma ibbak isht impak imma ya̱ ishit si umbitepa mʋt, Ʋno ak osh ʋmmona, micha ont ishtaiyopi aiena sia mak oke, ik chi nukshopo kashke.

Nan Apesa 13:20

Yakohmi tok oka, luak ʋt libbit alta takalit ʋba pilla ma̱ya ma, Chihowa im enchel ʋt ʋba iʋt alta luak libbi ka itibafoyukʋt ia tok; mihma Manoah, micha tekchi ʋt pisa tok, mihmʋt nashuka ya̱ aka ishit hlipkʋchi tok.