Genesis 17:1 - Chahta Holisso Holitopa 1886

¹ Atuk o̱ Eblam ʋt afʋmmi pokoli chakkali akucha chakkali ma, Chihowah yʋt Eblam a̱ i̱ haiaka cha, Chitokaka Nan isht im aia̱hli ataha iksho sia hoke: sa tikba ya ish anoho̱wa cha, ish aia̱hlashke.

Genesis 17:1 Iomraidhean Croise

Genesis 12:1

Yohmi ka̱ Chihowah ʋt Eblam a̱, Chi̱ yakni chi̱ kanomi ʋhleha micha chi̱ki in chuka achʋfa aiena ka̱ i̱ filʋmmit a kohchʋt a̱yʋt yakni chi pesʋchi la chi̱ ka̱ ish onashke:

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 16:16

Mihma Eblam ʋt afʋmmi pokoli untuchina akucha hannali ho̱, Eblam a̱ Haka ʋt Ishmael a̱ im eshi tok.

Genesis 18:1

Atuk o̱ Chihowah yʋt baiyi ʋt Mamli a hieli ka̱ ai i̱ haiaka tok: mihmʋt nitak lʋshpʋt taha ho̱ ʋlhtipo okhissa ya̱ bininli tok.

Genesis 18:14

Nana kia Chihowah ya̱ i̱ kʋllo kʋt im atampa hinla cho? Nitak ʋlhpisa yʋt ont ai ʋlhpiesa ka̱ aiokcha̱ya he nitak ʋt takanlikmak o̱ falamʋt chim a̱ya li pulla hi oke, mikma Salah ʋt ʋlla nakni yo̱ esha hi oke, im achi tok.

Genesis 24:40

Mihma, Chihowah yʋmmak o̱ itikba noho̱wa li chatuk ʋt im enchel a̱ chi apehʋchit pila cha, nana ahnit ish a̱ya ka̱ chim aia̱hlicha hi oke; mikma a̱ kanomi yo̱, micha a̱ki in chuka achʋfa yo̱ ai ishit sʋso ha̱ ohoyo ish ima hi oke.

Genesis 26:2

Mihma Chihowah yʋt i̱ haiaka cha, Echip a̱ chik aiyo kashke: yakni chim anoli la chi̱ kak o̱ ish ahantashke.

Genesis 28:3

Mikma Chitokaka Nan isht im aia̱hli ataha iksho hʋt chi yukpalashke; micha chi wayʋchit chi apaknʋchashke, yʋmohmi ho̱ okla laua chia hashke;

Genesis 35:11

Micha Chitokaka yʋt, Ʋno ak osh Chitokaka Nan isht im aia̱hli im ataha he iksho sia hoke: wayʋt ish apaknashke; oklushi, micha oklushi kanohmi kia chi atoba hi oke, micha mi̱ko puta kʋt chi haknip a̱ a kohcha hi oke.

Genesis 43:14

Mikma Chitokaka Nan isht im aia̱hli ataha iksho ʋt hatak ash itikba ya̱ a hʋchi̱ nukha̱klo na, hʋch itibapishi achʋfa, micha Benchamin a̱ et pilashke: ʋlla yʋt sa wehpoa hokmʋt, sa wehpoa hoke, im achi tok.

Genesis 46:3

Mihma, Ʋno ʋt Chitokaka, chi̱ki in Chitokaka sia hoke: Echip ia ka̱ ik chi nukshopo kashke; yʋmmak o̱ okla chito a̱ chihi̱kbi la chi̱ hoka.

Genesis 48:15

Mihmʋt Chosef a̱ yukpalit, Chitokaka yʋmmak o̱ a̱ki ʋhleha Eblaham, micha Aisak ʋt itikba a noho̱wa tok, Chitokaka yʋmmak osh si okcha̱ya takla ka̱ sʋpihinta na, himak nitak a̱ ant ʋhli chatuk ʋt,

Genesis 48:3

Mihma Chekob ʋt Chosef a̱, Chitokaka, Nan isht im aia̱hli ataha iksho hʋt Kenan yakni Lus a̱ ʋm a haiaka cha, sai yukpali tok,

Genesis 5:22

Atuk osh Enok ʋt Mehluselah ya̱ tobachi hayʋt Chitokaka ya̱ ibanowʋt ahanta na afʋmmi tahlepa tuchina cha, ushi ʋhleha, micha ushetik ʋhleha ha̱ tobachi tok.

Genesis 5:24

Micha Enok ʋt Chitokaka ya̱ ibano̱ho̱wa tok, atuk osh iksho tok: Chitokaka yʋt ishi tuk oka.

Genesis 6:9

Ilʋppak osh Noah ya̱ anoli holisso hoke: Noah hʋt hatak aiʋlhpiesa, micha ai itishali yʋmma aia̱hli hosh ahanta tok; micha Noah hʋt Chitokaka ya̱ iba no̱ho̱wa tok.

1 Mi̱ko 2:4

Yohmi na Chihowa ʋt im anumpa ishit si anumpulit, Chim ʋlla ʋhleha hʋt ai itʋnowa kʋt ahah! ahni cha, chu̱kʋsh aioklu̱hanchit, micha imi shilombish aioklu̱hanchit sa tikba aia̱hli hosh itʋnoho̱wakma, Islael ai ombinili holitompa ya̱ ombinila hi ʋt hatak achʋfa kia ik chim iksho ka he keyu hoke, achi tok ʋt aia̱hlichashke.

1 Mi̱ko 3:6

Mihma Solomon ʋt, Chin tishu Lewi a̱ki ya̱ chi tikba ya̱ aia̱hlit, micha ai ʋlhpiesʋt, micha chu̱kʋsh apissalit chiba noho̱wa tuk mak o̱ ish i̱ nukha̱klo kʋt chito tuk oke; micha ish i̱ kana chito ilʋppa ish im ieshi moma cha, ushi yosh im ai ombinili holitompa ya̱ ombinili ka ish ima tok o̱ himak nitak a̱ yʋmohmishke.

1 Mi̱ko 8:25

Yʋmohmi hoka himak a̱ Islael in Chitokaka Chihowa ma! chin tishu a̱ki Lewi ya̱ ish im issʋt, Sa tikba Islael im ai ombinili holitompa ya̱ om binila chi̱ kʋt ik chim iksho ka chi̱ keyu hoke: peh itʋnowa kʋt ahah! ahni cha, sa tikba ish a noho̱wa tok chohmit chim ʋlla ʋhleha hʋt sa tikba ish ai itʋnoho̱wa hokma, ish ahanchi tok ʋt himak a̱ ish ai a̱hlichashke.

2 Mi̱ko 20:3

Chim ilbʋsha lishke, Chihowa ma! nana aia̱hli, micha chu̱kʋsh aia̱hlit chi tikba ya̱ a̱ya li chatuk, micha chi tikba ya̱ achukma kak o̱ yʋmohmi li chatuk a̱ ish ithaiyanashke, chim asilhha lishke, achi tok. Mihmʋt Hesekiah ʋt nishkin okchi minti fehna tok.

Atʋloa 115:3

Yohmih kia pi̱ Chitokaka yʋt ʋba ya̱ binnilishke; nana ho̱ ahnikmʋt, moma ka̱ yʋmihchi yoke.

Atʋloa 116:9

Yohmi ho̱ ai okcha̱ya yakni ya̱ Chihowa itikba a no̱ho̱wa li hoke.

Atʋloa 25:14

Chihowa ai ittʋchʋffa yʋt i̱ nukshopa putta ka̱ ibafoiyukka hoke; yohmi kʋt nan ittim ʋpesa tuk ʋt ithʋnancha he ak oke.

Eksotʋs 6:3

Micha Chitokaka nan isht im aia̱hli ataha iksho hohchifo hosh Eblaham, Aisak, micha Chekob aiena ka̱ i̱ haiaka li tok; amba Chihowah sa hohchifo hokʋno, yʋmmak ash osh sʋthana tok keyu hoke.

Numbas 11:23

Mihma Chihowah yʋt Moses a̱ Chihowah ibbak ʋt ikfalaiot taha hoh cho? ʋm anumpa hʋt chim aia̱hlikmá keyukmá nanakmá ish pisa chi̱ hoke, im achi tok.

Numbas 24:16

Chitokaka im anumpa ha̱ ha̱klo tuk, micha Chaha i̱ shahli ai ithʋna ka̱ ithana tuk, micha nan im aia̱hli im otʋni ya̱ pi̱sa tuk, holhpokunna hoh kia nishkin fatuma tuk ʋt achishke.

Mahlu 19:26

Yohmi kia Chisʋs ʋt yʋmmak ash o̱ atokolit pisa mʋt, Hatak okmʋno ilʋppʋt yohma he keyu, amba Chihowa hokmʋno nan oklu̱ha kʋt yohma he bano hoke, im achi tok.

Mahlu 5:48

Yohmi hoka aia̱hli hʋchi achukma kʋt, hʋch I̱ki ʋba binili kʋt aia̱hli achukma kak inli ho̱ hʋsh chiyuhmashke, hʋchim achi lishke.

ʋBanumpa Luk Ʋt Holissochi Tok 1:6

Mihi yosh yʋmmʋt tu̱klot Chihowa yʋt pi̱sa ho̱ aia̱hli biekʋt, anumpa ʋlhpisa puta, mikmʋt nan‐ʋlhpisa ilaiyuka Chihowa yʋt apihi̱sa tok a̱ moma ka i̱ shanaiya iksho hosh aha̱shwa tok.

Apostel isht Anumpa 23:1

Mihma Pal ʋt hochitoka ʋhleha ya̱ ai okchifelit pihi̱sa mʋt, Hatak il itibapishi ʋhleha ma! im anukfila ai achukma biekʋt Chihowa itikba ma ai ahanta li̱ himak nitak fenʋshke; achi tok.

Apostel isht Anumpa 24:16

Yohmi hatuk o̱ Chihowa, mikmʋt hatak puta aiena itikba ya̱ chu̱kʋsh mʋt yoshoba iiksho bilia hosh ahanta la chi̱ kʋt achunanchi li chatuk oke.

Efeshan 3:20

Yʋmmak osh ilap im isht hlampko isht pi hlampkohonchi kʋt, nana ho̱ il asilhha, keyukmʋt nan il anukfilli moma atampa fehna ka pim atahla hinla,

Tutelonomi 10:17

Hʋchin Chitokaka Chihowah yʋt na holbʋt toba puta in Chitokaka, micha Chihowah in Chihowah, Chitokaka holitopa, kʋllo, micha palʋmmi yosh yʋmmʋt hatak yohmi hoka, ahni keyu, na hʋlbina ishi keyu hoke.

Tutelonomi 18:13

Chin Chitokaka Chihowah ya̱ ish im a̱hlashke.

Tutelonomi 30:20

Yʋmohmi hosh chin Chitokaka Chihowah ya̱ ish holitoblashke, micha yʋmohmi hosh im anumpa ha̱ ish im antiashke, micha yʋmohmi hosh hʋsh asitiashke, (yʋmmak osh chi ai okcha̱ya, micha nitak isht chi̱ falaia yoke;) yʋmohmi hosh Chihowah yʋt chi̱ki ʋhleha Eblaham, Aisak, micha Chekob aiena ka̱ ima chi̱ hosh anumpa kʋllo im il onochi tok a̱, yakni ya̱ ish aiashashke, (achi tok.)

Filippian 4:13

Klaist pulla hosh sa hlampkohonchi kak o̱, nana moma ka yʋmihchi la hinla hoke.

Heblu 12:28

Yʋmohmi ka apehlichika yʋmmʋt aksha he keyu mak o̱ il ishi hokʋt, Chihowa yʋt isht i̱ kana yoka il ieshi pulla hosh, holitoblit i̱ nukshopa ai a̱hli ai ʋlhpiesa hosh Chihowa yoka nan isht il im ahantashke.

Heblu 7:25

Yʋmohmi hokʋt anonti ilap ak o̱ anukchieto hosh Chihowa hoka im oho̱na hokʋno mominchit okchalincha he bano hosh, yʋmmak oka apelʋchit isht anumpohonli hosh ahantʋt bilia hoka.