Genesis 16:8 - Chahta Holisso Holitopa 1886

⁸ Micha Haka Salai in tishu ohoyo ma, katima ish minti cho? micha katima ish ia chi̱ cho? achi tok. Mihma A̱ nahullo ohoyo Salai itikba yak o̱ i̱ maleli hosh a̱ya lishke, achi tok.

Genesis 16:8 Iomraidhean Croise

Genesis 16:1

Yohmi ma Eblam tekchi Salai ʋt ʋlla ik im esho tok: mihmʋt Echip ohoyo, tishu ohoyo hosh hohchifo kʋt Haka yosh im anta tok.

Genesis 16:4

Mihma Haka ya̱ ibachukowa ma, chakali tok; micha chakali hatuk ʋt akostininchi mʋt, i̱ nahullo ohoyo yash kanimanchi tok.

Genesis 16:9

Mihma Chihowah im enchel ash osh, Falamʋt chi̱ nahullo ohoyo ha̱ ish im ona cha, im antia achukma hosh ibbak nutaka ma ish ahantashke im achi tok.

Genesis 21:17

Mihma Chitokaka yʋt ʋlla ilbʋshʋt pa̱ya ka̱ haklo tok: mihma Chitokaka im enchel ʋt Haka ya̱ ʋba et ai i̱ howʋt, Nanta chi katiohmi cho? Haka ma, Ik chi komunto kashke; Chitokaka yʋt ʋlla yʋt ai itolʋt ilbʋshʋt pa̱ya ka̱ haklo hoka.

Genesis 3:9

Mihma Chihowah Chitokaka yʋt Alam a̱ pit i̱ howʋt, Katima ak o̱ ish anta cho? im achi tok.

Genesis 4:10

Mihma, Nanta mak o̱ ish katiohmi tuk oh cho? chitibapishi im issish ʋt anumpulit aka ya̱, auet ai a̱ pa̱ha̱yʋshke.

1 Mi̱ko 19:13

Atuk o̱ yakohmi tok, Elichah ʋt haklo mʋt, anchi ya̱ nashuka isht ompohomo cha, kohchʋt hʋchukbi achukowa ont hikia tok. Mihma anumpa hʋt im ʋla cha, Nanta ish katiohmi hosh ilʋppa ish anta cho? Elichah ma! im achi tok.

1 Mi̱ko 19:9

Micha yʋmma ona cha, hʋchukbi yo̱ chukowa cha a nusi tok; atuk o̱ Chihowa im anumpa hʋt im ʋla cha, Nanta ish katiohmi hosh ilʋppa ish anta cho? Elichah ma! im achi tok.

2 Mi̱ko 5:25

Amba ilap ʋto ont chukowa cha, i̱ shahli ha̱ itikba hikia tok: mihma Elisha yʋt, Katima ish minti cho? Kebasi ma! im achi tok. Mihma, Chin tishu hʋt kanima ia tuk keyu hoke, achi tok.

Nan Apesa 19:17

Atuk osh akachakalit hatak nowʋt a̱ya yʋt tʋmaha holihta ai itʋnowa hina ya̱ binili ho̱ pisa tok: mihmʋt hatak sipokni yash osh, Katima ish ia cho? micha katima ish minti cho? achi tok.

1 Samuel 26:19

Yʋmohmi ka himak a̱ a̱ shahli mi̱ko yʋt in tishu im anumpa ha̱ haklashke, chim asilhha lishke. Chihowa ak osh is sʋm asanala chi̱ ho̱ chi nukfohki hatuk okma, nan isht aiokpʋchi ya̱ aiokpʋchashke: amba hatak im ʋlla ʋhleha ak atuk okmʋt, Chihowa itikba ya̱ na palʋmmi kʋt onʋtolashke: Chihowa im ai isha he ʋlhpesa ya̱ ahanta la hetuk a̱ himak nitak a̱ kohchit sa chʋffichi cha, Iʋt okla inla i̱ naholbʋt toba puta yak o̱ im antiá, ʋm achi hokʋt.