Genesis 16:4 - Chahta Holisso Holitopa 1886

⁴ Mihma Haka ya̱ ibachukowa ma, chakali tok; micha chakali hatuk ʋt akostininchi mʋt, i̱ nahullo ohoyo yash kanimanchi tok.

Genesis 16:4 Iomraidhean Croise

Genesis 16:3

Mihma Eblam ʋt Kenan yakni ya̱ ahanta tok afʋmmi pokoli ma, Eblam tekchi Salai ʋt in tishu ohoyo Echip ohoyo Haka yash eshi cha i̱ hatak Eblam a tekchi ya chi̱ ho̱ i̱ bohli tok.

Genesis 16:5

Mihma Salai ʋt Eblam a̱, Nana ik sʋm achukmo kʋt chishno ak atuk pulla kak o̱ yʋmohmishke: an tishu ohoyo hatuk a̱ chi shakba fohki li tuk oke: atuk o̱ chakali kʋt il akostininchi mʋt, sa kanimanchishke; Chihowah yʋt ʋno, micha chishno pim itin takla nana ai apesashke, im achi tok.

Genesis 19:31

Atuk o̱ akni ash osh nakfish a̱, Pi̱ki ʋt sipoknishke, mikma yakni moma a yʋmohmi chatuk a̱ yʋmohmit piba tʋshka hi ʋt hatak nana kia yakni paknaka ya̱ ikshoske.

Genesis 21:9

Atuk o̱ Echip ohoyo Haka ushi Eblaham im eshi tok ʋt ishit yopulʋt anta na Salah ʋt pisa tok.

Genesis 30:4

Mihmʋt tekchi ya chi̱ ho̱ in tishu ohoyo Bilhah ya̱ ima tok: mihma Chekob ʋt iba chukowa tok.

2 Samuel 6:16

Atuk o̱ Chihowa im itombi holitopa ʋt Lewi in tʋmaha holihta ya̱ ant chukowa ma, Sal ushetik, Michal ʋt okhissushi pit a hopo̱koyo mʋt, mi̱ko Lewi ʋt Chihowa itikba ya̱ tullit hihla ka pisa tok: mihmʋt chu̱kʋsh a̱ ishit shitilema tok.

1 Kolinhlian 4:6

Yohmi ka itibapishi li ʋhleha ma! yʋmma puta kash hʋchishno pulla hatuk mak o̱, ʋno, mikmʋt Apollos, ita tuklo li kak o̱ isht il onochi li: yohmi ka nana kʋt holisso tok a̱ i̱ shahlichit hatak o̱ isht ik hʋchim anukfilo hosh pishno ak o̱ hʋsh pim ai ithʋnashke; yohmi hosh hʋsh achʋfona kia achʋfa ka ish ile fehnʋchit, anonti achʋfa ka hʋch ik i̱ sanalo kashke.