Genesis 16:3 - Chahta Holisso Holitopa 1886

³ Mihma Eblam ʋt Kenan yakni ya̱ ahanta tok afʋmmi pokoli ma, Eblam tekchi Salai ʋt in tishu ohoyo Echip ohoyo Haka yash eshi cha i̱ hatak Eblam a tekchi ya chi̱ ho̱ i̱ bohli tok.

Genesis 16:3 Iomraidhean Croise

Genesis 16:16

Mihma Eblam ʋt afʋmmi pokoli untuchina akucha hannali ho̱, Eblam a̱ Haka ʋt Ishmael a̱ im eshi tok.

Genesis 16:4

Mihma Haka ya̱ ibachukowa ma, chakali tok; micha chakali hatuk ʋt akostininchi mʋt, i̱ nahullo ohoyo yash kanimanchi tok.

Genesis 16:5

Mihma Salai ʋt Eblam a̱, Nana ik sʋm achukmo kʋt chishno ak atuk pulla kak o̱ yʋmohmishke: an tishu ohoyo hatuk a̱ chi shakba fohki li tuk oke: atuk o̱ chakali kʋt il akostininchi mʋt, sa kanimanchishke; Chihowah yʋt ʋno, micha chishno pim itin takla nana ai apesashke, im achi tok.

Genesis 21:21

Micha Palan yakni haiaka ak o̱ ʋtta tok: mihma ishki ʋt Echip yakni ak o̱ ohoyo ha̱ ai ishit ima tok.

Genesis 25:6

Amba im itaiena ushi ʋhleha ha̱ Eblaham ʋt im a̱sha tuk ʋt Eblaham ʋt nahʋlbina ima cha, okcha̱ya moma kak osh ushi Aisak a̱ i̱ filʋmmichit hʋshi akochaka pilla, hʋshi akochaka yakni ak o̱ pila tok.

Genesis 28:9

Yohmi mʋt Esau ʋt Ishmael a̱ im ona cha, Eblaham ushi Ishmael ushetik, Nebayolh in tek Mahalalh a̱ tekchi ya chi̱ ho̱ tekchi im a̱shwa kash ibafohkit ishi tok.

Genesis 30:4

Mihmʋt tekchi ya chi̱ ho̱ in tishu ohoyo Bilhah ya̱ ima tok: mihma Chekob ʋt iba chukowa tok.

Genesis 30:9

Atuk o̱ Leah ʋt ʋlla eshit issa tuk ʋt pisa mʋt, in tishu ohoyo Silpah ya̱ ishi cha, tekchi ya chi̱ ho̱ Chekob a̱ ima tok.

Genesis 32:22

Atuk osh mih ninak a̱ wakaya mʋt, tekchi tuklo, micha in tishu ohoyo tuklo, micha ushi auah achʋfa aiena ka̱ ishi cha, Chabbok okhina kohcha ya̱ pit hlopulli tok.

Genesis 35:22

Atuk o̱ yakohmi tok, Islael ʋt yakni yʋmma anta ma, Luben ʋt ia cha, i̱ki im itaiena Bilhah ya̱ iba nusi tok: atuk o̱ Islael ʋt haklo tok. Yohmi ka̱ Chekob ushi ʋhleha hʋt auahtuklo tok.

2 Samuel 5:13

Mihmʋt Lewi ʋt Heblon a̱ ai ʋttʋt ʋla ha yʋt himakma tekchi, micha im itaiena ka Chelusalem a̱ ai ishi tok: micha Lewi ʋt ushi ʋhleha, micha ushetik ʋhleha aiena kʋt himakma im asha tok.

1 Mi̱ko 11:3

Micha tekchi ʋt ohoyo holitompa tahlepa untuklokma, im itaiena tahlepa tuchina hosh im asha tok: mihma tekchi ʋhleha hʋt chu̱kʋsh a̱ filʋmmi tok.

Kaleshan 4:25

Akah ilʋppʋt nʋnih chaha Sainai yosh Alabia yak o̱ hikia hosh, Chelusalem ʋt himak a talaia ka isht ʋlhpisa hosh, im ʋlla puta ka il ai eshit yuka hoke.