Genesis 16:11 - Chahta Holisso Holitopa 1886

¹¹ Micha Chihowah im enchel ash osh, Yakeh, chi chakalishke, yohmi kʋt ʋlla nakni yo̱ ish esha hi oke: micha chilbʋsha ka̱ Chihowah yʋt haklo tuk oka, hohchifo ha̱ Ishmael ish hochifa hi oke.

Genesis 16:11 Iomraidhean Croise

Eksotʋs 3:7

Mihma Chihowah yʋt, Ʋm okla Echip aiasha ka̱ ilbʋsha ka̱ pi̱hisa li kʋt a̱hlishke, toksʋli ka̱ apistikeli pulla kak o̱ ya̱ha̱ya ka̱ ha̱ha̱klo lishke, nan isht im a nukha̱klo ka̱ ithana li hokʋt.

1 Samuel 1:20

Yʋmohmi ho̱ ont yakohmi tok, Hannah ʋt ʋlla shali hayʋt nitak ont ai ʋlhpiesa ma, ʋlla nakni yo̱ eshi cha, Samuel hochifo tok; Chihowa ya̱ im asilhha li tuk okʋt, achi tok.

Genesis 17:19

Mihma Chitokaka yʋt, Chi tekchi Salah ʋt ʋlla nakni yo̱ chim eshi pulla chi̱ hoke; mikma Aisak ish hochifa chi̱ hoke: mikma nan itim apesa bilia mak o̱ yʋmma, micha im ishtatiaka et iakaiya aiena ka̱ kʋllochit nan itim apesa la hi oke.

ʋBanumpa Luk Ʋt Holissochi Tok 1:63

Mihma yʋmmak ash ot aholissochi a̱ hoyo cha, Hohchifo hʋt Chan oke, achit holissochi tok. Mihma, Na katihmi ho̱? momʋt okla ahni tok.

Eksotʋs 3:9

Yʋmohmi hoka himak a̱ yakeh, Islael im ʋlla ʋhleha ya aya kʋt ʋm ʋlʋshke; micha Echip okla hʋt isht ilbʋshali na, ilbʋsha aiena ka̱ pi̱hi̱sa le tuk oke.

ʋBanumpa Luk Ʋt Holissochi Tok 1:31

Yohmi kʋt yakeh! ʋlla yʋt chi̱ fohka cha, ʋlla nakni o̱ ish ishikmʋt, hohchifo ha̱ Chisʋs ish hochifa he mak oke.

ʋBanumpa Luk Ʋt Holissochi Tok 1:13

Mihma enchil ash ot, Sakalias ʋt chi nukshopa ná; ʋba pit ish asilhha tok ʋt chim ʋlhpesa mak oke: yohmi ka chi tekchi Elisabet ʋt ʋlla nakni o̱ chi̱ shala he; mikma yʋmma Chan ish hochifa he;

Atʋloa 22:24

Ilbʋssha yʋt nan i̱ pʋllʋmmi ka̱ ik shittilemo hosh ik i̱ yuwalo hoka̱: mikmʋt nʋsshuka ya̱ i̱ luhmih keyu hoke; amba i̱ tahpa̱ha̱la ka̱ haklo hoke.

Genesis 37:25

Micha okla binilit pʋska ʋpa tok; atuk osh akachakalit hopo̱koyo ma, yakeh, Ishmaelait hatak kanohmi kʋt Kileat minti hosh i̱ kamel ʋt nabalama, micha balsam, micha hlitili mʋh shali ho̱, Echip isht ona chi̱ hosh a̱ya tok.

Genesis 21:17

Mihma Chitokaka yʋt ʋlla ilbʋshʋt pa̱ya ka̱ haklo tok: mihma Chitokaka im enchel ʋt Haka ya̱ ʋba et ai i̱ howʋt, Nanta chi katiohmi cho? Haka ma, Ik chi komunto kashke; Chitokaka yʋt ʋlla yʋt ai itolʋt ilbʋshʋt pa̱ya ka̱ haklo hoka.