Genesis 16:10 - Chahta Holisso Holitopa 1886

¹⁰ Micha Chihowah im enchel ash osh chisht aiunchololi ka̱ apaknʋchit atamblichi la hi oke, yohmi na apakna kʋt a holhtina hi ʋt iksho ka hi oke, im achi tok.

Genesis 16:10 Iomraidhean Croise

Genesis 13:16

Mikma chim isht aiunchololi ya̱ lukfi pushi yakni paknaka aiasha kak o̱ chiyuhmichi la hi oke: yohmikma hatak nana hosh lukfi pushi yakni paknaka aiasha ka̱ hotihnʋt tahla hinla hok mak o̱, chim isht aiunchololi ak kia holhtina hi oke.

Genesis 16:9

Mihma Chihowah im enchel ash osh, Falamʋt chi̱ nahullo ohoyo ha̱ ish im ona cha, im antia achukma hosh ibbak nutaka ma ish ahantashke im achi tok.

Genesis 17:20

Ishmael ak okʋno chi̱ haponaklo lishke: yakeh, yukpali lishke, wayʋchit apaknʋchi kʋt atamblichi la chi̱ hoke; mi̱ko auah tuklo ho̱ tobacha chi̱ hoke; micha oklushi chito ho̱ ikbi la chi̱ hoke.

Genesis 21:13

Mikma ohoyo yuka ushi ak kia chim ai unchololi yoka, oklushi ikbi la hi oke, im achi tok.

Genesis 21:16

Micha iʋt mishema oski naki a pila hotuk ohmi ho̱ ona cha, et ichapaka yo̱ binili tok: ʋlla yʋt illi ka̱ ak peso kashke, achi hatuk okʋt. Mihmʋt et ichapaka ya̱ binili cha chitolit yaiya tok.

Genesis 21:18

Wakayá, ʋlla yash wakayachi cha, chibbak a̱ isht ish ieshashke; oklushi chinto ikbi la hi oka, im achi tok.

Chan 1:18

Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.

1 Timohli 6:16

Yʋmmak okʋt ai illa hi ʋt ik im iiksho, micha tohwikeli yʋmmak oka hatak nana hosh ai ona he keyu ho̱ anu̱kaka ai ahanta hoke; yohmi ka yʋmmak oka hatak nana hosh pisa chatuk keyu, micha pisa hi o̱ keyu; yʋmmak okʋt isht a holitopa, micha nana moma isht imaiya bilia ita tuklo kʋt immi hashke. Amen.

Nan Apesa 6:11

Mihma Chihowa im enchel ʋt ʋla cha, iti baiyi akishtʋla yʋmmʋt Oflah hikia hosh Choash Abieslait ak o̱ im atalaia ak o̱ binili tok: mihma ushi Kiteon ʋt Mitianait ʋhleha hak o̱ in luhma chi̱ hosh pa̱ki abushli ya̱ bili̱ka ho̱ onush a̱ boli tok.

Nan Apesa 6:16

Mihma Chihowa yʋt, Chibafoyuka li pulla chi̱ hoke; mikma Mitianait ʋhleha ha̱ hatak achʋfa chiyuhmichit issot ish kancha chi̱ hoke, im achi tok.