Genesis 16:1 - Chahta Holisso Holitopa 1886

¹ Yohmi ma Eblam tekchi Salai ʋt ʋlla ik im esho tok: mihmʋt Echip ohoyo, tishu ohoyo hosh hohchifo kʋt Haka yosh im anta tok.

Genesis 16:1 Iomraidhean Croise

Genesis 11:30

Yohmi kia Salai ʋt ushi iksho yatuk osh ʋlla ik im iksho tok.

Genesis 12:16

Mihma yʋmmak atuk pulla mak o̱ Falaoh ʋt Eblam a̱ i̱ kana fehna tok: mihma chukfʋlhpoa, micha wak, micha issuba nashoba nakni, micha hatak tishu ʋhleha, micha ohoyo tishu ʋhleha, micha issuba nashoba tek, micha kamel puta aiena kʋt im a̱sha hatok.

Genesis 15:21

Micha Amolait okla, micha Kenanait okla, micha Kikashait okla, micha Chebusait okla aputa aiasha yakni ilʋppa chim ishtatiaka ya̱ ima lashke; achi tok.

Genesis 21:12

Mihma Chitokaka yʋt Eblaham a̱, Ʋlla ak atuk pulla mak o̱, micha chi̱ yuka ohoyo ak atuk pulla mak o̱ isht ik chim ʋlhpeso kashke: Salah ʋt nana chim achi tuk mak o̱ moma ka̱ im anumpa ha̱ ish i̱ haponaklashke: Aisak ak o̱ chim ai unchololi hʋt iba holhtinʋt hohchifa hi oka.

Genesis 21:21

Micha Palan yakni haiaka ak o̱ ʋtta tok: mihma ishki ʋt Echip yakni ak o̱ ohoyo ha̱ ai ishit ima tok.

Genesis 25:21

Atuk osh tekchi ʋt ʋlla ik im iksho yatuk o̱, tekchi ya̱ isht anumpulit Chihowah ya̱ im asi̱hi̱hla tok: mihma Chihowah yʋt ʋlhpesa im ahni na, tekchi Lebekah ʋt chakali tok.

ʋBanumpa Luk Ʋt Holissochi Tok 1:36

Micha yakeh! chi̱ kanomi Elisabet ʋt ushiksho hohchifo chatuk kia, sipoknit taiyaha hosh ʋlla nakni i̱ fohka tuk a̱ himak ʋt hʋshi ont isht i̱ hannali hoke.

ʋBanumpa Luk Ʋt Holissochi Tok 1:7

Yʋmohmi hosh Elisabet ak osh ushiksho yatuk o̱, ʋlla yʋt ik im iksho ket okla hosh, tu̱klot sipoknit taiyaha tok.

Kaleshan 4:24

Yʋmmʋt nan isht ʋlhpisa yoke: ilʋppʋt nan it im ʋlhpisa tuklo yoka; achʋfa kʋt nʋnih chaha Sainai a tobʋt yuka ikbichi, yʋmmʋt Akah yak oke.

Nan Apesa 13:2

Mihma Tan ai in chuka achʋfa Solah hatak achʋfa hosh ahanta hosh hohchifo kʋt Manoah atok; mikma yʋmma tekchi ʋt ʋlla ik im iksho yatuk osh ik esho tok.

1 Samuel 1:5

Amba Hannah ano, holhpela tuklo ho̱ ima tok: Hannah ya̱ i̱ hullo hatuk okʋt; yohmi kia Chihowa ʋt im oshʋto ya̱ im okhishta tok.