Genesis 15:2 - Chahta Holisso Holitopa 1886

² Mihma Eblam ʋt, Nanta ho̱ is sʋma chi̱ cho? Chihowah Chitokaka ma, ʋlla ik im iksho yosh a̱ya li hoka, mikma an chuka achʋfa apesʋchi ʋt Tamaskʋs hatak Eliese ilʋppak oke, achi tok.

Genesis 15:2 Iomraidhean Croise

Genesis 14:15

Mihma ilap, micha in tishu ʋhleha aiena kʋt itakʋshkoa cha, ninak o̱ issot kanchi mʋt, hliolit isht a̱yʋt Tamaskʋs im ʋlhfʋbekimma talaia Hobah ya̱ ona tok.

Genesis 15:1

Ilʋppa puta kʋt yʋmohmi ha ya̱, Eblam ʋt na pisa ho̱ Chihowah im anumpa hʋt im a̱ya cha, Chi nukshopa ná, Eblam ma, chin telihpa, micha nan isht chim ʋlhtoba chito atampa fehna sia hoke, im achi tok.

Genesis 15:3

Mihmʋt Eblam ʋt, Yakeh, ʋno ya̱ ʋlla nana kia chik samoshke: yohmi ka̱ an chuka ai ʋtta tuk achʋfa hosh ʋmmi hash ai isha he ʋlhpesa kak oke, achi tok.

Genesis 24:10

Micha tishu hash osh i̱ shahli hʋt kamel im aiasha kash kamel pokoli ho̱ ishi cha ia tok: (i̱ shahli imila̱yak moma kʋt ibbak ak o̱ foyuka hatuk okʋt;) micha wakaya mʋt, Mesopotamia yakni ya̱ onʋt, Naho in tʋmaha holihta ya̱ ona tok.

Genesis 24:2

Atuk o̱ Eblaham ʋt in chuka achʋfa tishu sipokni i̱ shahli, yʋmmʋt nana im a̱sha tuk moma ka̱ pehlichi yo̱, Chibbak a̱ saiyubi nuta ya̱ isht ish potolashke, chim asilhha lishke:

Genesis 25:21

Atuk osh tekchi ʋt ʋlla ik im iksho yatuk o̱, tekchi ya̱ isht anumpulit Chihowah ya̱ im asi̱hi̱hla tok: mihma Chihowah yʋt ʋlhpesa im ahni na, tekchi Lebekah ʋt chakali tok.

Genesis 39:9

Chuka ilʋppa achʋfa kia ʋno ya̱ a̱ shahli kʋt ikshoshke: micha nana kia a̱ halanli tuk keyu, amba chishno ak illa tuk, tekchi chia hoka, yohmi ka̱ nanta katiohmi ho̱ nana ik achukmo chinto ilʋppa yʋmihchit Chitokaka ya̱ i̱ yoshuba la hinla cho? im achi tok.

Genesis 43:19

Mihmʋt Chosef in chuka achʋfa apesʋchi yash bili̱ka ona cha, aboha okhissa ya̱ ai itim anumpuli tok.

Genesis 44:1

Atuk o̱ Chosef ʋt in chuka achʋfa pehlichi ya̱ i̱ mihʋt, Isht a̱ya he ʋlhpesa ho̱ hatak ʋhleha hash i̱ bahta ya̱ ilhpak hʋsh aluli cha, hatak moma ka̱ in tʋli holisso aiyukali ka̱ i̱ bahta ya̱ hʋsh apittashke.

Atʋloa 127:3

Yakeh, ʋlla ʋhleha hʋt nan immi Chihowa a minti yoke; ushʋto a minti yak osh nan isht ʋlhtoba yoke.

Apostel isht Anumpa 7:5

Ʋlla yʋt ik im iksho ki̱sha ma, ilap micha isht ai‐unchululi aiena ka, yʋmmʋt immi ha he mak o̱, ima hi okʋt, i̱ miha tok nana kia, a binila hi a̱ peh iyi pʋtha a habli achʋfa kia, ilap a̱ ik emo ki tok.

Luth 2:6

Mihma tishu onush bʋshli ʋhleha pehlichi yash osh afalamichit, Moab ohoyo himita, Naomi ʋt Moab yakni kohchʋt falamʋt ʋla ma, ta̱kla ʋla tok mak oke.

1 Samuel 1:11

Mihmʋt ilap im anukfila hosh Chihowa im ai a̱hlicha he anumpa il onochit, Ʋba nan oklu̱ha il aieshi Chihowa ma! chin tishu ohoyo ilbʋsha ka ish pisa pulla mʋhli, micha is sʋthaiyana cha, chin tishu ohoyo ha̱ ik chim ahakso hosh, amba chin tishu ohoyo ha̱ ʋlla nakni yo̱ ish ima pullakma, yʋmohmikma okcha̱yʋt ahanta nitak moma ka Chihowa ya̱ ima la hi oke; mikma nutakhish ishit sha̱fa yʋt noshkobo onʋtoyula hi keyu hoke, achi tok.