Genesis 15:1 - Chahta Holisso Holitopa 1886

¹ Ilʋppa puta kʋt yʋmohmi ha ya̱, Eblam ʋt na pisa ho̱ Chihowah im anumpa hʋt im a̱ya cha, Chi nukshopa ná, Eblam ma, chin telihpa, micha nan isht chim ʋlhtoba chito atampa fehna sia hoke, im achi tok.

Genesis 15:1 Iomraidhean Croise

Genesis 15:2

Mihma Eblam ʋt, Nanta ho̱ is sʋma chi̱ cho? Chihowah Chitokaka ma, ʋlla ik im iksho yosh a̱ya li hoka, mikma an chuka achʋfa apesʋchi ʋt Tamaskʋs hatak Eliese ilʋppak oke, achi tok.

Genesis 15:4

Mihma yakeh, Chihowah im anumpa hʋt im a̱ya mʋt, Ilʋppʋto chimmi ha̱ ai isha he ʋlhpesa ya he keyu; amba chikfoka akinli a kohcha he ak osh chimmi ha̱ ai isha he ʋlhpesa ya hi oke.

Genesis 21:17

Mihma Chitokaka yʋt ʋlla ilbʋshʋt pa̱ya ka̱ haklo tok: mihma Chitokaka im enchel ʋt Haka ya̱ ʋba et ai i̱ howʋt, Nanta chi katiohmi cho? Haka ma, Ik chi komunto kashke; Chitokaka yʋt ʋlla yʋt ai itolʋt ilbʋshʋt pa̱ya ka̱ haklo hoka.

Genesis 22:1

Atuk o̱ ilʋppa puta kʋt yʋmohmi ha ya yakohmi tok, Chitokaka yʋt Eblaham a̱ imomaka pisʋt, Eblaham ma, achi tok. Mihma, Yakeh, yak a̱sha lishke, achi tok.

Genesis 22:20

Atuk o̱ ilʋppa puta kʋt yʋmohmi ha ya̱ yakohmi tok, Eblaham a̱ im anolit, Yakeh! Milkah yʋmmak kia chitibapishi Naho ya̱ ʋlla im ehi̱shishke;

Genesis 26:24

Atuk o̱ mih nitak akinli ka̱ Chihowah yʋt i̱ haiaka cha, Chi̱ki Eblaham a̱ in Chitokaka sia hoke: chi nukshopa ná, an tishu Eblaham ak atuk pulla kak o̱ chibafoyuka lish chi yukpalit chim ishtatiaka ya̱ apaknʋchi la chi̱ hoke, achi tok.

Genesis 31:7

Mihma hʋch i̱ki ʋt sa haksichi cha, nan isht ʋm ʋlhtoba ya̱ pokoli ha ʋm inlʋchi tuk oke: yohmi kia Chitokaka yʋt ik hotopalí, ik ahno tuk oke.

2 Samuel 22:3

Chitokaka an tʋli chito, yʋmmak o̱ anukchieto la chi̱ hoke: yʋmmak osh an telihpa, micha ʋm ai okcha̱ya lapish, a̱ holihta chaha, micha ʋm ahlakofi, sai okchalinchi yoke: chishno ak osh sa hotopala hinla ka is sa hlakoficha chi̱ hoke.

2 Mi̱ko 1:15

Mihma Chihowa im enchel ʋt Elichah ya̱, Awant ish iashke; ish i̱ nukshopa ná, im achi tok. Mihma wakaya cha, awant iʋt mi̱ko ya̱ im ona tok.

Atʋloa 115:10

Elon i̱ chukkachʋffa ma, Chihowa hak o̱ hʋsh anukchietashke; yʋmmak osh ʋpelʋchi micha i̱ telihpa yoke.

Atʋloa 119:114

Ʋm ai ʋloma̱ka micha a̱ telihpa chia hoka̱, chim ʋnnumpa hak o̱ anukchieto li hoke.

Atʋloa 142:5

Chihowa ma, chishno ak o̱ chi̱ pa̱ya lishke; “Chishno ak osh ʋm ai ʋtukko, ai okcha̱ya yakni ya̱ ʋmmih chia hoke,” achi lishke.

Atʋloa 18:2

Chihowa hak osh a̱ tʋli chito, micha a̱ hulihta kʋllo, micha sʋ hlakuffichi yoke; a̱ Chitokaka yʋt a̱ tʋli chito, yʋmmak o̱ ai ʋtukko li yoke; a̱ telihpa, micha ʋm ai okcha̱ya lʋpish, ʋm ahlʋkuffi chaha yoke.

Atʋloa 27:1

Chihowa hak osh a̱ tohwikelika micha ʋm ai okcha̱ya yoke; kʋta ho̱ i̱ sʋ nukshopa hinlah choh? Chihowa hʋt ʋm ilhfiopak i̱ hulihta kʋllo yoke; kʋta ho̱ i̱ sʋ komuta hinlah choh?

Atʋloa 3:3

Amba Chihowah mah, chishno ʋto a̱ telihpa si ʋpakfoiyupa, ishit sʋ holittopa, micha sʋ nushkobo ha̱ ʋbahchʋkalichi chia hoke.

Atʋloa 3:4

Chihowa hʋt i̱ nʋnih hulittopa ya̱ et ʋm a hʋponakloh pulla chi̱ hoka̱, sʋtih ha̱ isht i̱ pa̱ha̱ya lishke. [Yukopa.

Atʋloa 5:12

Chishno ak osh ai ʋlhpiesa ya̱ ish yokpali yoka̱, Chihowa ma; nan isht i̱ kana ya̱ telihpa chomihchi hosh isht ish ʋpakfoiyubla chi̱ hoke.

Atʋloa 58:11

Mikma̱ hʋttak ʋt, “Ai ʋlhpiesa yʋt na̱ waya im a̱sha kʋt a̱hlishke; yakni ya̱ nan ai ʋpehi̱sa yosh Chitokaka yʋt binnili kʋt a̱hlishke,” achashke.

Atʋloa 84:11

Chitokaka Chihowa hak osh hʋshi micha telihpa yoka̱: isht i̱ kana micha ahulittopa ya̱ Chihowa hʋt ima hoke; ai ʋpissalit a̱ya ʋhleha ha̱ nan achukma im i̱ hʋlʋlla he keyu hoke.

Atʋloa 84:9

Pi̱ telihpa Chitokaka ma, ish pesa cha, nan ʋhamʋt chim ʋlhtoka nʋsshuka ya̱ et ish o̱ hupo̱poyashke.

Atʋloa 91:4

Ilap sʋnahchi ya̱ isht chi ompohoma chi̱ hoke, mikma̱ sʋnahchi ak o̱ ish ai atukko ya chi̱ hoke; im ʋnnumpah a̱hli ʋt telihpa, micha tʋnʋp a̱ya nan isht im ʋlhtaha yoke.

Eksotʋs 14:13

Mihma Moses ʋt okla ha̱, Hʋchi nukshopa ná, lumʋt hieli cha, Chihowah im ai okcha̱ya himak nitak a̱ hʋchi pisacha chi̱ ka̱ hʋsh pisashke: Echip okla ha̱ himak nitak a̱ hʋsh pisa tuk ʋt, himakma anonti hʋchik peso ho̱ bilia chi̱ hoke.

Numbas 12:6

Mihma Himak a̱ ʋm anumpa ha̱ hʋsh haklashke; hʋch itin takla ya̱ hopaii ʋt ahantakma, Chihowah sia hʋt nan otʋni yo̱ im ile haiakʋchi lashke, micha holhpokna ho̱ itim anumpule lashke.

Numbas 18:20

Micha Chihowah yʋt Alon a̱ im anumpulit, Chishno ʋto i̱ yakni ya̱ ish isha he keyu hoke, micha ibata̱klʋt chi̱ kashapa ish isha he keyu hoke; ʋno ak osh Islael im ʋlla ʋhleha ai itin takla ya̱ chi̱ kashapa, chimmi sia hoke.

Numbas 24:4

Chitokaka im anumpa ha̱ ha̱klo tuk, micha nan im aia̱hli i̱ nan otʋni ya̱ pi̱sa tuk, holhpokunna kia nishkin ʋt fatuma tuk ʋt achishke.

Mahlu 28:5

Yohmi ma enchil ʋt anumpuli mʋt, ohoyo hash o̱, Ititaiyukhʋna ahonʋhlʋt illi tuk Chisʋs ak o̱ hʋsh hoyo ka hʋchim ithanali hoka, ik hʋchi nukshopo kashke.

Mahlu 8:26

Mihma yʋmmak ash o̱, Na‐yimmi fehna keyu hʋchia ma! na katihmi ho̱ hʋchi nukshopa cho? im achi tok. Micha tani mʋt, mahli mikmʋt okhʋta aiena kash im alʋmmi tok; mihma yokopa ai a̱hlit talaia tok.

ʋBanumpa Luk Ʋt Holissochi Tok 1:13

Mihma enchil ash ot, Sakalias ʋt chi nukshopa ná; ʋba pit ish asilhha tok ʋt chim ʋlhpesa mak oke: yohmi ka chi tekchi Elisabet ʋt ʋlla nakni o̱ chi̱ shala he; mikma yʋmma Chan ish hochifa he;

ʋBanumpa Luk Ʋt Holissochi Tok 1:30

Mihma enchil ash ot, Meli ʋt ik chi nukshopo kashke; Chihowa ish i̱ holitopa hi ʋt chim ʋlhpesa tuk oke.

ʋBanumpa Luk Ʋt Holissochi Tok 12:32

Apehlichika ya̱ hʋch ima kʋt im achukma hoka, chukfʋlhpoba a̱ya ik lauwo hʋchia mʋt, ik hʋchi nukshopo kashke.

Apostel isht Anumpa 10:22

Mihma, Kanilis Kʋpitʋni hatak a̱hli, micha Chihowa ya̱ i̱ nukshohumpa cha tuk, micha Chu okla moyuma ka ai im annoa achukma hosh ahanta chatuk, yʋmmak osh in chuka ya̱ ish ona chi̱ ka, chi hoyo cha, anumpa ha̱ chi a hakla chi̱ ka, Chihowa yʋt enchil holitopa ya̱ isht ai im anoli tuk oke; okla achi tok

1 Kolinhlian 3:22

Pal ak okmá, keyukmʋt Apollos, keyukmʋt Sefas, keyukmʋt yakni ilʋppa, keyukmʋt ilhfiopak okcha̱ya, keyukmʋt nan illi, keyukmʋt nana kʋt himonasi a̱sha, keyukmʋt nana kʋt a̱sha he moma kʋt hʋchimmi yoke.

Tutelonomi 18:2

Yʋmohmi hokʋt itibapishi ʋhleha itin takla ya̱ yakni ik im iksho ka hi oke, im achi tuk mak osh, Chihowah ak o̱ ai isha he ʋlhpesa yoke.

Tutelonomi 31:6

Hʋchi kʋllashke, micha hʋsh aiyimitashke, hʋsh i̱ nukshopa na; chin Chitokaka Chihowah yʋmmak osh chi auwant ia hoka, ik chim ai a̱hlo ka he keyu, micha chi kancha he keyu hoke, achi tok.

Heblu 1:1

Chihowa hʋt nitak cha̱shpo ilaiyuka, micha a kaniohmi mʋt ilaiyuka hosh pin tikba ʋhleha hopaii ʋhleha ak o̱ isht ai im anumpohonli kʋt,

Nan Otʋni 1:17

Yohmi ma yʋmmak ash o̱ pisa li mʋt, illi yo̱ chohmit iyi ituma ya̱ ont sa tula tok. Yohmi ma ibbak isht impak imma ya̱ ishit si umbitepa mʋt, Ʋno ak osh ʋmmona, micha ont ishtaiyopi aiena sia mak oke, ik chi nukshopo kashke.

Luth 2:12

Nana ish a kaniohmi tuk a̱ Chihowa yʋt chim atobbashke, micha Islael in Chitokaka Chihowa, yʋmma sanahchi a nutakʋt ish a nukchieta chi̱ hosh ish la tuk a̱ ʋlhtoba ai ona achukma ho̱ chimashke, im achi tok.

1 Samuel 15:10

Yʋmohmi ma Chihowa im anumpa hʋt Samuel a̱ im ʋlʋt, yak ahanchi tok.

1 Samuel 9:9

(Nitak ti̱kba ka hatak ʋt Chitokaka ya̱ i̱ ponaklot iakmʋt, Inta! napisa yak o̱ kil im oná, achi beka tok: himak a̱ hopaii achi ʋt cha̱shpo hokʋno napisa achi beka tok.)