Genesis 14:3 - Chahta Holisso Holitopa 1886

³ Ilʋppa moma kak osh okfa Sittim, yʋmmʋt hʋpi okhʋta ha̱ ai itahobʋt aiasha tok.

Genesis 14:3 Iomraidhean Croise

Genesis 10:19

Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.

Genesis 14:10

Mihma Sittim okfa hʋt bitumen aiasha yakni mitahli yosh alotowa tok: atuk o̱ Sotom i̱ mi̱ko, micha Komollah i̱ mi̱ko ʋt tihlaya tuk osh yʋmmak o̱ ai akakoha tok: mihma hlako̱ffi tuk ʋt yihlepʋt nʋnih chaha ya̱ ona tok.

Genesis 14:4

Afʋmmi auah tuklo ho̱ Chetolaoma ya̱ i̱ nutaka tok; atuk osh afʋmmi ont isht auah tuchina ho̱ i̱ filʋmmit i̱ sanali tok.

Genesis 14:8

Mihma Sotom i̱ mi̱ko, micha Komollah i̱ mi̱ko, micha Atmah i̱ mi̱ko, micha Seboim i̱ mi̱ko, micha Bela yʋmmʋt Soa ya̱ i̱ mi̱ko aiena kʋt kohchʋt ilhkoli mʋt Sittim okfa ha̱ ont ai itafamʋt,

Genesis 19:24

Yohmi ma Chihowah yʋt hituk lakna micha luak Chihowah ya̱ a minti Sotom micha Komollah aiena ka̱ ʋba et ai on umbʋchi tok.

Atʋloa 107:34

Yʋmma̱ aiyasha kʋt haksi hatuk pulla kak o̱, yakni nanah a waya achukma yatuk kia, yakni hʋpih humi ikbi hoke.

Numbas 34:12

Mikmʋt ai ʋhli ʋt okʋtahʋt iʋt Chatan a̱ ona hi oke: mikma ont akohcha ʋt okhʋta hʋpi yak a hi oke. Ilʋppak osh ai ʋhlit apakfoyupa aiena kʋt hʋchi̱ yakni ya chi̱ hoke, ish im achashke, achi tok.

Tutelonomi 3:17

Micha yakni patali, micha Chatan, micha im aiʋhli Chinnelelh a̱ ʋttʋt ia hosh yakni patali okhʋta, hʋpi okhʋta, Ashtolh‐piskah nʋnih nuta hʋshi akochaka imma ont ʋhli ka̱ ima li tok.

Choshua 3:16

Oka ibetʋp imma minti hatuk ʋt yokopa cha, itʋnahachit falamʋt hopakichit, Alam tʋmaha holihta Saletan bili̱ka talaia ka ona tok: yohmikma yakni patali okhʋta hʋpi okhʋta imma ia hatuk ʋt tahʋt hokofa na okla hʋt Cheliko ichapaka fehna hak o̱ a hlopulli tok.