Genesis 14:2 - Chahta Holisso Holitopa 1886

² Ilʋppa puta kʋt Sotom i̱ mi̱ko Bela, micha Komollah i̱ mi̱ko Besha, Atmah i̱ mi̱ko Shinab, micha Seboim i̱ mi̱ko Shemebe, micha Bela yʋmmʋt Soa ya̱ i̱ mi̱ko aiena ka̱ in tanampi tok.

Genesis 14:2 Iomraidhean Croise

Genesis 10:19

Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.

Genesis 13:10

Mihma Lot ʋt akachakali mʋt, Chatan yakni patali moma kʋt kanima moma kia oka laua achukma kʋt a̱sha; Chihowah yʋt Sotom, micha Komollah ya̱ okpʋnit ik tahlo ki̱sha ma, Chihowah im osapushi ak o̱ chohmi cha, Soa ish chukowa Echip yakni ak o̱ chiyuhmi tok a̱ pi̱hi̱sa tok.

Genesis 13:12

Eblam ʋt Kenan yakni ak o̱ ai ahanta tok; mikma Lot ʋt yakni patali tʋmaha holihta taloha kak o̱ ai ʋtta cha, Sotom pilla hak o̱ im ʋlhtipo ya̱ hilechi tok.

Tutelonomi 29:23

Mihma yakni yʋmma moma kʋt hituk lakna, micha hʋpi, micha lu̱hu̱a, nana ahollokchi keyu, micha nana awaya keyu, micha hʋshuk nana kia ai offo keyu, okpulot taha kʋt, Sotom micha Komolah, Atmah micha Seboim aiena okpulot taha tok mak o̱, yʋmmak oka Chihowah yʋt nukhobela hosh, micha im ai i̱ nukkilli ʋt libbi hosh okpʋnit tahli tok choyuhmi ka̱ pisa mak osh, acha hi oke.

Tutelonomi 34:3

Micha oka‐mahli, micha Cheliko okfa yakni patali pam iti tʋmaha holihta Soa ont ʋhli ka̱ pisachi tok.

1 Samuel 13:18

Mikma a̱ya achʋfa kʋt fullotʋt Belh‐holon pilla ho̱ ia tok: mikma a̱ya achʋfa kʋt fullotʋt yakni ʋhli Seboim okfa pit bachaya yakni haiaka pilla hina yak o̱ ia tok.