Genesis 13:9 - Chahta Holisso Holitopa 1886

⁹ Yakni ʋt moma hosh chi tikba itoyula keyu cho? Is sa̱ filʋmmashke, chim asilhha lishke: ʋlhfʋbek imma hak o̱ ish ia hokma, ishtimpak imma hak o̱ ia lashke; keyukmʋt ishtimpak imma hak o̱ ish ia hokma, ʋlhfʋbek imma hak o̱ ia lashke, im achi tok.

Genesis 13:9 Iomraidhean Croise

Genesis 13:10

Mihma Lot ʋt akachakali mʋt, Chatan yakni patali moma kʋt kanima moma kia oka laua achukma kʋt a̱sha; Chihowah yʋt Sotom, micha Komollah ya̱ okpʋnit ik tahlo ki̱sha ma, Chihowah im osapushi ak o̱ chohmi cha, Soa ish chukowa Echip yakni ak o̱ chiyuhmi tok a̱ pi̱hi̱sa tok.

Genesis 13:8

Mihma Eblam ʋt Lot a̱ Ʋno, micha chishno piti takla, micha a̱ nan ʋlhpoa apesʋchi ʋhleha, micha chi̱ nan ʋlhpoa apesʋchi ʋhleha aiena iti takla ya̱ itachowa kʋt iksho kashke; chim asilhha lishke, itibapishi ʋhleha pia hokʋt.

Genesis 20:15

Micha Abimelek ʋt, Yakeh, a̱ yakni ʋt chi tikba itoyulʋshke: kanima yo̱ chim ʋlhpiesakmʋt, ish ai ahantashke, achi tok.

Genesis 34:10

Micha pi takla hʋsh aiashashke: mikma yakni ʋt hʋchi tikba talaia chi̱ hoke; ai itatobʋt hʋsh aiasha cha, hʋch imila̱yak a̱ hʋsh ai ikbashke, achi tok.

Atʋloa 120:7

Ʋno yokʋto itti̱ nanaiya hi ak o̱ aiyahni li hoke; yohmih kia ʋnumpule likma̱, yʋmmʋto tʋnampih bʋnna hoke.

Loman 12:18

Yohma he yobakma, hʋsh a yʋmohma he ai ʋlhpiesa kʋto, hatak moyuma ka hʋsh it i̱ nanaiya hosh hʋsh ahantashke.

1 Kolinhlian 6:7

Yomohmi hoka himonasi kia anumpa itonochit nan im ʋlhpisʋt hʋsh ma̱ya hokʋt, nana hʋsh ashʋchi fehnʋshke. Nanta katiohmi ho̱ nan ik ʋlhpeso ka hʋchi onocha he hʋch ik im ahno hosh? nanta katiohmi ho̱ nana ka ik ʋlhpesachot hʋchim isha hi a̱ ʋlhpesa hʋchik im ahno hosh?

Heblu 12:14

Achunanchit hatak puta ka it i̱ nanaiyʋt, nan ai ashʋchi iksho ya̱ hʋsh ieshashke, yʋmmʋt iksho ka hatak nana kia Chitokaka ya̱ pisa he keyu hoke.