Genesis 13:7 - Chahta Holisso Holitopa 1886

⁷ Atuk o̱ Eblam i̱ nan ʋlhpoa apistikeli ʋhleha, micha Lot i̱ nanʋlhpoa apistikeli ʋhleha aiena kʋt itachowa tok: micha mihmʋno Kenanait okla, micha Pelissait okla aiena kʋt yakni yʋmma a̱sha hatok.

Genesis 13:7 Iomraidhean Croise

Genesis 10:19

Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.

Genesis 12:6

Mihma Eblam ʋt yakni yash hlopullit a̱yʋt Moleh i̱ baiyi hieli Sikem a̱ ona tok. Yohmi ma Kenan okla hʋt yakni ya̱ aiasha hatok.

Genesis 21:25

Mihma Eblaham ʋt Abimelek in tishu ʋhleha hʋt kʋli hofobi ya̱ afoʋt im ishi tuk ak o̱, Abimelek a̱ nukfohkichi tok.

Genesis 26:20

Atuk o̱ Kela ya̱ nan ʋlhpoa apistikeli ʋhleha hʋt Aisak i̱ nan ʋlhpoa apistikeli ʋhleha ha̱ im afoʋt, Oka ʋt pimmi hoke, achi tok: mihma kʋli hofobi yash hohchifo ha̱ Esek achi tok; im afoa tuk ak atok.

Genesis 34:30

Mihma Chekob ʋt Simeon micha Lefai ya̱, Hʋs si ataklʋmmi cha, yakni ya̱ okla Kenanait, micha Pelissait a̱ im itin takla ya̱ hʋs sa shuwʋchishke: holhtina kʋt ik sa lauwo hatuk o̱, iti hoyot itʋnaha cha, a̱ sanali cha, sʋba chi̱ hoke, mikma ʋno, micha an chuka achʋfa aiena kʋt illit sʋ taha chi̱ hoke, im achi tok.

Genesis 46:34

Yohmikma, Chin tishu ʋhleha nan isht aiasha yʋt ʋlla pi moma hakinli tok osh himak a̱ ant ʋhli kʋt, pishno, micha pi̱ki ʋhleha aiena kʋt nanʋlhpoa apesʋchi ak oh chatuk oke, hʋsh achashke: yohmi hosh Koshen yakni ak o̱ hʋsh aiashashke; nanʋlhpoa apesʋchi ʋt Echip okla hʋt nana isht ayuwala yoka, im achi tok.

Eksotʋs 2:17

Atuk o̱ chukfi apesʋchi ʋhleha hʋt ʋla cha, kanima pit tihleli tok. Yohmi tuk kia Moses ʋt wakayʋt hikia cha, apelʋchit i̱ nanʋlhpoa chipunta ya̱ oka ipeta tok.

Mark i̱ Holisso 3:25

Mihma chuka achʋfa ʋt it a kashapʋt ilap ash inli it im i̱ sanal kmʋt, chuka achʋfa yʋmmʋt talaia he keyushke.

1 Kolinhlian 3:3

Haknip nan ai ahni hʋchia moma hoka iti̱ potʋnno, micha itachowa anonti iti̱ filamohli aiena kʋt hʋch itin takla aiasha hoka, haknip nan ai ahni mak o̱ hʋchia moma, micha hatak im anukfila yo̱ chohmit hʋsh itʋnoho̱wa keyu̱?

Kaleshan 5:20

Na holba aiokpʋchi, ikhi̱sh isht yushpakama, iti̱ nukkilli, itachowa, iti̱ shahshohlechi, anukhobela, iti̱ yichina, ita kʋshkoʋt nan ʋlhpisa i̱ sanali, ʋbanumpuli iksa iti̱ filamohli,

Koloshan 4:5

Kocha ai asha ka i̱ hopoyuksʋt itʋnowʋt, nitak ik hʋchi̱ kʋnio hosh nan isht hʋsh il im ahantashke.

1 Hlessalonian 4:12

Yʋmohmi hosh kocha a̱sha ka ai ʋlhpiesa ho̱ hʋsh i̱ yʋmohmi cha, nana kia ik hʋch im ono kʋt iksho kashke.

Titus 3:3

Yohmi ka pishno ak kia ti̱kba hokʋno nana kil ithano, Chihowa kil im antio, pi yoshubʋt, anukfila okpulo ilaiyuka, micha haknip isht ai yukpa aiena ka i̱ yuhu̱kʋt, hotopali bʋnna, it i̱ potʋnno aiena isht il ahanta kʋt, nan isht ik pi ahobo fehna hosh it i̱ nukkillit il ahanta tok.

Chemis 3:16

Kanima yo̱ it i̱ potʋnno, micha itachowa aiena kʋt a̱shakma, ai itasheha, mikmʋt nana a kaniohmi ik ʋlhpeso moma aiena kʋt yʋmmak oka a takali hoke.

Chemis 4:1

It in tanampi, micha itibi puta kʋt hʋchi takla ya̱ takali kʋt, katima ko̱ a toba cho? hʋchishno hʋchi haknip isht ai yukpa he ahni kʋt hʋchi haknip a̱ a tanahampi kak o̱ a toba ilʋppak o̱ keyu̱?

1 Pita 2:12

Nana hʋsh a kaniohmi kʋt achukma hosh ʋbanumpa ik ithano okla ha̱ iba takla hʋsh ahantashke: yohmi na nana ik achukmo yʋmihchi chohmichit hʋchi̱ sanalit anumpohonli kia, nana achukma puta hʋsh yimihinchi ka pihi̱sakmʋt, Chihowa yʋt i̱ nowʋt a̱ya nitak oka yʋmma okla holitoblashke.