Genesis 13:16 - Chahta Holisso Holitopa 1886

¹⁶ Mikma chim isht aiunchololi ya̱ lukfi pushi yakni paknaka aiasha kak o̱ chiyuhmichi la hi oke: yohmikma hatak nana hosh lukfi pushi yakni paknaka aiasha ka̱ hotihnʋt tahla hinla hok mak o̱, chim isht aiunchololi ak kia holhtina hi oke.

Genesis 13:16 Iomraidhean Croise

Genesis 15:5

Mihmʋt ilauelit kocha isht ona mʋt, Ʋba pilla ha̱ pit ish hopo̱koyo cha, fochik puta ka̱ ish hotihna hinlakmʋt, ish anolashke, achi tok: Chim isht aiunchololi hʋt yʋmmak o̱ chiyuhma hi oke, im achi tok.

Genesis 16:10

Micha Chihowah im enchel ash osh chisht aiunchololi ka̱ apaknʋchit atamblichi la hi oke, yohmi na apakna kʋt a holhtina hi ʋt iksho ka hi oke, im achi tok.

Genesis 17:16

Mikmʋt yukpali la chi̱ hoke, micha yʋmmak kia ʋlla nakni yo̱ a chima la hi oke: a̱hli yukpali la chi̱ hoke; mikma oklushi laua ho̱ ishki ya̱ chi̱ hoke: okla i̱ mi̱ko puta kʋt a tohomba hi oke, im achi tok.

Genesis 17:2

Mikma ʋno ʋt chishno ya̱ nana chitim apesa li pullashke; micha chi apaknʋchit atambliche lashke, im achi tok.

Genesis 17:20

Ishmael ak okʋno chi̱ haponaklo lishke: yakeh, yukpali lishke, wayʋchit apaknʋchi kʋt atamblichi la chi̱ hoke; mi̱ko auah tuklo ho̱ tobacha chi̱ hoke; micha oklushi chito ho̱ ikbi la chi̱ hoke.

Genesis 17:6

Micha chi wayachi li fehnʋt, oklushi puta chi ai ikbi likma, mi̱ko puta kʋt chi ako̱honcha hi oke.

Genesis 18:18

Eblaham ʋt oklushi chito, micha kʋllo hosh toba pullakma, oklushi puta moma yakni paknaka aiasha kʋt yʋmmak o̱ a yukpa hi oka.

Genesis 21:13

Mikma ohoyo yuka ushi ak kia chim ai unchololi yoka, oklushi ikbi la hi oke, im achi tok.

Genesis 22:17

Nayukpa̱hanlit chi yukpali la hi oke, micha chim ishtatiaka ya̱ apaknʋchi hokʋno apakna̱hanchit ʋba fochik a̱ choyuhmichi likmʋt, okhʋta ʋhli shinuk aiasha kak o̱ choyuhmichi la hi oke; mikma chim ishtatiaka yʋt in tʋnʋp i̱ holihta okhissa ya̱ iesha hi oke.

Genesis 26:4

Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke.

Genesis 28:14

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

Genesis 28:3

Mikma Chitokaka Nan isht im aia̱hli ataha iksho hʋt chi yukpalashke; micha chi wayʋchit chi apaknʋchashke, yʋmohmi ho̱ okla laua chia hashke;

Genesis 32:12

Achukma ho̱ chi yʋmihchi li pulla chi̱ hoke; micha chim ishtatiaka ya̱ laua kʋt holhtina he keyu, shinuk okhʋta aiasha kak o̱ choyuhmichi la hi oke, ish achi tuk oke, achi tok.

Genesis 32:13

Micha mih ninak ma yʋmmak inli anta tok; micha itibapishi Esau ya̱ habenʋcha chi̱ kʋt nana hosh ibbak ant fohkakmʋt, ishi tok.

Genesis 35:11

Micha Chitokaka yʋt, Ʋno ak osh Chitokaka Nan isht im aia̱hli im ataha he iksho sia hoke: wayʋt ish apaknashke; oklushi, micha oklushi kanohmi kia chi atoba hi oke, micha mi̱ko puta kʋt chi haknip a̱ a kohcha hi oke.

Genesis 46:3

Mihma, Ʋno ʋt Chitokaka, chi̱ki in Chitokaka sia hoke: Echip ia ka̱ ik chi nukshopo kashke; yʋmmak o̱ okla chito a̱ chihi̱kbi la chi̱ hoka.

1 Mi̱ko 3:8

Micha chin tishu hʋt chim okla, okla chito ish atokolit ish ishi tok o̱, apakna kʋt holhtinʋt taha he keyu ho̱, ai iklʋna hikiʋshke.

1 Mi̱ko 4:20

Mihma Chutah, micha Islael aiena kʋt apakna kʋt shinuk osh okhʋta lapalika aiasha kak o̱ chiyuhmi cha, impʋt nanishkot, nayukpʋt aiasha tok.

2 Mi̱ko 13:23

Yohmi tuk kia Chihowa yʋt Eblaham, Aisak, micha Chekob aiena nan itim apesa yatok pulla hatuk mak osh i̱ kanʋt i̱ nukha̱klot filemʋt i̱ holhponayo hanta onochi cha, chukilissʋchi ik bʋnno, micha itikba ya̱ ai ishit ik kancho ki̱sha tok.

Eksotʋs 1:7

Mihma Islael im ʋlla ʋhleha hʋt waya achukma mʋt, isht i̱ shahlit, lauʋt isht ma̱ha̱yʋt, apakna cha, kʋllot atampʋt ma̱ha̱ya tok; micha yakni ya̱ alota tok.

Eksotʋs 32:13

Eblaham Aisak, micha Islael chin tishu ʋhleha, yʋmmak oka chishno ak inli ile hochifot anumpa kʋllo anumpulit, chim isht atiaka apaknʋchit ʋba shutik fochik a̱ chohmichi la chi̱ hoke, micha yakni isht anumpuli li tuk ilʋppa chim isht atiaka ya̱ ima likma immi bilia hi oke, ish im achi tok ʋt ish ithaiyanashke, achi tok.

Numbas 23:10

Kʋta hosh Chekob lukfi pushi ya̱, micha Islael kʋshkoa ont isht aiushta hoh kia hohtina hinla cho? Aiʋlhpiesa illi kak o̱ chohmit sʋllashke, micha ʋm ai isht aiopikmʋt yʋmmak o̱ chohmashke, achi tok.

Tutelonomi 1:10

Hʋchin Chitokaka Chihowah yʋt hʋchi apaknʋchi tuk oke; atuk o̱ yakeh, hʋchi apakna kʋt himak nitak a̱ ʋba fochik puta ka̱ hʋsh chohmishke.

Heblu 11:12

Yʋmohmi hoka achʋfa, yʋmmʋt illi ak o̱ chiyuhmi kia, laua kʋt fochik ʋba shutik ai asha ka itilaui, micha shinuk a holhtina iksho okhʋta ontalaka ai asha kak o̱ chiyuhmi hosh a toba tok.

Nan Otʋni 7:9

Ilʋppʋt ai yakohmi haya, anonti yakeh! okla chinto fehna, hatak nana hosh hotehna kʋt tahla he keyu mak o̱, oklushi ilaiyuka, im anumpa ilaiyuka puta yakni pakna ai asha moma ka a minti hosh, ilefoka tohbi falaia holitompa abehkʋchi hosh, pam ʋt ibbak a foyuka ho̱ ai o̱ binili holitompa, micha Chukfʋlhpobushi ita tuklo itikba ya̱ hieli ho̱ pisa li tok.

Nan Apesa 6:3

Micha Islael ʋt nana hokchi ma, yakohmi tok; Mitianait ʋhleha, micha Amalekait ʋhleha, micha hʋshi akochaka in chipota aiena kʋt ʋlʋt, Islael a̱ ant itibi beka tok.

Nan Apesa 6:5

Laua kʋt hatʋffo ak o̱ chiyuhmi hosh i̱ wak, micha im ʋlhtipo aiena ka isht ʋla hatuk osh; okla, micha i̱ kamel aiena kʋt a holhtina iksho hatuk osh; micha yakni yash chukowʋt okpʋni tok.