Genesis 13:12 - Chahta Holisso Holitopa 1886

¹² Eblam ʋt Kenan yakni ak o̱ ai ahanta tok; mikma Lot ʋt yakni patali tʋmaha holihta taloha kak o̱ ai ʋtta cha, Sotom pilla hak o̱ im ʋlhtipo ya̱ hilechi tok.

Genesis 13:12 Iomraidhean Croise

Genesis 13:11

Yohmi mʋt Lot ʋt Chatan yakni patali moma ilap immi achi̱ hosh atokoli mʋt, Lot ʋt hʋshi akochaka pilla ho̱ ia tok: yohmi ma iti̱ filʋmmit okla tok.

Genesis 14:12

Micha Eblam itibapishi ushi Sotom ʋtta hatuk Lot, micha im ʋlhpoyak aiena ka̱ ishi cha ilhkoli tok.

Genesis 14:2

Ilʋppa puta kʋt Sotom i̱ mi̱ko Bela, micha Komollah i̱ mi̱ko Besha, Atmah i̱ mi̱ko Shinab, micha Seboim i̱ mi̱ko Shemebe, micha Bela yʋmmʋt Soa ya̱ i̱ mi̱ko aiena ka̱ in tanampi tok.

Genesis 19:1

Atuk o̱ opia ma, enchel tuklo kash osh Sotom a̱ ona tok; mihma Lot ʋt Sotom holihta okhissa ya̱ bininli tok; mihmʋt Lot ʋt pisa mʋt, wakayʋt afamʋt ia tok: micha nashuka ya̱ isht akachunolit aka hlipia tok.

Genesis 19:24

Yohmi ma Chihowah yʋt hituk lakna micha luak Chihowah ya̱ a minti Sotom micha Komollah aiena ka̱ ʋba et ai on umbʋchi tok.

Genesis 19:25

Micha tʋmaha holihta yʋmma puta kash, micha yakni patali moma, micha tʋmaha holihta yʋmma puta kash okla moma, micha yakni ai offo aiena ka̱ okpʋnit kanchi tok.

Genesis 19:29

Atuk o̱ yakohmi tok, Chitokaka yʋt yakni patali tʋmaha holihta puta ka̱ okpʋnit tahli mʋt, Eblaham a̱ ithaiyana tok; micha tʋmaha holihta puta Lot ʋt ai ʋtta yash okpʋnit tahli mʋt, nana okpulot taha kash im itin takla ya̱ ai ishit Lot a̱ kohchi tok.

Atʋloa 26:5

Nan ik achukmo isht asha ittʋnaha ya̱ ak ahniecho hoke; micha hʋttak haksi ʋhleha ha̱ takla binnili la he keyu hoke.

1 Kolinhlian 15:33

Hʋch ik ile haksecho kashke: nan ik ʋlhpeso a chukulbi yokʋto im anukfila achukma puta tuk a̱ im okpʋni voke.