Genesis 12:8 - Chahta Holisso Holitopa 1886

⁸ Atuk osh yʋmma ʋttʋt kanʋllit ia mʋt, Behlel i̱ hʋshi akochaka imma nʋnih chaha hak o̱ ona cha, Behlel ʋt hʋshi ai okatula pilla tala̱ya ho̱, micha Hai ʋt hʋshi akochaka pilla ma, tala̱ya ho̱ im ʋlhtipo ya̱ hilechi tok: mihmʋt yʋmmakma Chihowah ya̱ alta im ikbi cha, Chihowah ya̱ hochifot i̱ pa̱ha̱ya tok.

Genesis 12:8 Iomraidhean Croise

Genesis 13:18

Yohmi ma Eblam ʋt im ʋlhtipo ya̱ kanʋllichit Mamli i̱ baiyi Heblon yakni talaia hieli ka̱ ont ai ʋtta tok: micha yʋmma Chihowah ya̱ alta im ikbi tok.

Genesis 13:3

Atuk osh oka mahli ya̱ ʋttʋt falamʋt mintit Behlel, yʋmmʋt Behlel micha Hai iti takla yakni talaia ho̱ ʋmmona ka̱ im ʋlhtipo ʋt a hikia tok atok;

Genesis 13:4

Ʋmmona ka̱ alta ai ikbi tok yakni talaia yo̱ ʋla tok: micha yʋmmak o̱ Eblam ʋt Chihowah ya̱ hochifot ai i̱ pa̱ha̱ya tok.

Genesis 21:33

Mihma Eblaham ʋt Bee‐sheba ak o̱ iti lokoli hilechi cha, yʋmmak o̱ Chihowah Chitokaka bilia hohchifo ha̱ ai i̱ pa̱ha̱ya tok.

Genesis 22:9

Atuk osh Chitokaka yʋt im anoli tuk nʋnih ha̱ onʋt okla tok: mihma Eblaham ʋt yʋmmak o̱ alta ikbi cha, iti ya̱ achukmalit bohlit tahli tok; mihmʋt ushi Aisak a̱ takchi cha, alta paknaka iti on a̱sha tuk a̱ onochi tok.

Genesis 26:25

Mihma yʋmma alta ai ikbi cha, Chihowah hochifʋt i̱ pa̱ha̱ya tok; micha yʋmmak o̱ im ʋlhtipo ya̱ a hilechi tok: mihma yʋmmak o̱ Aisak in tishu ʋhleha hʋt kʋli hofobi ya̱ a kulli tok.

Genesis 28:19

Mihma ʋt yakni yʋmma Behlel hochifo tok: yohmi kia ʋmmona ka̱ tʋmaha holihta yʋmma hohchifo kʋt Lus atok.

Genesis 31:25

Yohmi ma Laban ʋt Chekob a̱ sakki tok. Yohmi ma Chekob ʋt nʋnih ak o̱ im ʋlhtipo ya̱ a hilechi tok: atuk o̱ Laban ʋt itibapishi ʋhleha aiena kʋt Kileat nʋnih ak o̱ a binachi tok.

Genesis 33:20

Micha yʋmma alta hilechi cha, El‐elohe‐Islael hochifo tok.

Genesis 35:3

Micha wakayʋt Behlel ak o̱ il iashke; mikma yʋmmak o̱ Chitokaka ya̱ yʋmmak osh a sʋlbʋsha nitak ma a̱ haponaklo tok, micha kanima a̱ya li ma sʋbafoyuka tuk a̱ alta im ai ikbi lashke, im achi tok.

Genesis 35:7

Micha yʋmma alta ai ikbi mʋt, yʋmma El‐behlel hochifo tok: itibapishi Esau itikba ya̱ i̱ maleli ma, Chitokaka yʋt yʋmmak o̱ ai i̱ haiaka tok oka.

Genesis 4:26

Atuk o̱ Selh yʋmmak kia ushi ʋt im ʋtta tok: mihma hohchifo ha̱ Enos hochifo tok: yohmi ma hatak puta kʋt Chihowah hohchifo ha̱ i̱ pa̱yʋt wakaya tok.

Genesis 8:20

Mihma Noah hʋt Chihowah ya̱ alta im ikbi cha, nan ʋlhpoa kashofa puta, micha hushi kashofa puta ai ishi cha, alta yash onochit hukmit isht aiokpʋchi ya̱ im issa tok.

Atʋloa 116:4

Yohmih mʋt Chihowa hohchifo ha̱ i̱ pa̱yʋt, “Omeh is sʋm ahni cha, Chihowa ma, ʋmish shilombish a̱ ish hlʋkuffichashke,” achi le tuk oke.

Eksotʋs 17:15

Mihma Moses ʋt alta ikbi cha, hohchifo ha̱ Chihowah nissi, achi tok.

Apostel isht Anumpa 2:21

Micha yakohma hi oke, Kʋna kia Chitokaka hohchifo ha̱ pit hochihi̱fokmʋt okcha̱ya he mak oke; Chihowa yʋt ahanchishke: ahanchi tok mak oke.

1 Kolinhlian 1:2

Chihowa in chʋch Kolinhla a hikia, Chisʋs Klaist ak atuk pulla kak o̱ isht a kashofʋt, ʋbanumpuli ʋlhtoka tok, micha pin Chitokaka Chisʋs Klaist ʋt yʋmma, micha pishno il ita tuklo ka pimmi hatuk o̱ hohchifo ha̱ anukchietot hoho̱yot kanima moma ai asha aiena ka pit i̱ holissohonchishke.

Heblu 11:9

Na yimma pulla kak osh yakni im issa tok ash ont ahanta kʋt, yakni ʋt immi keyu ho̱ chiyuhmi hosh Aisaak, micha Chekob ita tuklo, yʋmmʋt nan im issa tok mihi ash iesha he im ai ʋlhpesa ak inli ka ai itapehʋt ʋlhtipo anu̱kaka yo̱ aha̱shwa tok:

Choshua 18:22

Micha Belh‐alabah, micha Semalaim, micha Belhel,

Choshua 22:10

Atuk osh Chatan ʋhli Kenan yakni bachaya ka okla ona mʋt, Luben im ʋlla ʋhleha, micha Kat im ʋlla ʋhleha, micha Manasseh ai unchololi iklʋna aiena kʋt Chatan bili̱ka ya̱ alta ikbit pi̱sa hi o̱ alta chito fehna ho̱ ikbi tok.

Choshua 7:2

Mihma Choshua ʋt Cheliko ʋttʋt hatak kanohmi ha̱ Belh‐afen ichapaka, Behlel hʋshi a kohchaka imma Ai ya̱ tihlelit, im anumpulit, Hʋsh ia cha, yakni yʋmma ont hʋsh pisashke, im achi tok. Mihma hatak ash osh ia cha, Ai ya̱ ont pisa tok.

Choshua 8:12

Yʋmohmi mʋt hatak tahlepa sipokni tahlapi foka ho̱ ishi cha, aiehcha chi̱ ka Behlel, Ai itintakla tʋmaha holihta ya̱ i̱ hʋshi ai okatula imma ho̱ ont ashachi tok.

Choshua 8:17

Yohmi ka Islael okla ha̱ ik ahliyuho hosh Ai, Behlel kanima ka anta kʋt hatak achʋfa nana kia iksho ki tok: micha tʋmaha holihta pit tiwʋt talaia na Islael okla ha̱ ahliyuha tok.

Choshua 8:3

Yohmi ho̱ Choshua, micha hatak tʋnʋp a̱ya ʋhleha moma kʋt Ai ya̱ in tanampit ia tok: mihma Choshua ʋt hatak tʋnʋp a̱ya hlampko hochukma chilitʋt nukwia iksho tahlepa sipokni pokoli tuchina ho̱ atokolit ninak o̱ tihleli tok.

Choshua 8:30

Yohmi ma Choshua ʋt Chitokaka Islael in Chihowa ya̱ nʋnih Ebal ak o̱ alta ya̱ im ai ikbi tok.

Choshua 8:9

Yʋmohmi hatuk osh Choshua ʋt yʋmmak ash pit tihleli tok; yohmi na aiehcha chi̱ hosh okla hʋt Ai i̱ hʋshi ai okatula imma Behlel, Ai itintakla ak o̱ aiasha tok: amba Choshua ʋto ninak yʋmma okla hak o̱ iba binachi tok.

Nan Apesa 6:24

Yʋmohmi ma Kiteon ʋt Chihowa ya̱ alta im ikbi cha, Chihowa‐shalom hochifo tok: himak nitak a̱ Abieslait ʋhleha in tʋmaha Oflah ya̱ a hikia moma hoke.

1 Samuel 30:27

Behlel a̱sha tuk, micha Lamolh im oka mahli a̱sha tuk, micha Chatti a̱sha tuk,