Biblia Todo Logo
Bìoball air-loidhne

- Sanasan -




Genesis 12:5 - Chahta Holisso Holitopa 1886

5 Micha Eblam ʋt tekchi Salai, micha itibapishi ushi Lot, micha i̱ nanʋlhpoa ahayuchi tuk ʋt moma, micha Halan a̱ tishu okla ai ahayuchi tuk ʋt pehlichi cha, Kenan yakni ya̱ okla ona chi̱ hosh kohchʋt ia tok; atuk osh Kenan yakni ya̱ okla ona tok.

Faic an caibideil Dèan lethbhreac




Genesis 12:5
13 Iomraidhean Croise  

Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.


Yohmi ka̱ ilʋppa puta kak osh Telah isht aiunchololi hoke: Telah ʋt Eblam, Naho, micha Halan aiena ka̱ tobachi tok: atuk o̱ Halan ʋt Lot a̱ tobachi tok.


Mihma Telah ʋt ushi Eblam, micha Halan ushi Lot, ilap ushi akinli ushi, micha ushi Eblam tekchi ipok Salai aiena ka̱ pehlichi cha Kenan yakni ya̱ ona chi̱ hosh Kaltea yakni talaia Uh ha̱ kohchʋt ia tok: atuk osh Halan a̱ ona cha, yʋmmak o̱ aiasha tok.


Mihma Eblam a̱ awant ia tuk ʋt Lot ak kia nanʋlhpoa chipinta, micha nan ʋlhpoa hochito, micha ʋlhtipo puta aiena kʋt im a̱sha hatok.


Mihma yakni ʋt ik im ono hatuk osh, itʋpehʋt a̱ha̱shwa he keyu tok: imila̱yak chinto hatuk okʋt, itʋpehʋt a̱ha̱shwa he keyu tok.


Mihma Eblam ʋt itibapishi ha̱ yukachit ishi tuk o̱ haklo mʋt, ilap in chuka akinli ho̱ ai ʋttʋt, nan im ʋlbʋchit hofantit aiasha ya̱ tahlepa tuchina cha auah untuchina ho̱ nahalupa im atahlit pehlichi cha, hliolit Tan a̱ ona tok.


Mihma Sotom i̱ mi̱ko ʋt Eblam a̱, Hatak ʋhleha hano ʋno ak o̱ is sama cha, nachukushpa ya̱ chishno akinli hosh ish ishashke, im achi tok.


Mihma Chekob ʋt Bee‐sheba ya̱ akohchʋt Halan pilla ho̱ ia tok.


Atuk o̱ Esau ʋt tekchi ʋhleha, micha ushi ʋhleha, micha ushetik ʋhleha, micha nana hosh in chuka achʋfa aiasha tu̱k moma, micha i̱ nanʋlhpoa chipinta, micha i̱ nanʋlhpoa hochito, micha imila̱yak moma Kenan yakni ai ahayuchi tuk ʋt ishi cha, itibapishi Chekob itikba ya̱ i̱ filʋmmit yakni inla ya̱ ia tok.


Amba naholitompa isht ʋtta yʋt shilombish o̱ i̱ tʋli holisso ishit chumpa tuk ʋt ai ʋpa hi oke: micha in chuka ya̱ ai ʋtta tok aiena kʋt im ilhpak a̱ okla ai ʋpa hi oke.


Mihma Kaltia okla i̱ yakni ash a kohchʋt minti cha, Kalan ak o̱ ant ai ahanta tok. Atuk o̱ i̱ki ʋt illi ma, yʋmmak ash o̱ a wihachit yakni ilʋppa himonasi hʋsh ai aha̱shwa ka, isht ʋla tok.


Lean sinn:

Sanasan


Sanasan