Genesis 12:4 - Chahta Holisso Holitopa 1886

⁴ Yohmi ma Chihowah yʋt im achi tuk mak o̱, Eblam ʋt ia tok, mihma Lot ʋt awant ia tok: mihma Eblam ʋt Halan a̱ kohchʋt ia mʋt, afʋmmi pokoli untuklo akucha tahlapi tok.

Genesis 12:4 Iomraidhean Croise

Genesis 11:27

Yohmi ka̱ ilʋppa puta kak osh Telah isht aiunchololi hoke: Telah ʋt Eblam, Naho, micha Halan aiena ka̱ tobachi tok: atuk o̱ Halan ʋt Lot a̱ tobachi tok.

Genesis 11:31

Mihma Telah ʋt ushi Eblam, micha Halan ushi Lot, ilap ushi akinli ushi, micha ushi Eblam tekchi ipok Salai aiena ka̱ pehlichi cha Kenan yakni ya̱ ona chi̱ hosh Kaltea yakni talaia Uh ha̱ kohchʋt ia tok: atuk osh Halan a̱ ona cha, yʋmmak o̱ aiasha tok.

Genesis 13:5

Mihma Eblam a̱ awant ia tuk ʋt Lot ak kia nanʋlhpoa chipinta, micha nan ʋlhpoa hochito, micha ʋlhtipo puta aiena kʋt im a̱sha hatok.

Genesis 16:16

Mihma Eblam ʋt afʋmmi pokoli untuchina akucha hannali ho̱, Eblam a̱ Haka ʋt Ishmael a̱ im eshi tok.

Genesis 16:3

Mihma Eblam ʋt Kenan yakni ya̱ ahanta tok afʋmmi pokoli ma, Eblam tekchi Salai ʋt in tishu ohoyo Echip ohoyo Haka yash eshi cha i̱ hatak Eblam a tekchi ya chi̱ ho̱ i̱ bohli tok.

Genesis 25:7

Atuk o̱ Eblaham ʋt okcha̱yʋt ahanta afʋmmi puta ya̱ nitak puta okcha̱yʋt ahanta kʋt ilʋppak oke, afʋmmi tahlepa achʋfa cha pokoli untuklo akucha tahlapi tok.

Genesis 28:10

Mihma Chekob ʋt Bee‐sheba ya̱ akohchʋt Halan pilla ho̱ ia tok.

Apostel isht Anumpa 7:4

Mihma Kaltia okla i̱ yakni ash a kohchʋt minti cha, Kalan ak o̱ ant ai ahanta tok. Atuk o̱ i̱ki ʋt illi ma, yʋmmak ash o̱ a wihachit yakni ilʋppa himonasi hʋsh ai aha̱shwa ka, isht ʋla tok.

Heblu 11:8

Eblaham okʋt yakni inla yʋmma i̱ himmak o̱ immi tobʋt isha hi o̱, iʋt ona chi̱ ho̱ i̱ howa ma, yimmi pulla kak osh im antia tok; micha yʋmmak o̱ ia li, ahni keyu kia, kohchʋt ia tok.

Heblu 6:15

Yakohmit nana ka nuktaiyalʋt hoho̱yo hatuk osh, nana ka im ihi̱sa tok ash ishi tok.