Genesis 12:3 - Chahta Holisso Holitopa 1886

³ Atukma kʋna hosh anumpa yukpali chi onochikma yukpali la hi oke; mikmʋt kʋna hosh anumpa kalakshichi chi onochikma, kalakshichi la hi oke: mikma chuka achʋfa puta yakni paknaka aiasha kʋt chi aiyukpa hi oke, achi tuk atok.

Genesis 12:3 Iomraidhean Croise

Genesis 18:18

Eblaham ʋt oklushi chito, micha kʋllo hosh toba pullakma, oklushi puta moma yakni paknaka aiasha kʋt yʋmmak o̱ a yukpa hi oka.

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

Genesis 22:18

Mikma ʋm anumpa ha̱ ish im antia hoka, chim ishtatiaka ak o̱ oklushi moma yakni paknaka aiasha kʋt nan isht aiyukpa hi oke, achi li tuk oke, achi tok.

Genesis 24:35

Atuk o̱ Chihowah yʋt a̱ shahli ha̱ nayukpali fehna, na holitopa fehnʋt tahʋshke: micha nanʋlhpoa chipinta, micha nanʋlhpoa hochito, micha tʋli hʋta, micha tʋli lakna, micha hatak tishu, micha ohoyo tishu, micha kamel, micha i̱ssuba haksobish falaia aiena ka̱ ima tuk oke.

Genesis 25:11

Atuk o̱ yakohmi tok, Eblaham ʋt illi ha ya̱, ushi Aisak a̱ Chitokaka yʋt yukpali tok: mihma Aisak ʋt kʋli hofobi Lahai‐loi ak o̱ ai ʋtta tok.

Genesis 26:29

Yʋmohmi ho̱ nana e chi̱ kaniohmichi tuk keyu ka̱, micha nana kʋt achukma bieka ho̱ e chi̱ yumihchi tuk, micha achukma ho̱ a̱yashke, e chim ai ahni tuk oka̱, chiyuhmit chik pi hotopalo kashke: himak a̱ Chihowah yʋt yukpali chia hoke, okla achi tok.

Genesis 26:4

Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke.

Genesis 27:29

Okla hʋt chim antiashke, micha oklushi puta kʋt chim akachunolit aka hlipkaiyachashke: chitibapishi ʋhleha ha̱ ish i̱shahlashke: mikma chishki ushi ʋhleha hʋt chim akachunolit aka hlipkaiyachashke: kʋna hosh chi kalakshichikmʋt kalakshashke, mikma kʋna hosh chi yukpalikmʋt nayukpashke, achi tok.

Genesis 28:14

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

Genesis 30:27

Mihma Laban ʋt, Holhponayo hanta ya̱ chi tikba ai ahayuchi li tuk okma, ish antashke, chim asilhha lishke: chishno ak atuk pulla kak o̱ Chihowah yʋt sai yukpali hoka, akostininchi lishke, im achi tok.

Genesis 30:30

Ak lo ki̱sha kano kanomosi hosh chim aiasha tuk osh himak ano wayʋt apaknʋt taha hoka: mihma Chihowah yʋt ʋla li tuk takla ka̱ chi yukpalishke: yohmi ka̱ himak a̱ katiohmik mak o̱ an chuka achʋfa yak kia nan im atahlit ahanta la chi̱ cho? im achi tok.

Genesis 39:5

Atuk o̱ yakohmi tok, in chuka achʋfa, micha nana moma im a̱sha tuk ʋt apesʋchi ikbi tok nitak itin takla ma, Chihowah yʋt Chosef ak atuk pulla mak o̱, Echip hatak ash in chuka achʋfa ya̱ yukpali tok: micha Chihowah nan ishit yukpali ʋt nana moma chuka aiasha, micha osapa aiasha ka̱ onʋtoyula tok.

Atʋloa 72:17

Hohchifo hʋt tʋkkali na billiashke; hʋshi ʋt tʋllayah ta̱kla ka̱ hohchifo hʋt uffot ma̱ha̱yashke; mikma̱ okla hʋt yʋmmak o̱ nan isht il a yokpalashke; oklushi moma kʋt, “Na̱ yokpáh,” achashke.

Eksotʋs 23:22

Amba im anumpa ha̱ ish im antia cha, anumpohonli li moma ka̱ ish yʋmihchi ho̱ mʋhlikma, chin tʋnʋp ʋhleha ha̱ in tʋnʋp sia ha he; micha chi̱ sanali ʋhleha ha̱ i̱ sanali sia ha hi oke.

Numbas 24:9

Hlipia hoke, koi chohmit micha koi chito chohmit tʋshki hoke, kʋta hosh ilhkolecha hinla cho? kʋna hosh anumpa yukpali chi onochikmʋt, yukpa hoke: mikma kʋna hosh anumpa ka llakshichi chi onochikmʋt kalakshi hoke, achi tok.

Mahlu 25:40

Mikma Mi̱ko ʋt afalaminchikmʋt A̱hli mak o̱ hʋchi̱ miha lishke, Itibapishi li ʋhleha yakohmi ka moma ik lauwo achʋfona ka kaniohmi ho̱ hʋsh ai i̱ yʋmohmi tuk okʋt, ʋno ak o̱ hʋs sa̱ yʋmohmi mak atuk oke, im acha hi oke.

Mahlu 25:45

Yohmikma yʋmmak ash osh afalaminchikmʋt, A̱hli mak o̱ hʋchi̱ miha lishke, Yakohmi ka moma ik lauwo achʋfona kia kaniohmi ka a hʋch ik i̱ yʋmihcho tok mʋt, ʋno ak o̱ hʋch ik sa̱ yʋmihcho tok mak oke, acha hi oke.

ʋBanumpa Luk Ʋt Holissochi Tok 24:27

Mihmʋt Moses, micha hopaii puta aiena tok ai ʋhli kak o̱ isht ia hosh, Holisso Holitopa ya̱ a mominchit ilap a̱ isht ai annoa ka achukmalit im anohonli tok.

Loman 4:11

Yohmi ka hakshup tʋpa yak osh nan isht atokowa, micha nan isht ai ʋlhpiesa isht ai a̱hli mak o̱ hakshup ik tapo kash inli hosh i̱shi tok; yohmi kʋt hakshup ik tapo kia, yimmi hokʋno moyuma ka i̱ki ya hi atok; yohmi ho̱ yʋmmak kia nan isht ai ʋlhpiesa yʋt immi ak inla hi atok:

1 Kolinhlian 1:30

Yohmi kia hʋchishno ʋto yʋmmak atuk mak o̱ Klaist Chisʋs a̱ hʋsh ibai achʋfa ka yʋmmak o̱ Chihowa pulla kak o̱ isht pi a hopoyuksa, micha isht pi ai ʋlhpiesa, micha isht pi a kashofa, micha isht pi ai ʋlbi yoke:

Kaleshan 3:16

Yohmi ka Eblaham, micha im isht atiaka yak o̱ nan im ihi̱sa tok; Laua nana ho̱ ahobʋchit isht atiaka ʋhleha, achi keyu; amba achʋfa chohmichit, Chim isht atiaka yak o̱, achi yʋmmʋt Klaist ak oke.

Kaleshan 3:28

Chu okmá, Klik okmá, nana kʋt iksho; yuka yokmá, yuka keyu yokmá, nana kʋt iksho; nakni okmá, ohoyo hokmá nana kʋt iksho, amba hʋsh moyuma kʋt achʋfʋt Klaist Chisʋs a̱ hʋsh ibafoyuka hoke.

Kaleshan 3:8

Mihma Holisso Holitopa yʋt Chihowa yʋt ʋbanumpa ik ithano ya̱ na yimmi pulla kak o̱ isht ai ʋlhpiesacha hi a̱ tikbanli pisa kak osh, Eblaham a̱ ʋbanumpa ha̱ isht im anumpulit, Chishno ak o̱ okla moma kʋt na yukpa hi oke, achi tok.

Efeshan 1:3

Chihowa pin Chitokaka Chisʋs Klaist I̱ki, yʋmmak osh Chisʋs ak atuk mak o̱ ʋba nana ishit pi yukpahanli yʋt holitopashke:

Koloshan 3:11

Yʋmmak oka Klik, micha Chu yo̱ keyu, hakshup tʋpa, micha hakshup ik tapo yo̱ keyu, Bʋlbaha, micha okla nukshopa yo̱ keyu, yuka, micha ik yuko yo̱ keyu, amba Klaist ʋto nana moma ka im i̱ shahli, micha moma ka ibafoyuka hoke.

Nan Otʋni 7:9

Ilʋppʋt ai yakohmi haya, anonti yakeh! okla chinto fehna, hatak nana hosh hotehna kʋt tahla he keyu mak o̱, oklushi ilaiyuka, im anumpa ilaiyuka puta yakni pakna ai asha moma ka a minti hosh, ilefoka tohbi falaia holitompa abehkʋchi hosh, pam ʋt ibbak a foyuka ho̱ ai o̱ binili holitompa, micha Chukfʋlhpobushi ita tuklo itikba ya̱ hieli ho̱ pisa li tok.