Genesis 12:2 - Chahta Holisso Holitopa 1886

² Mikma okla chito fehna a chikbi la he, mikmʋt chi yukpali likmʋt, anonti chi hohchifo ha̱ holitoblichi la hi oke; mikma ishit na chi yukpa yachi̱ hoke.

Genesis 12:2 Iomraidhean Croise

Genesis 13:16

Mikma chim isht aiunchololi ya̱ lukfi pushi yakni paknaka aiasha kak o̱ chiyuhmichi la hi oke: yohmikma hatak nana hosh lukfi pushi yakni paknaka aiasha ka̱ hotihnʋt tahla hinla hok mak o̱, chim isht aiunchololi ak kia holhtina hi oke.

Genesis 15:5

Mihmʋt ilauelit kocha isht ona mʋt, Ʋba pilla ha̱ pit ish hopo̱koyo cha, fochik puta ka̱ ish hotihna hinlakmʋt, ish anolashke, achi tok: Chim isht aiunchololi hʋt yʋmmak o̱ chiyuhma hi oke, im achi tok.

Genesis 17:20

Ishmael ak okʋno chi̱ haponaklo lishke: yakeh, yukpali lishke, wayʋchit apaknʋchi kʋt atamblichi la chi̱ hoke; mi̱ko auah tuklo ho̱ tobacha chi̱ hoke; micha oklushi chito ho̱ ikbi la chi̱ hoke.

Genesis 18:18

Eblaham ʋt oklushi chito, micha kʋllo hosh toba pullakma, oklushi puta moma yakni paknaka aiasha kʋt yʋmmak o̱ a yukpa hi oka.

Genesis 18:19

Yʋmmak ash osh im ʋlla ʋhleha ha̱, micha in chuka achʋfa et iakaiya ka̱ im api̱hi̱sakma, Chihowah i̱ hina ya̱ holitoblit aiʋlhpiesa ai atokowa kak o̱ yʋmihcha hi ya̱ ithana lishke; yʋmohmi ho̱ Chihowah yʋt Eblaham a̱ isht anumpuli tuk ʋt im aia̱hlicha hi oke, achi tok.

Genesis 19:29

Atuk o̱ yakohmi tok, Chitokaka yʋt yakni patali tʋmaha holihta puta ka̱ okpʋnit tahli mʋt, Eblaham a̱ ithaiyana tok; micha tʋmaha holihta puta Lot ʋt ai ʋtta yash okpʋnit tahli mʋt, nana okpulot taha kash im itin takla ya̱ ai ishit Lot a̱ kohchi tok.

Genesis 24:1

Atuk o̱ Eblaham ʋt sipoknit nitak lauʋt in taiyaha hatok: mihma Chihowah yʋt Eblaham a nana moma ka̱ isht yukpali tok.

Genesis 24:35

Atuk o̱ Chihowah yʋt a̱ shahli ha̱ nayukpali fehna, na holitopa fehnʋt tahʋshke: micha nanʋlhpoa chipinta, micha nanʋlhpoa hochito, micha tʋli hʋta, micha tʋli lakna, micha hatak tishu, micha ohoyo tishu, micha kamel, micha i̱ssuba haksobish falaia aiena ka̱ ima tuk oke.

Genesis 25:11

Atuk o̱ yakohmi tok, Eblaham ʋt illi ha ya̱, ushi Aisak a̱ Chitokaka yʋt yukpali tok: mihma Aisak ʋt kʋli hofobi Lahai‐loi ak o̱ ai ʋtta tok.

Genesis 26:3

Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

Genesis 26:4

Micha chim ishtatiaka ya̱ apaknʋchit ʋba fochik choyuhmichi la chi̱ hoke; mikmʋt yakni ilʋppa moma ka̱ chim ishtatiaka ya̱ ima la chi̱ hoke: mikma chim ishtatiaka yak o̱ oklushi moma yakni paknaka aiasha kʋt ai yukpa hi oke.

Genesis 27:29

Okla hʋt chim antiashke, micha oklushi puta kʋt chim akachunolit aka hlipkaiyachashke: chitibapishi ʋhleha ha̱ ish i̱shahlashke: mikma chishki ushi ʋhleha hʋt chim akachunolit aka hlipkaiyachashke: kʋna hosh chi kalakshichikmʋt kalakshashke, mikma kʋna hosh chi yukpalikmʋt nayukpashke, achi tok.

Genesis 28:14

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

Genesis 35:11

Micha Chitokaka yʋt, Ʋno ak osh Chitokaka Nan isht im aia̱hli im ataha he iksho sia hoke: wayʋt ish apaknashke; oklushi, micha oklushi kanohmi kia chi atoba hi oke, micha mi̱ko puta kʋt chi haknip a̱ a kohcha hi oke.

Genesis 46:3

Mihma, Ʋno ʋt Chitokaka, chi̱ki in Chitokaka sia hoke: Echip ia ka̱ ik chi nukshopo kashke; yʋmmak o̱ okla chito a̱ chihi̱kbi la chi̱ hoka.

2 Samuel 7:9

Micha kanima yo̱ ish iakma, chibafoyuka li tuk oke, micha chin tʋnʋp moma ka chi tikba ya̱ ai ishit kanchi li tuk, micha yakni hatak hochitoka hohchifo ha̱ chohmichit hohchifo chito chim ikbi lishke.

1 Mi̱ko 1:47

Micha yohmi ma mi̱ko in tishu ʋhleha hʋt pi̱ shahli mi̱ko Lewi ya̱ im ʋla cha, anumpa yukpali onochit, Chihowa ʋt Solomon hohchifo ha̱ holitoblichi kʋt chi hohchifo ha̱ i̱ shahlichashke, micha im ai ombinili holitompa ya̱ chitoli kʋt chim ai ombinili holitompa ya̱ i̱ shahlichashke, okla achishke: mihma mi̱ko ʋt in topa binilit il akachunoli tuk oke, im achi tuk.

Atʋloa 107:38

Mikma̱ yokpali na, oklah apaknah fehnakma̱, i̱ nan ʋlhpoa ma̱ ik ʋlawechot isht im iah keyushke.

Eksotʋs 1:7

Mihma Islael im ʋlla ʋhleha hʋt waya achukma mʋt, isht i̱ shahlit, lauʋt isht ma̱ha̱yʋt, apakna cha, kʋllot atampʋt ma̱ha̱ya tok; micha yakni ya̱ alota tok.

Eksotʋs 32:10

Yʋmohmi hoka inta, ik a̱sha is sʋm ahni na, ʋm ai i̱ nukkilli ʋt i̱ sanalit libbashke, micha yʋmmak o̱ lushummi lashke, micha chishno ak o̱ okla chinto ho̱ chikbi lashke, im achi tok.

Numbas 14:12

Ililli okpulo isht issot kanchi lish, ai isha he ʋlhpesa im ishi lashke, micha chishno ak o̱ oklushi chito micha kʋllo yʋmma i̱ shahli ka̱ chi ai ikbi lashke, achi tok.

Numbas 22:12

Mihma Chihowah hʋt Balaam a̱, Awant ish ia he keyu; anumpa kalakshichi ish onocha he keyu; holitopa hoka, im achi tok.

Numbas 23:20

Yakeh! yukpali la chi̱ ho̱ anumpa ʋma tuk oka: micha yukpali tuk oke, atuk o̱ inlʋchi la he keyu koke.

Loman 4:11

Yohmi ka hakshup tʋpa yak osh nan isht atokowa, micha nan isht ai ʋlhpiesa isht ai a̱hli mak o̱ hakshup ik tapo kash inli hosh i̱shi tok; yohmi kʋt hakshup ik tapo kia, yimmi hokʋno moyuma ka i̱ki ya hi atok; yohmi ho̱ yʋmmak kia nan isht ai ʋlhpiesa yʋt immi ak inla hi atok:

Kaleshan 3:14

Yʋmohmi ho̱ Chisʋs Klaist pulla hatuk mak o̱ Eblaham nan isht aiyukpa yʋt Chentail a̱ onʋtula chi̱ hatok; yʋmohmi ho̱ pi yimmi pulla kak osh, Shilombish pim issa tok a̱ il isha chi̱ hatok.

Kaleshan 3:7

Yʋmohmi ka hʋsh ithaiyanashke, yimmi puyuta yʋmmak okʋto Eblaham im ʋlla ʋhleha yoke.

Tutelonomi 26:5

Mikma chin Chitokaka Chihowah itikba ya̱ ish anumpulit, A̱ki ʋt Silian illa̱ hosi a tok; atuk osh kanomosi hosh aiitʋpehʋt Echip a̱ ona cha, yʋmmak o̱ aiasha tok, micha yʋmmak o̱ aiashʋt oklushi chito, kʋllo, micha laua aiena toba tok.