Genesis 11:8 - Chahta Holisso Holitopa 1886

⁸ Yʋmohmi ho̱ Chihowah ʋt yʋmma a kanʋllichit yakni paknaka moma ka̱ ita fimibli tok: mihma tʋmaha holihta ikbi tuk ʋt issa tok.

Genesis 11:8 Iomraidhean Croise

Genesis 10:25

Atuk o̱ Ebe ʋt ushi tuklo hosh im ashwa tok: achʋfa kʋt hohchifo kʋt Pelek atok: yʋmma i̱ nitak ak o̱ yakni ʋt itakʋshkoa tok: mikma itibapishi hohchifo kʋt Choktan atok.

Genesis 10:32

Ilʋppa puta kak osh Noah im ʋlla ʋhleha in chuka achʋfa puta ilap ishtatiaka aiyukali okla taloha mak oke: micha oka falama ʋt a̱ya ha ya̱ ilʋppa puta tok ak o̱ oklushi puta kʋt yakni ya̱ itakʋshkoa tok.

Genesis 10:5

Yakohmi kak osh i̱ yakni Chentail i̱ yakni tashaiyi puta ka̱ ilap aiokla achʋfa im anumpa achʋfa cha, in chuka achʋfa ishtatiaka aiyukalit ita kʋshkoa tok.

Genesis 11:4

Mihmʋt, Inta! hʋpimmi hachi̱ ka̱ tʋmaha holihta micha chuka chaha ai atoni paknaka yʋt shutik a̱ ona ho̱ iloh ikbashke; micha pi hohchifo iloh ikbashke; keyukmʋt ita fimimpʋt yakni paknaka moma ka̱ il itʋnowa yoba ná, okla achi tok.

Genesis 11:9

Yʋmohmi hatuk o̱ yʋmmʋt Babel hohchifo tok: yʋmmak o̱ Chihowah ʋt yakni moma im anumpa ha̱ ai itim aiokomi tok oka: micha yʋmma Chihowah ʋt akanʋllichit yakni paknaka moma ka̱ ita fimibli tok.

Genesis 49:7

Nokowa kʋt libbi tok okʋt, micha im ai i̱ nukkilli ʋt ilbʋshali tok okʋt kalakshashke: Chekob a̱ ai ita kʋshkoli la hi oke, micha Islael a̱ ai ita fimibli la hi oke.

Atʋloa 33:10

Chihowa hʋt oklushi puttah im anukfila ya̱ kubʋffih chatuk; oklah puttah nan ahni tuk a̱ akshuchih chatuk oke.

Atʋloa 92:9

Yakeh, chi̱ tʋnʋp ʋhleha hʋt, Chihowa ma, yakeh, chi̱ tʋnʋp ʋhleha hʋt aiokpuloka chi̱ hoka̱: nan ik ʋlhpeso yʋmihchi putta kʋt ittʋfemimpʋt taha chi̱ hoke.

ʋBanumpa Luk Ʋt Holissochi Tok 1:51

Yʋmmak okʋt ilapo shakba isht imaiyachi chatuk: ilapunla ʋhleha hʋt ilap chu̱kʋsh nan isht im anukfilʋt ma̱yakma, yʋmmak okʋt it a fimibli chatuk oke.

Tutelonomi 32:8

Chaha Moma i̱ Shahli ʋt oklushi puta ka̱ i̱ yakni ya chi̱ ho̱ ita kʋshkoli tok, Alam ushi ʋhleha ha̱ ita filʋmmichi mʋt, Islael im ʋlla ʋhleha ho̱lhtina ha tuk mak o̱, okla im ai ʋhli ya̱ apesa tok.