Genesis 11:5 - Chahta Holisso Holitopa 1886

⁵ Mihma Chihowah ʋt hatak im ʋlla ʋhleha hʋt tʋmaha holihta, micha chuka chaha ai atoni ikbi ka̱ pisa chi̱ hosh akowʋt ʋla tok.

Genesis 11:5 Iomraidhean Croise

Genesis 18:21

Himak a̱ akowa lish, ishit pa̱ha̱ya na ʋm ahanla tuk mak osh a̱hli bieka yomohmi tuk okmá pisa lashke; amba keyu hokmá ithʋna lashke, achi tok.

Atʋloa 11:4

I̱ tempel hulittopa ya̱ Chihowa hʋt a̱ha̱ttʋt, Chihowa im ai o̱ binili hulittopa yʋt ʋba yak oka̱: nishkin ʋt hʋttak im ʋlla putta ka̱ awet pisʋt i̱ holhpunnayo hʋt isht imomaka pisa hoke.

Eksotʋs 19:11

Nitak atuchina chi̱ ka̱ im ʋlhtahashke; nitak ont atuchinakma okla moma kʋt api̱sa ho̱ Chihowah yʋt akowʋt Sinai paknaka ya̱ ʋla chi̱ hoke.

Eksotʋs 19:18

Mihma Sinai nʋnih hʋt shobulli bieka tok, Chihowah yʋt luak afoyuka akowʋt ʋla tuk oka, mihma shobulli ʋba ia kʋt tʋli abila shobulli kak a̱ chiyuhmi ma, nʋnih hash osh momʋt winakahanchi fehna tok.

Eksotʋs 19:20

Mihma Chihowah yʋt akowʋt nʋnih paknaka Sinai nʋnih paknaka ya̱ ʋla tok; micha Chihowah yʋt Moses a̱ hoyot nʋnih paknaka isht ona tok. Mihma Moses ʋt oiya tok.

Eksotʋs 3:8

Atuk osh Echip okla ibbak a̱ kohchit hlakofichit, yakni yʋmma kohchit, yakni achukma, micha chito, pishukchi, micha foebila aiena kʋt ayana̱hanli, Kananait, micha Hittait, micha Amolait micha Pelissait, micha Hifait, micha Chebusait, aiasha yak o̱ isht ona la chi̱ hosh ʋla lishke.

Chan 3:13

Yohmi ka hatak nana hosh ʋba ya̱ ia tuk keyu; amba ʋba ya̱ mintit ʋla tok Hatak Ushi ʋba ya̱ a̱sha yʋmmak illʋshke.

Heblu 4:13

Nana toba moma kʋt achʋfa kia itikba ya̱ ik im ai otano kʋt iiksho; amba nana ka il it i̱ kaniohma chi̱ yʋmma i̱ holhponayo hokʋno nan oklu̱ha kʋt ik ompoholmo i̱ bieka hoke.