Genesis 11:2 - Chahta Holisso Holitopa 1886

² Atuk o̱ yakohmi tok, hʋshi akochaka imma ya̱ ashʋt itʋnowʋt mihinti mʋt, yakni patali ʋt Shina yakni ya̱ tala̱ya na, ant ahayuchi tok: mihmʋt yʋmmak o̱ okla aiasha tok.

Genesis 11:2 Iomraidhean Croise

Genesis 10:10

Yohmi ka̱ im apehlichika ishtia ʋmmona kʋt Shina yakni taloha Babel, micha Elek, micha Akkat, micha Kalneh ak atok.

Genesis 11:1

Mihma yakni moma kʋt itih, micha anumpa aiena kʋt achʋfa tok.

Genesis 11:9

Yʋmohmi hatuk o̱ yʋmmʋt Babel hohchifo tok: yʋmmak o̱ Chihowah ʋt yakni moma im anumpa ha̱ ai itim aiokomi tok oka: micha yʋmma Chihowah ʋt akanʋllichit yakni paknaka moma ka̱ ita fimibli tok.

Genesis 13:11

Yohmi mʋt Lot ʋt Chatan yakni patali moma ilap immi achi̱ hosh atokoli mʋt, Lot ʋt hʋshi akochaka pilla ho̱ ia tok: yohmi ma iti̱ filʋmmit okla tok.

Genesis 14:1

Atuk o̱ yakohmi tok, Shina i̱ mi̱ko Amlafel, Ellasa i̱ mi̱ko Aliok, Elam i̱ mi̱ko Chetolaoma, micha oklushi puta i̱ mi̱ko Tital aiena kʋt aiasha nitak ma;