Genesis 10:9 - Chahta Holisso Holitopa 1886

⁹ Chihowah itikba ya̱ hatak owʋtta fehna yosh ahanta tok: yohmi tok mak o̱ hatak owʋtta fehna mak osh Chihowah itikba hikia Nimlot atok mak o̱ chohmi hoke, achi beka tok.

Genesis 10:9 Iomraidhean Croise

Genesis 10:10

Yohmi ka̱ im apehlichika ishtia ʋmmona kʋt Shina yakni taloha Babel, micha Elek, micha Akkat, micha Kalneh ak atok.

Genesis 10:8

Mihma Kush ʋt Nimlot a̱ tobachi tok: atok o̱ yʋmmak osh hatak palʋmmi tobʋt ishit ma̱ha̱ya tok.

Genesis 13:13

Yohmi kia Sotom hatak ʋhleha hʋt haksi fehna cha, Chihowah itikba ya̱ nanashʋchi atampa fehna tok.

Genesis 25:27

Mihma ʋlla yash osh hofantit taha tok; atuk osh Esau ʋt owʋtta imponna, kowi a̱ya hatak atok: micha Chekob ʋt hatak aiʋlhpiesa yosh ʋlhtipo ahanta tok.

Genesis 27:30

Atuk o̱ yakohmi tok, Aisak ʋt Chekob a̱ yukpali kʋt ont tahli makinli ho̱, atuk o̱ Chekob ʋt i̱ki Aisak itikba ya̱ i̱ filʋmmit peh kohcha makinli ho̱, itibapishi Esau ʋt owʋttʋt a̱ya tuk ʋt ʋla tok.

Genesis 6:11

Yakni ak kia Chitokaka itikba ya̱ okpulo tok: micha yakni ya̱ nan ik ʋlhpeso bano kak osh alotowa tok.

Genesis 6:4

Nitak yʋmma foka ka̱ hatak hofaloha yʋt yakni paknaka ya̱ aiasha tok; atuk o̱ i̱ himmak ak kia Chitokaka ushi ʋhleha hʋt hatak ushetik ʋhleha ha̱ itauwayʋt ma̱ya na, ʋlla ya̱ okla im eshi tok o̱, yʋmmak ash osh hatak hlampko chilita cha cha̱shpo ka̱ annoho̱wa fehna tok.

Atʋloa 52:7

Hʋttak ʋt Chitokaka yak o̱ ilap i̱ hulihta kʋllo ikba he keyu hosh, amba nan immi la̱wa kak o̱ anukchieto kʋt ilap nan ik ai ʋlhpieso yak o̱ a kʋlloh bʋnna ka̱ hu pesáh.