Genesis 10:5 - Chahta Holisso Holitopa 1886

⁵ Yakohmi kak osh i̱ yakni Chentail i̱ yakni tashaiyi puta ka̱ ilap aiokla achʋfa im anumpa achʋfa cha, in chuka achʋfa ishtatiaka aiyukalit ita kʋshkoa tok.

Genesis 10:5 Iomraidhean Croise

Genesis 10:20

Ilʋppa puta kak osh Ham ushi ʋhleha ilap in chuka achʋfa ishtatiaka aiyukali, anumpa aiachʋfa, okla talohʋt ilap i̱ yakni aiyukali aiasha mak oke.

Genesis 10:25

Atuk o̱ Ebe ʋt ushi tuklo hosh im ashwa tok: achʋfa kʋt hohchifo kʋt Pelek atok: yʋmma i̱ nitak ak o̱ yakni ʋt itakʋshkoa tok: mikma itibapishi hohchifo kʋt Choktan atok.

Genesis 10:32

Ilʋppa puta kak osh Noah im ʋlla ʋhleha in chuka achʋfa puta ilap ishtatiaka aiyukali okla taloha mak oke: micha oka falama ʋt a̱ya ha ya̱ ilʋppa puta tok ak o̱ oklushi puta kʋt yakni ya̱ itakʋshkoa tok.

Genesis 10:4

Mikma Chafan ushi ʋhleha hʋt, Elishah, micha Tashish, Kittim, micha Totanim ak atok.

Genesis 10:6

Mikma Ham ushi ʋhleha hʋt Kush, micha Mislaim, micha Fut, micha Kenan ak atok.

Genesis 9:19

Ilʋppak osh Noah ushi ʋhleha tuchina mak oke; atuk o̱ yʋmmak atok ak o̱ yakni moma ka̱ ai ita fimimpa tok.

Atʋloa 72:10

Tashish micha nʋnih tʋshayi puttah i̱ mi̱ko ʋhleha hʋt nan isht ayokpʋchi yo̱ isht im ʋtobbashke; Sheba micha Seba i̱ mi̱ko ʋhleha hʋt na̱ hʋlbina isht im onashke.

Tutelonomi 32:8

Chaha Moma i̱ Shahli ʋt oklushi puta ka̱ i̱ yakni ya chi̱ ho̱ ita kʋshkoli tok, Alam ushi ʋhleha ha̱ ita filʋmmichi mʋt, Islael im ʋlla ʋhleha ho̱lhtina ha tuk mak o̱, okla im ai ʋhli ya̱ apesa tok.