Genesis 1:8 - Chahta Holisso Holitopa 1886

⁸ Mihma Chitokaka yʋt shutik a̱ Ʋba hochifo tok: mihma opia kʋt, micha onnahinli kʋt nitak atukla hatok.

Genesis 1:8 Iomraidhean Croise

Genesis 1:10

Mihma Chitokaka yʋt ashila yash Yakni hochifo tok; mihmʋt oka itiba fohkʋt itʋnaha yash, Okhʋta hochifo tok: mihma yʋmmʋt achukma ho̱ Chitokaka yʋt pisa tok.

Genesis 1:13

Mihma opia kʋt, micha onnahinli kʋt nitak atuchina hatok.

Genesis 1:19

Mihma opia kʋt, micha onnahinli kʋt nitak ai ushta hatok.

Genesis 1:23

Mihma opia kʋt, micha onnahinli kʋt nitak ishit tahlapi hatok.

Genesis 1:31

Mihma Chitokaka yʋt nana moma ikbi tuk ʋt pisa ma, yakeh! achukma fehna tok. Mihma opia kʋt micha onnahinli kʋt nitak ishit hannali tok.

Genesis 1:5

Micha Chitokaka yʋt tohwikeli ash, Nitak hochifo tok, mihmʋt okhlilika, Ninak hochifo tok: mihma opia kʋt, micha onnahinli kʋt nitak ʋmmona hatok.

Genesis 1:7

Mihma Chitokaka yʋt shutik a̱ ikbi cha, shutik nutaka oka aiasha ka̱, micha shutik paknaka oka aiasha ka̱ iti̱ filʋmmichi tok: mihma yʋmohmi tok.

Genesis 1:9

Mihma Chitokaka yʋt, Oka pataiya shutik nutaka aiasha kʋt itiba fohkʋt atalaia achʋfa ho̱ ai itʋnahashke, mikma a shila yʋt haiakashke, achi tok: mihma yʋmohmi tok.

Genesis 5:2

Nakni, micha tek itatuklo ho̱ ikbi tok; mihmʋt yukpali cha, tobʋt okla nitak makinli ho̱ hohchifo ha̱ Alam hochifo tok.

Atʋloa 136:5

Im punna hosh ʋba ya̱ ikbi tok a̱ yakoke hʋsh im achashke; im isht i̱ hullo yʋt abillia yoka̱.