Genesis 1:6 - Chahta Holisso Holitopa 1886

⁶ Mihma Chitokaka yʋt, Oka pataiya ka̱ itintakla ya̱ shutik osh talaiashke; micha mihi yosh oka ya̱ oka bi̱ka iti̱ filʋmmichashke, achi tok.

Genesis 1:6 Iomraidhean Croise

Genesis 1:14

Mihma Chitokaka yʋt, Nitak a̱ ninak iti̱ filʋmmicha chi̱ kʋt tohwikelichi hʋt ʋba shutik a̱ hiohma̱yashke: micha nana isht ʋlhpisa kʋt kocha ilaiyuka nitak, micha afʋmmi aiena ka̱ isht ʋlhpisashke.

Genesis 1:20

Mihma Chitokaka yʋt, Oka puta kʋt nana ilhko̱honli im ilhfiopak a̱sha ya̱ lauachit ikbashke; mikma hushi ʋt yakni paknaka ʋba shutik takla ya̱ helit itʋnowashke, achi tok.

Atʋloa 104:2

Yohmi kʋt tohwikeli ha̱ anchi ak o̱ chomihchit ish anchi hoke; ʋba shutik a̱ isht ʋlhtipo nantʋnna yak o̱ chomihchit ish wʋtʋmmi hoke.

Atʋloa 148:4

Ʋba shutik puttah im ʋba shutik, micha shutik paknaka oka aiyasha kʋt hʋsh hulittoblichashke.

Atʋloa 150:1

Chihowa ha̱ hu holittoblichíh. Im ai a̱ha̱tta hulittopa ya̱ Chitokaka ya̱ hʋsh a hulittoblichashke; nan isht im aia̱hlika a tuba ʋba ya̱ hʋsh a hulittoblichashke.

Atʋloa 19:1

Chitokaka im aholittopa ya̱ ʋba yʋt ʋno̱ho̱li hoke, mikma̱ shutik ʋt ibbak nan ʋtahli ya̱ hayakʋchi hoke.

Atʋloa 19:2

Nittak osh nittak a̱ nan im a̱ha̱chi hoke; micha ninak osh ninak a̱ nan ithʋna̱ha̱chi hoke.

Atʋloa 33:6

Chihowa im ʋnnumpa ho̱ ʋba yʋt tubah ma̱, itih fiopa ho̱ nanah puttah momah ai asha kʋt tuba tok.

Atʋloa 33:9

Yʋmmak osh mihah ma̱, tuba tok oka̱: yʋmmak osh im ʋpesah ma̱, ʋlhtahʋt tʋllaya tok oke.

2 Pita 3:5

Yohmi ka ilʋppa ithʋna ik bʋnno hokʋt, hopaki pilla kash ʋba yakni okʋt Chihowa im anumpa hak o̱ isht atoba tok, mihma yakni ilʋppʋt oka akohcha cha, itin takla talaia tok: