Genesis 1:22 - Chahta Holisso Holitopa 1886

²² Mihma Chitokaka yʋt yukpalit, Chelit hʋsh apakna cha, okhʋta puta oka ya̱ hʋsh alotashke; mikma hushi ʋt yakni ya̱ apaknashke, achi tok.

Genesis 1:22 Iomraidhean Croise

Genesis 1:21

Micha Chitokaka yʋt nʋni hochito, micha nan okcha̱ya ilhko̱honli ilap aiachʋfa aiyukali oka yʋt lauachit ikbi ya̱ moma, micha hushi sanahchi a̱sha puta ilap aiachʋfa aiyukali ka̱ ikbi tok: micha yʋmmʋt achukma ho̱ Chitokaka yʋt pisa tok.

Genesis 1:23

Mihma opia kʋt, micha onnahinli kʋt nitak ishit tahlapi hatok.

Genesis 1:28

Micha Chitokaka yʋt yukpali tok, micha Chitokaka yʋt, Wayʋt hʋsh apaknashke, micha yakni ya̱ hʋsh alotowa cha, hʋsh imaiyachashke: micha nʋni okhʋta aiasha, micha hushi ʋba itʋnowa, micha nan okcha̱ya puta yakni paknaka itʋnowa moma ka̱ hʋsh i̱ shahli hashke.

Genesis 30:27

Mihma Laban ʋt, Holhponayo hanta ya̱ chi tikba ai ahayuchi li tuk okma, ish antashke, chim asilhha lishke: chishno ak atuk pulla kak o̱ Chihowah yʋt sai yukpali hoka, akostininchi lishke, im achi tok.

Genesis 30:30

Ak lo ki̱sha kano kanomosi hosh chim aiasha tuk osh himak ano wayʋt apaknʋt taha hoka: mihma Chihowah yʋt ʋla li tuk takla ka̱ chi yukpalishke: yohmi ka̱ himak a̱ katiohmik mak o̱ an chuka achʋfa yak kia nan im atahlit ahanta la chi̱ cho? im achi tok.

Genesis 35:11

Micha Chitokaka yʋt, Ʋno ak osh Chitokaka Nan isht im aia̱hli im ataha he iksho sia hoke: wayʋt ish apaknashke; oklushi, micha oklushi kanohmi kia chi atoba hi oke, micha mi̱ko puta kʋt chi haknip a̱ a kohcha hi oke.

Genesis 8:17

Nan okcha̱ya nipi il aiyukali puta moma chi apehʋt ma̱ya tuk, hushi, micha nan ʋlhpoa, micha nana balʋlli yakni paknaka om balʋlli aiena ka̱ pehliechit ish kohchashke; yohmi na yakni paknaka ya̱ alauachi fehnʋt chelashke, micha yakni paknaka ya̱ a wayʋt apaknashke, achi tok.

Genesis 9:1

Mihmʋt Chitokaka yʋt Noah ya̱ micha ushi ʋhleha aiena ka̱ yukpalit, Hʋsh wayʋt apakna cha, yakni paknaka ya̱ hʋsh alotowashke.

Atʋloa 107:31

I̱ hullo, micha hʋttak im ʋlla ʋhleha ha̱ nan inlah fehna i̱ yʋmi̱hi̱chi aiena hoka̱, Chihowa ha̱ yakoke im a̱ha̱chashke.

Atʋloa 107:38

Mikma̱ yokpali na, oklah apaknah fehnakma̱, i̱ nan ʋlhpoa ma̱ ik ʋlawechot isht im iah keyushke.

Atʋloa 128:3

Yohmi ka̱ chit tekchi ʋt pa̱kkʋpi wayah achukma yak o̱ chohmit chi̱ chukka anu̱kaka a̱ha̱tta ho̱, chim ʋlla ʋhleha hʋt alif ʋlhpoa puttah chohmit chim aiimpa ya̱ ʋpakfoiyupa kak oke.

Lefitikʋs 26:9

Hʋch ithaiyana lish hʋchi wayachit hʋchi apaknʋchi la hi oke, micha ʋm anumpa kʋllochit na hʋchitim apesa la hi oke.