Genesis 1:21 - Chahta Holisso Holitopa 1886

²¹ Micha Chitokaka yʋt nʋni hochito, micha nan okcha̱ya ilhko̱honli ilap aiachʋfa aiyukali oka yʋt lauachit ikbi ya̱ moma, micha hushi sanahchi a̱sha puta ilap aiachʋfa aiyukali ka̱ ikbi tok: micha yʋmmʋt achukma ho̱ Chitokaka yʋt pisa tok.

Genesis 1:21 Iomraidhean Croise

Genesis 1:18

Micha nitak ma a̱ya he, micha ninak ma a̱ya he, micha tohwikeli kash okhlileka iti̱ filʋmmicha he yo̱, ʋba shutik a̱ talohli tok: mihma yʋmmʋt achukma ho̱ Chitokaka yʋt pisa tok.

Genesis 1:20

Mihma Chitokaka yʋt, Oka puta kʋt nana ilhko̱honli im ilhfiopak a̱sha ya̱ lauachit ikbashke; mikma hushi ʋt yakni paknaka ʋba shutik takla ya̱ helit itʋnowashke, achi tok.

Genesis 1:22

Mihma Chitokaka yʋt yukpalit, Chelit hʋsh apakna cha, okhʋta puta oka ya̱ hʋsh alotashke; mikma hushi ʋt yakni ya̱ apaknashke, achi tok.

Genesis 1:25

Micha Chitokaka yʋt nampoa puta ilap aiachʋfa aiyukali, micha nan ʋlhpoa puta ilap aiachʋfa aiyukali, micha nana hosh yakni paknaka om balʋlli puta ilap aiachʋfa aiyukali ka̱ ikbi tok: mihma yʋmmʋt achukma ho̱ Chitokaka yʋt pisa tok.

Genesis 1:31

Mihma Chitokaka yʋt nana moma ikbi tuk ʋt pisa ma, yakeh! achukma fehna tok. Mihma opia kʋt micha onnahinli kʋt nitak ishit hannali tok.

Genesis 2:19

Micha Chihowah Chitokaka yʋt nampoa yakni haiaka aiasha moma ka̱ yakni ya̱ ai isht ikbi tuk atok; micha hushi ʋba itʋnowa moma aiena ka̱ ikbi tuk ʋt Alam ʋt nana ho̱ hochifo na pisa chi̱ kʋt pehlichit isht im ona tok; atuk o̱ nan okcha̱ya puta ka̱ nana ho̱ A̱lam ʋt hochifokma, yʋmmak osh hohchifo hatok.

Genesis 6:20

Hushi puta kʋt ilap ai achʋfa aiyukali, micha nampoa puta kʋt ilap ai achʋfa aiyukali, micha nana aka balʋlli yakni paknaka aiasha moma ilap ai achʋfa tuklo aiyukali hosh okcha̱ya chi̱ hosh chim ai ʋla hi oke.

Genesis 7:14

Yʋmma, micha nampoa puta ilap ai achʋfa aiyukali, micha nan ʋlhpoa moma ilap ai achʋfa aiyukali, micha nana balʋlli puta yakni paknaka om balʋlli ilap ai achʋfa aiyukali, micha hushi puta ilap ai achʋfa aiyukali, hushi chipinta ai il aiyukali puta aiena tok.

Genesis 8:17

Nan okcha̱ya nipi il aiyukali puta moma chi apehʋt ma̱ya tuk, hushi, micha nan ʋlhpoa, micha nana balʋlli yakni paknaka om balʋlli aiena ka̱ pehliechit ish kohchashke; yohmi na yakni paknaka ya̱ alauachi fehnʋt chelashke, micha yakni paknaka ya̱ a wayʋt apaknashke, achi tok.

Genesis 8:19

Nan okcha̱ya puta, nana balʋlli puta, micha hushi puta, micha nana hosh yakni paknaka om balʋlli, ilap aiachʋfa aiyukali momʋt peni chito ya̱ kocha wiha tok.

Genesis 9:2

Yohmikma isht a hʋchi̱ nukshopa, micha isht a hʋchi̱ komota aiena kʋt nampoa puta yakni paknaka aiasha ka̱ moma, micha hushi puta ʋba itʋnowa moma, micha nana hosh yakni paknaka a̱ya moma, micha nʋni okhʋta aiasha ka̱ moma onʋtoyula hi oke; hʋch ibbak a̱ fohka hoke.

Genesis 9:7

Yohmi ka̱ hʋchishno ʋt wayʋt hʋsh apaknashke; yakni paknaka ya̱ a waya fehnʋt ai apaknʋt hʋsh aiashashke, im achi tok.

Atʋloa 148:7

Yakni aiyashʋt pit hʋsh a hulittoblichi kʋt, na̱poa huchito okhʋtah aiyasha, micha ahufobi puttah momah,

Eksotʋs 1:7

Mihma Islael im ʋlla ʋhleha hʋt waya achukma mʋt, isht i̱ shahlit, lauʋt isht ma̱ha̱yʋt, apakna cha, kʋllot atampʋt ma̱ha̱ya tok; micha yakni ya̱ alota tok.

Eksotʋs 8:3

Mihma okhina hʋt shukʋtti a̱ lauachit ikbi na, yʋmmʋt oiyʋt chim aboha, micha ish a nusi aboha iba chukowʋt, chin topa oiyʋt, chin tishu ʋhleha im aboha iba chukowʋt, chim okla ha̱ atuyʋt, micha chim apalʋska micha ta̱ pushi chim ayamʋska puta ka̱ chukowa chi̱ hoke.

Mahlu 12:40

Chonas ʋt nitak tuchina micha ninak tuchina aiena ho̱ nʋni chito ikfoka anu̱kaka ya̱ fo̱ka tok a̱; yʋmmak inli ho̱ chohmit Hatak Ushi ʋt nitak tuchina micha ninak tuchina aiena ho̱ yakni chu̱kʋsh anu̱kaka yatuk ma foyuka hi oke.