Genesis 1:16 - Chahta Holisso Holitopa 1886

¹⁶ Micha Chitokaka yʋt tohwikelichi chito tuklo ho̱, tohwikelichi i̱ shahli kʋt nitak ak o̱ a̱yakma, tohwikelichi ik lauwo hokʋto ninak ak o̱ a̱ya hi yo̱ ikbi tok: mihmʋt fochik puta ka̱ aieninchit ikbi tok.

Genesis 1:16 Iomraidhean Croise

Genesis 1:15

Micha yʋmmak osh tohwikelichi yosh ʋba shutik a̱ ataloha cha, yakni ya̱ on tohwikelichashke, achi tok: mihma yʋmohmi tok.

Atʋloa 148:3

Hʋshi micha hʋshninaka̱ya yʋt hʋsh hulittoblichashke; fuchik tohwikelichi hʋchia hʋt momʋt hʋsh hulittoblichashke.

Atʋloa 148:5

Yʋmma̱ putta kʋt Chihowa hohchifo ha̱ hulittoblichashke; yʋmmak osh im apesah ma̱, tuba tok oka̱.

Atʋloa 19:6

Ʋba shutik ai ʋlhih ʋttʋt kohchʋt ia hosh, fullotʋt ʋlhih i̱ tʋnnʋp ona hoke; yohmi ka̱ im alʋshpaka ya̱ i̱ luma kʋt ikshoshke.

Atʋloa 74:16

Nittak ʋt chimmi hoke, ninak ak oh kia chimmi hak inli hoke; chishno ak osh tohwikelichi, hʋshi aiena ka̱ ish ʋtahli tok oke.

Atʋloa 8:3

Chim ʋba shutik a̱ chibbakushi ʋt ʋtahli tok, hʋsh ninak a̱ya micha fuchik puttah aiena ka̱ ish tʋkohlichi tok, yʋmma̱ pisa likmʋt,

Mahlu 24:29

Na palʋmmi nitak yʋmmak atuk a̱ in chekosikma, hʋshi ʋt okhlilikma, anonti hʋshi ninak a̱ya mʋt ik tommo ka he: mikma fochik puta kʋt ʋba ya̱ a̱sht aka fohopakma, nan isht aia̱hlika puta ʋba shutik ash osh faiokahancha hi oke.

Mahlu 27:45

Yohmi ma hʋshi kanʋlli ʋlhpisa ont isht hannalik fehna ai ʋhlit iʋt, hʋshi kanʋlli ʋlhpisa isht chakkali ona ka, yakni moma ka ai okhlilit kʋnia tok.

1 Kolinhlian 15:41

Hʋshi yʋt nan isht im a holitopa yʋt achʋfa, inla mʋt hʋshi ninak a̱ya nan isht im a holitopa, anonti inla mʋt fochik puta isht im a holitopa yʋt a̱sha hoke; isht a holitopa hokʋno fochik achʋfa kʋt fochik inla ya̱ it im inla hoke.

Tutelonomi 4:19

Micha keyukmʋt, hʋchi nishkin a̱ shutik pilla aka chakalichi cha, hʋshi micha hʋshi ninak a̱ya, micha fochik puta, ʋba nana moma fehna ka̱ hʋsh pisakmʋt, yʋmmak oka chin Chitokaka Chihowah yʋt oklushi puta ʋba moma nuta ka̱ im ita kashʋbli tok a̱, yoshoba cha aiokpʋchit hʋsh im antia na.

Nan Otʋni 21:23

Mihma Chihowa im aholitopaka yosh a tohwikeli ma, anonti yʋmma ai i̱ pʋla hʋt Chukfʋlhpobushi yak atuk o̱, hʋshi, mikmʋt hʋshi‐ninak‐a̱ya kia im a tomma hi a̱ tʋmaha chito yash ot ik bʋnno ki tok.