Genesis 1:12 - Chahta Holisso Holitopa 1886

¹² Mihma yakni ʋt hʋshuk, micha haiyu̱kpulo ilap aiachʋfa nihi waya, micha iti ʋni ilap aiachʋfa ʋni, nihi mʋt ilap akinli ho̱ fo̱ka ho̱, offochi tok: mihma yʋmmʋt achukma ho̱ Chitokaka yʋt pisa tok.

Genesis 1:12 Iomraidhean Croise

Genesis 1:11

Mihma Chitokaka yʋt, Yakni ʋt hʋshuk, haiyu̱kpulo ʋt nihi waya, micha iti ʋni ʋt ilap aiachʋfa ʋnit, nihi mʋt ilap akinli ho̱ fo̱ka ho̱, offochi na yakni paknaka ya̱ aiashashke, achi tok: mihma yʋmohmi tok.

Genesis 1:13

Mihma opia kʋt, micha onnahinli kʋt nitak atuchina hatok.

Atʋloa 104:14

Nan ʋlhpoa ya̱ hʋsshuk im uffochechi cha, hʋttak ʋt yakni ya̱ illimpa a kohchi hosh isht im ai achukma ka̱, nan uffo a̱ im uffochechi hoke.

Mark i̱ Holisso 4:28

Yakni ak osh ilap inlit wayachi hoka: ʋmmona ka ʋpi atuk mʋt, okshonli, yohmi ha mak osh waya chatuk.

ʋBanumpa Luk Ʋt Holissochi Tok 6:44

Iti puta kʋt ilap ʋni yak o̱ isht il ai otʋninchi chatuk: hatak ʋt kʋti hak o̱ fik a̱ ai ʋmo chatuk keyu: yohmikmʋt bissʋpi ak o̱ pa̱ki a̱ ai ʋmo chatuk keyushke.

2 Kolinhlian 9:10

Yohmi ka kʋna hosh na hokchi a̱ na nihi im atahli yak osh hʋchim ilimpa chi̱ pʋska ma ik atahanlí, micha hʋchi̱ na nihi hollokchi tuk ash ik ibakahanlí, mikmʋt na hʋsh a kaniohmi ai ʋlhpesa im ʋni ya̱ i̱ shahlichit ik ibafoho̱ki; achi hosh holisso hoke.

Kaleshan 6:7

Hʋchik ile haksecho kashke; Chihowa hʋt isht ik si yopulá, ahni keyu hoke; hatak ʋt nana ho̱ hokchi tuk mʋt, yʋmmak o̱ ʋma hi oke.

Heblu 6:7

Yohmi ka yakni ak osh uhumba aiyuka ka ai ihi̱shke hosh yakni a toksʋli yʋmmak atuk ʋt ai isha he ʋlhpiesa ho̱ offohonchi cha, nan isht ai yukpa Chihowa a mihinti ka ishi hoke: