Genesis 1:11 - Chahta Holisso Holitopa 1886

¹¹ Mihma Chitokaka yʋt, Yakni ʋt hʋshuk, haiyu̱kpulo ʋt nihi waya, micha iti ʋni ʋt ilap aiachʋfa ʋnit, nihi mʋt ilap akinli ho̱ fo̱ka ho̱, offochi na yakni paknaka ya̱ aiashashke, achi tok: mihma yʋmohmi tok.

Genesis 1:11 Iomraidhean Croise

Genesis 1:12

Mihma yakni ʋt hʋshuk, micha haiyu̱kpulo ilap aiachʋfa nihi waya, micha iti ʋni ilap aiachʋfa ʋni, nihi mʋt ilap akinli ho̱ fo̱ka ho̱, offochi tok: mihma yʋmmʋt achukma ho̱ Chitokaka yʋt pisa tok.

Genesis 1:29

Micha Chitokaka yʋt, Yakeh! haiyu̱kpulo puta nihi waya yakni paknaka moma aiasha, micha iti puta iti nan ʋni nihi waya moma ka̱ hʋchim issa lishke: hʋchim ilhpak ahi oke.

Genesis 2:16

Micha Chihowah Chitokaka yʋt hatak ash im apesʋt, Osapushi ya̱ iti aiasha puta ka̱ pilla ish ai ʋpashke.

Genesis 2:5

Chihowah Chitokaka yʋt yakni, micha ʋba moma ikbi tok nitak a̱, haiaka itʋpushi moma kʋt yakni ya̱ ik ai iksho ma, haiaka haiyu̱kpulo moma kʋt ik ai offo ki̱sha tok: Chihowah Chitokaka yʋt yakni paknaka ik on umbacho hatuk o̱, mihma yakni toksʋla hi ʋt hatak nana kia iksho tok.

Genesis 2:9

Micha Chihowah Chitokaka yʋt iti pisa achukma puta, micha ʋpa achukma aiena, iti aiokcha̱ya, micha iti nana achukma, micha nana ik achukmo aiena isht ai ithʋna yak kia osapushi iklʋnna hikia ka̱, yakni ya̱ ai offochi tok.

Atʋloa 1:3

Yohmi kʋt iti yosh oka a yʋnʋlli ʋpota̱ka a hullukchi kʋt, ont ai ʋlhpiesakma̱ ʋnit wayakmʋt, hishi ʋt bʋsshih chatuk keyu kak o̱ chohmi hoke; micha nana ho̱ yʋmihchikma̱, yʋmmʋt momʋt im ai a̱hlih achukma yoke.

Atʋloa 147:8

Yʋmmak osh shutik a̱ hushontih isht ompohomo mak oke; yakni ya̱ umbah im ʋtahli mak oke; nʋnih chaha putta ka̱ hʋsshuk ai uffochechi mak oke.

Mahlu 3:10

Yohmikma himak ak kia iskifa yʋt iti puta akishtʋla ya̱ itonla hoke; yohmi hatuk o̱ iti yʋt ʋni achukma ho̱ ʋnit waya keyu kʋt moyumʋt cha̱yʋt akakoha cha, luak pit itokaha chatuk oke.

Mahlu 6:30

Yohmi ka hʋshuk himak nitak ano oktak aiasha tuk osh onna ha̱ apalʋska ʋlhpita chi̱ kia, Chihowa hʋt shemʋchi kʋt yʋmihchi kʋto, hʋchishno a̱ i̱ shahlichi hosh ik hʋchi shemacho ka hinla cho? na yimmi fehna keyu hʋchia ma!

Mark i̱ Holisso 4:28

Yakni ak osh ilap inlit wayachi hoka: ʋmmona ka ʋpi atuk mʋt, okshonli, yohmi ha mak osh waya chatuk.

1 Kolinhlian 15:38

Yohmi ka Chihowa yʋt yohmi ai ahni mak osh, nan ʋpi ya chi̱ ka ima hoke; mikmʋt nihi moma kʋto ilap im ʋpi ya chi̱ ka ima hoke.

Heblu 6:7

Yohmi ka yakni ak osh uhumba aiyuka ka ai ihi̱shke hosh yakni a toksʋli yʋmmak atuk ʋt ai isha he ʋlhpiesa ho̱ offohonchi cha, nan isht ai yukpa Chihowa a mihinti ka ishi hoke:

Chemis 3:12

Itibapishi li ʋhleha ma! fik ʋpi ʋt alif ʋni yo̱ ʋna hinla ho̱? keyukmʋt pa̱k‐ʋpi ʋt fik o̱ ʋna hinla cho? yʋmmak inli chiyuhmit kʋli nanta hak osh hʋpi oka, micha oka kasha̱ha aiena ka kohonchi chatuk keyushke.