Filippian 4:9 - Chahta Holisso Holitopa 1886

⁹ Nana puta yʋmma hʋs sʋm ai ithʋna, micha hʋsh ishi, micha hʋsh ha̱klo, micha hʋs si a pi̱sa aiena tuk ʋt hʋsh yʋmohmashke; yohmikma Chihowa im isht it i̱ nanaiya yʋt hʋch ibafoyuka chi̱ hoke.

Filippian 4:9 Iomraidhean Croise

Mahlu 28:20

Nan oklu̱ha ka nana ho̱ hʋchim apesa li tuk a̱ holitobla he mak o̱ hʋsh im abahanchashke: yohmikma yakeh! ʋno ʋt hʋchi awant a̱ya li̱ bilia ho̱, yakni ʋt ont ai ʋhla hi oke, achi tok oke. Amen.

Mahlu 7:21

Chitokaka ma! Chitokaka ma! ʋm achi kak osh momʋt ʋba yakni a̱ chukowa hi o̱ keyushke; amba A̱ki ʋba binili nan aiahni ka yʋmohmi tuk mak a hi oke.

ʋBanumpa Luk Ʋt Holissochi Tok 6:46

Na katihmi ho̱ nana ka hʋchi̱ mihi̱ha li ka hʋsh yohmi keyu kak osh, Chitokaka ma! Chitokaka ma! hʋs si achi cho?

ʋBanumpa Luk Ʋt Holissochi Tok 8:21

Mihma yʋmmak ash ot afalaminchi mʋt, Chihowa im anumpa ha̱ haponaklo cha, mihi yo̱ ai yʋmohmi ʋhleha ilʋppak osh ʋshki, micha itibapishi li ʋhleha aiena mak oke, im achi tok.

Chan 13:17

Ilʋppa puta ka hʋsh ithana cha, yʋmmak o̱ hʋsh yʋmihchi hokmʋt, na hʋchi yukpa mak oke.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

Chan 2:5

Ishki ash ot nan‐isht a̱sha ʋhleha hash, Nana ho̱ hʋchim achikma, hʋsh yʋmihchashke, im achi tok.

Apostel isht Anumpa 9:6

Yohmi ma yʋmmak ashot nukhlakanchʋt wʋnihinchi mʋt, Chitokaka ma! nanta hak o̱ katiohmi la hi a̱, si sʋm ahni cho? achi tok. Mihma Chitokaka yʋt, Wakaya cha, iʋt tʋmaha ha̱ ont ish chukowakmak o̱, nana ish kaniohma chi̱ kʋt, chim annoa chi̱ hoke; im achi tok.

Loman 15:33

Yohmi ka nan isht it i̱ nanaiya in Chihowa yak osh hʋsh moyuma ka hʋch iba foyukashke, Amen.

Loman 16:20

Mikma nan isht it i̱ nanaiya in Chihowa yak osh Setan oka chekosikma chiyi nuta ya̱ a litola chi̱ hoke. Pin Chitokaka Chisʋs Klaist isht i̱ kana yʋt hʋchi anuk foyu kashke. Amen.

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

1 Kolinhlian 14:33

Shakapʋt nan iti ataklʋma he Chihowa hʋt ahni keyu, amba ʋbanumpa anukfohka a̱hli im ai itʋnaha moma kak o̱ chohmit iti̱ nanaiya yak oke.

1 Kolinhlian 4:16

Yʋmohmi hokʋt hʋs siakaiya hi a̱ hʋchi̱ miha lishke.

2 Kolinhlian 13:11

Ishtaiyopi ka itibapishi li ʋhleha ma! na hʋchi yukpashke. Ai a̱hlit hʋchim ʋlhtahashke, ahopohla achukmʋt hʋchim anukfila achʋfʋt, it i̱ nanaiyʋt hʋsh ai ashashke; mikma Chihowa holitoblit nan isht it i̱ nanaiyʋchi yosh hʋchi anukfoyuka chi̱ hoke.

Tutelonomi 5:1

Mihma Moses ʋt Islael moma ka̱ hoyo cha, Islael ma, nan ʋlhpisa bilia puta, micha aiʋlhpiesa yʋmi̱hinchi puta hʋsh ha̱klo ho̱, himak nitak a̱ anumpo̱honli li ka̱ hʋsh haklashke; yʋmohmi hosh hʋsh ithana cha, ieshit hʋsh yʋmi̱hinchashke.

Filippian 3:17

Itibapishi li ʋhleha ma! it apehʋt na sa hobachi hʋsh tobashke, micha pishno a̱ hobachi hʋsh ahni kʋt yakohmit a̱ya ʋhleha ha̱ hʋsh holitoblashke.

Filippian 4:7

Micha Chihowa im isht it i̱ nanaiya, yʋmmʋt im anukfila moma i̱ shahli yʋt hʋchi chu̱kʋsh, micha hʋchim anukfila aiena ka Klaist Chisʋs pulla hatuk mak o̱ atoho̱na chi̱ hoke.

1 Hlessalonian 1:6

Yʋmohmi cha nan isht ai ilbʋsha la̱wa kia, Shilombish Holitopa ai yukpʋt ʋbanumpa ha̱ hʋsh aiokpʋchi cha, pish no, micha Chitokaka ya̱ im antia hʋsh toba tuk oke:

1 Hlessalonian 2:14

Itibapishi li ʋhleha ma! hʋchishno ʋt Chihowa in chʋch puta Klaist ibafoyuka hosh Chutea aiasha ka, iakaiya hʋsh toba tuk oke; hʋchishno ak kia Chu okla hʋt yʋmihchi tok a̱, hʋchim okla hʋt chohmichit hʋch ilbʋshali tok oka:

1 Hlessalonian 5:23

Mikma it i̱ nanaiya yʋt a mihinti Chihowa ak inli hosh ai oklu̱hʋchit hʋchi kashofashke; micha Chihowa ya̱ im asihi̱hla li kʋt, hʋchi shilombish, micha hʋchim anukfila, micha hʋchi haknip aiena kʋt anumpa onʋtula ikshochit hʋchi ieshit, pin Chitokaka Chisʋs Klaist ʋt ai ʋla hi a̱ hʋch isht onakbano ai ahni lishke.

2 Hlessalonian 3:4

Micha hʋchishno pulla hokʋno Chitokaka ya̱ isht il anukchieto kʋt, nana e hʋchim apesa tok a̱ hʋsh yʋmihchi kʋt, anonti hʋsh yʋmihincha chi̱ mak oke.

2 Timohli 4:22

Chitokaka Chisʋs Klaist ʋt chimi shilombish a̱ ibafoyukashke. Isht i̱ kana yʋt chi anukfoyukashke. Amen.

Chemis 1:22

Yohmi kʋt anumpa ha̱ haklo illʋt hʋchishno inli isht hʋchik ile yoshublo kish, amba holitoblit im antia yo̱ hʋchia hashke.

2 Pita 1:10

Yʋmohmi hoka na hʋchi ʋlhtoka, micha na hʋchim annoa aiena kʋt hʋchim ai a̱hla chi̱ kʋt ai yiminta hosh hʋsh achunanchashke: yohmi ka nana ilʋppak o̱ hʋsh yimihchi hokmʋto, chi tula himma keyu hoke:

1 Chan 3:22

Micha im anumpa ʋlhpisa ya̱ e holitobli, mikmʋt nana ka ilapʋt ai ahninchi ak o̱ a pi yʋmohmi aiena hatuk osh, nana ho̱ il asilhha kʋt, yʋmma il ai i̱ habena chatuk oke.